❗️DYP-dən əlverişsiz hava ilə bağlı xəbərdarlıq

Sinoptiklərin məlumatına görə, bu gündən başlayaraq aprelin 12-dək ölkə ərazisində hava şəraitinin kəskin dəyişməsi, güclü külək və yağışla müşayiət olunacağı, temperaturun isə 5-10 dərəcə aşağı enəcəyi gözlənilir.

Baş Dövlət Yol Polisi İdarəsi hərəkət iştirakçılarına müraciət edərək onları ehtiyatlı olmağa çağırır.

Yağışlı və çiskinli hava şəraitində yollarda sürüşmə riski artır. Bu səbəbdən sürücülərdən:
• Sürət həddini yol və hava şəraitinə uyğun seçmələri,
• Ara məsafəsini gözləmələri,
• Avtomobillərinin texniki sazlığını yoxlamaları xahiş olunur.

Küləkli hava şəraitində isə xüsusilə qoşqulu, tentli və iri ölçülü yük avtomobillərinin sürücüləri yüklərin möhkəm qablaşdırılmasına və təhlükəsiz daşınmasına diqqət yetirməlidirlər.

Piyadalardan isə belə hava şəraitində daha diqqətli olmaları, səki ilə hərəkət etmələri və yolu yalnız piyada keçidlərindən keçmələri rica olunur.

Unutmayaq, təhlükəsizlik hər şeydən önəmlidir.

❗️Yardımlı rayonunda kişi qayadan yıxılıb

Rayonun Peştəsər kənd sakini, 1963-cü il təvəllüdlü Qasımov Ədalət Bayraməli oğlu kənddə mal-qara otaran zaman 200 metr hündürlükdə yerləşən qayadan yıxılıb.

Nəticədə Ədalət Qasımov müxtəlif dərəcəli bədən xəsarətləri alaraq “Masallı Rayon Mərkəzi Xəstəxanası” Publik Hüquqi Şəxsinə yerləşdirilib. Həkimlərin səyinə baxmayaraq 62 yaşlı kişi ölüb.

Faktla bağlı araşdırma aparılır.

İran XİN: İran nüvə proqramı ilə bağlı aylardır artan gərginlikdən sonra ABŞ ilə bu həftəsonu danışıqlar aparacaq.

⚡️Bakıda kişi qohumunu öldürməkdə şübhəli bilinir.

Hadisə ötən gün Qaradağ rayonu, Sahil qəsəbəsində qeydə alınıb.

1986-cı il təvəllüdlü Hüseyn Şirinov qohumu olan 1998-ci il təvəllüdlü Nail Həsənovu öldürüb. Hazırda Hüseyn Şirinovun saxlanması istiqamətində polis əməkdaşları tərəfindən əməliyyat-axtarış tədbirləri həyata keçirilir.

Faktla bağlı Qaradağ rayon prokurorluğunda cinayət işi başlanılıb.

Məşhur pop ulduz Cennifer Lopez dünya turu çərçivəsində İrəvanda konsert proqramı ilə çıxış edəcək.

Axar.az xəbər verir ki, Lopez bu barədə özünün İnstaqram səhifəsində məlumat yayıb.

Lopezin konserti 3 avqust tarixində Vazgen Sərkisyan adına Respublika Stadionunda baş tutacaq.

Tur çərçivəsində müğənni Türkiyə, İspaniya, Misir, Macarıstan, Polşa, Birləşmiş Ərəb Əmirlikləri və Qazaxıstanda da konsertlər verəcək.

Kanadanın Vankuver adasındakı Viktoriya şəhərində 1904-cü ildə salınmış “Butçartov” botanik bağı.
Bağın ümumi sahəsi 22 hektardır.

✅Daha maraqlı paylaşımlar görmək üçün kanalımıza abunə olun!