🔴🔴Tovuzda ailə faciəsi: kişi həyat yoldaşına hücum etdi, sonra ölü tapıldı

🔴Prezident İlham Əliyev polşalı həmkarını Konstitusiya Günü münasibətilə təbrik edib

Təbrikdə deyilir:

"3 May – Konstitusiya Günü münasibətilə Sizi və Sizin simanızda bütün xalqınızı öz adımdan və Azərbaycan xalqı adından səmimi-qəlbdən təbrik edirəm.

Azərbaycan ilə Polşa arasında əlaqələr dərin tarixi köklərə və xoş ənənələrə əsaslanır. Biz böyük potensiala malik dövlətlərarası əlaqələrimizin və səmərəli əməkdaşlığımızın inkişafına xüsusi əhəmiyyət veririk.

İnanıram ki, ölkələrimiz arasında dostluq münasibətlərinin genişlənməsi, strateji tərəfdaşlığımızın möhkəmlənməsi, qarşılıqlı fəaliyyətimizin həm ikitərəfli əsasda, həm də Avropa İttifaqı çərçivəsində inkişafı yolunda birgə səylərimizi bundan sonra da uğurla davam etdirəcəyik.

Belə bir xoş gündə Sizə möhkəm cansağlığı, xoşbəxtlik, işlərinizdə uğurlar, dost Polşa xalqına daim əmin-amanlıq və firavanlıq diləyirəm".

❗️ Rusiyadan Ermənistana Azərbaycandan tranzit keçməklə növbəti tədarük həyata keçirilib

Bu barədə "Azərbaycan Dəmir Yolları" QSC-dən məlumat verilib.

Bildirilib ki, 8 vaqondan ibarət, çəkisi 536 ton olan gübrə mayın 3-də Biləcəri stansiyasından Böyük Kəsik istiqamətinə yola salınıb.

❗️Türkiyə və Gürcüstanın din xadimləri Naxçıvanda səfərdədir

Nümayəndə heyəti əvvəlcə Kazım Qarabəkir Paşa məscidində olub. Qonaqlara burada yaradılmış şərait, dini ibadətin təşkili, eləcə də dövlət tərəfindən dini abidələrin qorunmasına göstərilən diqqət və qayğı barədə ətraflı məlumat verilib. Nümayəndə heyətinin üzvləri Azərbaycanda ənənə halını almış vəhdət namazı qılıblar.

Din xadimləri səfər proqramına uyğun olaraq gün ərzində Heydər Məscidi kompleksi və Batabat yaylağı ilə tanış olacaqlar.