Daxil olan müraciət əsasında Bakı şəhəri, Sabunçu rayonu, R.Axundov küçəsi, ev 43 ünvanında yerləşən "Moon Pub"da yoxlama keçirilib.

Bu barədə Qida Təhlükəsizliyi Agentliyindən məlumat verilib.

Bildirilib ki, yoxlama zamanı fiziki şəxs Zaur İslam oğlu Əliyevə məxsus restoranın qida təhlükəsizliyi qeydiyyatından keçmədən fəaliyyət göstərdiyi, texniki normativ tələblərin pozulduğu müəyyən olunub. Həmçinin, ictimai iaşə müəssisəsində saxta alkoqollu içkilər aşkarlanıb.

Müayinələrin aparılması üçün nümunələr müvafiq laboratoriyaya təqdim edilib. Araşdırmalar davam etdirilir.

Faktla bağlı cavabdeh şəxs barəsində inzibati protokol tərtib edilib, məhdudlaşdırıcı tədbirlərin tətbiqi barədə qərar qəbul olunub.

Ümid edirəm ki, iranlılar nüvə silahı əldə etməkdən əl çəkəcəklərini birdəfəlik bəyan etməyin vacibliyini başa düşəcəklər.

Axar.az xəbər verir ki, bunu BMT-nin Baş katibi Antonio Quterreş deyib.

Davosda çıxış edən baş katib əsas məsələnin İran, onun İsrail və ABŞ-la münasibətləri olduğunu bildirib:

“Tehran bölgə ölkələri və ABŞ-la münasibətlərin normallaşdırılması üçün ilk addımı atmalıdır”.

Filippində güclü zəlzələ qeydə alınıb

Yeraltı təkanlar 23 yanvar, Bakı vaxtı ilə 04:39-da baş verib. Zəlzələnin maqnitudası 5,7 olub. Episentr təxminən 3,5 min sakini olan Liloan qəsəbəsindən 7 kilometr cənub-şərqdə və 191 min nəfər əhalisi olan Ormok şəhərindən 117 kilometr cənub-şərqdə yerləşib. Zəlzələnin ocağı 9 kilometr dərinlikdə olub.

Hadisə nəticəsində dağıntılar və ya xəsarət alanlar barədə məlumat verilməyib.

Qaradağ Rayon Polis İdarəsinin Dövlət Yol Polisi (DYP) şöbəsinin rəisi polis polkovnik-leytenantı Rafiq Məmmədov vəzifəsindən azad edilib.

Axar.az Unikal-a istinadla xəbər verir ki, bununla bağlı müvafiq əmr imzalanıb.

Digər əmrlə, polkovnik-leytenant R.Məmmədov Suraxanı DYP-nin rəisi vəzifəsinə təyinat alıb.

Kiyevin məğlubiyyəti NATO-ya alyansın hazırda hərbi ehtiyaclar üçün ayırdığı əlavə milyardlarla dollara deyil, trilyonlarla dollara başa gələcək.

Axar.az xəbər verir ki, bunu NATO Baş katibi Mark Rutte Davos İqtisadi Forumu çərçivəsində Ukraynaya həsr olunmuş paneldə deyib.

“Ukrayna uduzsa, NATO-ya əlavə milyardlar yox, trilyonlarla dollar lazım olacaq. Bu halda NATO-nun Qərbi mühafizə etməsi indi müzakirə etdiyimiz hər şeydən daha baha başa gələcək”, - o bildirib.

O, atəşkəs barədə daha az danışmağa və Ukraynaya daha çox silah tədarükünə, eləcə də Rusiyanın şərtləri ilə atəşkəsə imkan verməməyə çağırıb.

Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir.

Milli Hidrometeorologiya Xidmətindən Axar.az-a verilən məlumata görə, cənub-qərb küləyi gündüz şimal-qərb küləyi ilə əvəz olunacaq.

Havanın temperaturu gecə 5-8° isti, gündüz 8-11° isti olacaq. Atmosfer təzyiqi 766 mm civə sütunu təşkil edəcək. Nisbi rütubət 70-80 % olacaq.

Azərbaycanın rayonlarında hava şəraitinin əsasən yağmursuz keçəcəyi gözlənilir. Lakin gecə və axşam bəzi dağlıq ərazilərdə qısamüddətli yağıntılı olacağı, qar yağacağı ehtimalı var.

Bəzi yerlərdə arabir duman olacaq. Mülayim şərq küləyi əsəcək. Havanın temperaturu gecə 1-6° isti, gündüz 8-13° isti, dağlarda gecə 1-6° şaxta, gündüz 0-5° isti olacaq.