🇺🇸 Donald Trampı Pensilvaniyada sui-qəsd zamanı qoruyan mühafizəçi Şon Karan Məxfi xidmətin başçısı təyin edilib.

Dünya birjalarında neft ucuzlaşmaqda davam edir.

Axar.az xəbər verir ki, hazırda “Brent” markalı neftin bir barreli 78,74 dollara, yüngül neftin bir barreli isə 75,21 dollara satılır.

Çempionlar Liqası: gedənlər və qalanlar

Bakıda avtomobil qadını vuraraq öldürüb.

Axar.az xəbər verir ki, Nizami rayon ərazisində Şükür Məhərrəmov idarə etdiyi "Tofaş" markalı avtomobillə yolu keçən Günay Pirizadəni vurub.

Piyada aldığı xəsarətdən hadisə yerində ölüb.

Faktla bağlı cinayət işi başlanılıb.

🔥Los-Ancelesdə növbəti meşə yanğını yayılmağa başlayıb

ABŞ-nin qərbində, Kaliforniya ştatının Los-Anceles dairəsində iki saatdan az müddətdə 20 kvadrat kilometrdən çox ərazini əhatə edən yeni güclü meşə yanğını başlayıb.

Saat 9:00-a olan məlumata əsasən ölkə ərazisinin bəzi yerlərində hava şəraiti arabir yağıntılı olub.

Milli Hidrometeorologiya Xidmətindən Axar.az-a verilən məlumata görə, düşən yağıntının miqdarı Bakıda və Abşeron yarımadasında 5, Quba, Qobustan, Kürdəmir, Sabirabad, Neftçala, Göyçay, Astarada 1 mm-dir.

Cənub-şərq küləyi əsib, sarı xəbərdarlığa uyğun olaraq küləyin sürəti arabir Şahdağda 20 m/s, Bakıda və Abşeron yarımadasında eyni zamanda Xaltanda 16 m/s-dək güclənib.

Daşkəsən, Göygöl, Şamaxı, Xaltan, Lerikdə duman müşahidə olunub.

Havanın minimal temperaturu Bakıda və Abşeron yarımadasında 9, Aran rayonlarında 7 dərəcəyədək isti, Naxçıvan MR və dağlıq rayonlarda 10 dərəcəyədək şaxta qeydə alınıb.

2025-ci ildə dünyada vəziyyət sakit olmayacaq.

Axar.az xəbər verir ki, bunu Rusiya Xarici Kəşfiyyat Xidmətinin direktoru Sergey Narışkin deyib.

“Artıq bu gün aydındır ki, 2025-ci il sakit il olmayacaq. Regional və qlobal oyunçuların nə qədər sağlam düşüncə və təmkinli olmasından çox şey asılıdır. İndi birqütblü, ölümcül dünya düzənindən yeni, ədalətli dünya nizamına keçid prosesinin şahidiyik. Bu prosesin təbii ki, öz təhlükələri var, çox çətindir”, - Narışkin bildirib.

Bu gün Bakının Xətai rayonu və Ağdaş rayonunun bir hissəsinin qaz təchizatında fasilə yaranacaq.

Paşinyan Davosa getdi

Mustafa Vəli oğlu Mustafayev Naxçıvan Sukanalizasiya İdarəsinin rəisi vəzifəsindən azad edilib.

Axar.az xəbər verir ki, bununla bağlı müvafiq əmr imzalanıb.

Digər əmrlə həmin vəzifəyə Samir Baxşəliyev təyin olunub.

❗️İrandan Azərbaycana 80 kq narkotikin keçirilməsinin qarşısı alınıb.

Dövlət sərhədinin etibarlı mühafizəsinin təmin edilməsi, qaçaqmalçılıq, narkotik vasitələr, psixotrop maddələr və onların prekursorlarının qanunsuz dövriyyəsinə qarşı keçirilmiş əməliyyat-qoşun tədbirləri nəticəsində yanvar ayının 20-də saat 20:01-də Dövlət Sərhəd Xidmətinin Sərhəd Qoşunları Komandanlığının “Lənkəran” sərhəd dəstəsinin xidməti ərazisində ümumi çəkisi 80 kiloqram 685 qram narkotik vasitə (77 kq 645 qram marixuana, 3 kq 35 qram heroin, 5 qram tiryək),1000 ədəd narkotik tərkibli metadon M-40 və 245 ədəd müxtəlif tərkibli dərman həbinin qaçaqmalçılıq yolu ilə İran İslam Respublikası ərazisindən Azərbaycan Respublikasına keçirilməsinin qarşısı alınmışdır.

Fakt üzrə əməliyyat-istintaq tədbirləri davam etdirilir.