🇨🇳🇺🇸Çin ABŞ mallarına rüsumları 84%-ə qədər artırıb

İranda türk dilinə rəsmi dövlət dili statusunun verilməsi tələbi ilə kampaniya başladılıb.

Axar.az xəbər verir ki, bu barədə mədəni fəallar məlumat yayıb.

Məlumata görə, bu tələblə başladılan imza kampaniyasına minlərlə şəxs qoşulub.

“Dəyərli dost, dil ədalətini gerçəkləşdirmə kampaniyası türk dilini İranın rəsmi dillərindən biri olaraq tanınması üçün çalışır. Buna görə də sizdən xahiş olunur ki, bu petisiyanı imzalamaqla bu qanuni və ədalətli tələbimizi dəstəkləyəsiniz. Sizin imzanız dil ayrı-seçkiliyini aradan qaldırmaq və mədəni haqlarımızı əldə etmək yolunda təsirli bir addımdır”, - müraciətdə bildirilib.

Anar Nazim oğlu Eminov Mingəçevir Dövlət Universitetinin rektoru təyin edilib.

❗️Son günlər dünya bazarında neftin qiyməti aşağı düşsə də, bu, Azərbaycanın dövlət büdcəsinin icrasına ciddi risk yaratmır

Bunu Milli Məclisin İqtisadi siyasət, sənaye və sahibkarlıq komitəsinin üzvü Tahir Mirkişili əmtəə birjalarında "qara qızıl"ın ucuzlaşması ilə bağlı büdcəyə yenidən baxılması ehtimalına münasibət bildirərkən deyib.

🇦🇿 Ceyhun Bayramov Moldova Xarici İşlər Nazirliyinin dövlət katibini qəbul edib

Görüş zamanı Azərbaycan-Moldova əməkdaşlığının siyasi, iqtisadi, ticarət, enerji, humanitar aspektləri, münasibətlərin inkişaf perspektivləri, habelə regional və beynəlxalq məsələlər müzakirə olunub.

Görüşdə, həmçinin qarşılıqlı maraq doğuran digər məsələlər ətrafında fikir mübadiləsi aparılıb.

Xalq artisti Emin Ağalarovun adından istifadə edərək süni intellekt texnologiyası vasitəsi ilə dələduzluq etməyə cəhd ediblər.

Kult.az Yenisabah.az-a istinadla xəbər verir ki, bu barədə sənətçi sosial media hesabında məlumat yayıb. Emin vurğulayıb ki, onun simasından və səsindən istifadə edərək insanlara müxtəlif vədlər verirlər. O, izləyicilərini bu tip videolara inanmamağa çağırıb:

"Dostlar ehtiyatlı olun, dələduzlar var. İnternetdə süni zəka ilə yaradılan video yayılıb. Yeri gəlmişkən, çox da yaxşı hazılanıb. Düzdür, səs o qədər də oxşamır, amma mimika və danışıq bənzəyir.

Orada deyir: "Sizə maliyə azadlığı təklif edirəm". Bu, mən deyiləm. Onlar dələduzlardır. Onlara qulaq asmayın. Heç bir platformada heç kimə gəlir vəd etmirəm. Bunlara inanmayın".

❗️Məhkəmədən Lənkəranda Xəzərə tullantı su axıdan qurumun 12 500 manat cərimələnməsi istənilib

Lənkəran şəhəri ərazisindən tullantı sularının Xəzər dənizinə axıdılması ilə bağlı daxil olmuş şikayət 1 saylı Regional Ekologiya və Təbii Sərvətlər, Xəzər Kompleks Ekoloji Monitorinq idarələrinin və Lənkəran Su Meliorasiya Sistemlərinin İstismarı İdarəsinin əməkdaşları tərəfindən yerində araşdırılıb.

Bu barədə Dövlət Ekoloji Təhlükəsizlik Xidmətinin rəsmisi Bəhruz Məhəmmədov məlumat verib.

PSG – “Aston Villa” matçından öncə azarkeşlər arasında insident yaşanıb

⚡️ Bu gün saat 18:00 radələrində Sumqayıtda 6 nəfəri it dişləyib.

🚑 Onlar xəstəxanaya çatdırılıb.

💉 Bir nəfərə müvafiq peyvənd vurulub, o, ambulator müalicə üçün evə buraxılıb.

Uşaq Xəstəxanasına yerləşdirilən 5 nəfərin hər birinə zəruri tibbi yardımlar göstərilib.

Onlardan dördü evə buraxılıb, başından dişlənmiş-didilmiş yara alan bir uşaq isə Uşaq Xəstəxanasının Cərrahiyyə şöbəsindədir, hazırda vəziyyəti orta ağırdır.

Azərbaycan Ordusunun mövqeləri Gorus istiqamətindən atəşə tutulub

Aprelin 9-u saat 19:25-dən 19:35-dək Ermənistan silahlı qüvvələrinin bölmələri Gorus rayonunun Xəznəvar və Xanazax yaşayış məntəqələri istiqamətlərində yerləşən mövqelərindən Azərbaycan Ordusunun mövqelərini atıcı silahlardan fasilələrlə atəşə tutub.

Bölmələrimiz tərəfindən qeyd olunan istiqamətlərdə adekvat cavab tədbirləri görülüb.

⚡️Tramp bildirib ki, ABŞ Çin mallarına rüsumları 125 faizə qaldıracaq