ABŞ Prezidenti Donald Tramp andiçmə mərasimindən sonra keçmiş prezident Co Baydenin 78 sərəncamını və memorandumunu ləğv edib.

Axar.az xəbər verir ki, bu barədə CNN məlumat yayıb.

“Vaşinqtonda “Kapital One Arena”da tərəfdarları qarşısında mitinqdə çıxış edən Tramp Baydenin qərarlarını ləğv edən bir sıra sərəncamlar imzalayıb. ABŞ-ın yeni prezidenti əvvəlki administrasiyanın ümumilikdə 78 icra sərəncamını və memorandumunu ləğv edib”, - məlumatda qeyd olunub.

Sənədləri imzaladıqdan sonra Tramp qələmi kütləyə doğru tullayıb.

Papa Fransisk rahibə Raffaella Petrininin Vatikana qubernator təyin ediləcəyini açıqlayıb. Petrini tarixdə bu vəzifəni tutan ilk qadın olacaq.

Axar.az xəbər verir ki, bu barədə “Vatikan Nyus” məlumat yayıb.

Məlumata görə, rahibə bu vəzifənin icrasına mart ayında başlayacaq.

O, 2021-ci ildən Vatikan qubernatorluğunun baş katibi vəzifəsində çalışır.

Qeyd edək ki, qubernator vəzifəsini tutan şəxs faktiki olaraq dövlətin hökumət başçısı sayılır və baş nazir səlahiyyətlərinə malikdir, həmçinin Roma Papası adından Vatikanı idarə edir.

Saat 10:00-a olan məlumata əsasən əksər rayonlarda hava şəraiti yağmursuz keçib.

Milli Hidrometeorologiya Xidmətindən Axar.az-a verilən məlumata görə, ötən gün bəzi şərq rayonlarında arabir yağıntılı olub.

Məlumata görə, düşən yağıntının miqdarı Biləsuvar, Yardımlıda 2, Ordubad, Şəki, Şabran, Astarada eyni zamanda Bakıda və Abşeron yarımadasında 1 mm-dir. Dağlıq rayonlarda qar yağıb, yağan qarın hündürlüyü Qrızda (Quba) 16, Altıağacda 9, Lerik, Şamaxıda 3, Şahbuzda 2, Xaltan, Lənkəran, Qobustan, Daşkəsəndə 1 sm-dir.

Qərb küləyi əsib, sarı xəbərdarlığa uyğun olaraq arabir Şahdağda 20 m/s, Goranboyda 19 m/s, Naftalanda 18 m/s, Mingəçevirdə 16 m/s-dək güclənib. Şamaxı, Qrız, Şahdağ, Lerik, Şəki, Qubada duman müşahidə olunub, dumanda görünüş 500 metrədək məhdudlaşıb.

Havanın minimal temperaturu Bakıda və Abşeron yarımadasında 3, Aran rayonlarında 2 dərəcə şaxtadan 5 dərəcəyədək isti, Naxçıvan MR-da və dağlıq rayonlarda 8 dərəcəyədək şaxta qeydə alınıb

300 mindən çox izləyicisi olan Instagram səhifəsində Ayqul Berdıqaliyeva bildirib ki, onu tez-tez həlak olmuş qadınlardan birinin ruhu ziyarət edib. Ruh ondan təyyarə qəzası baş verən yerdə qızıl sırğanı tapmağı və onu mərhumun anasına təhvil verməyi xahiş edib.

Səfərbərlik və Hərbi Xidmətə Çağırış üzrə Dövlət Xidməti tərəfindən müddətli həqiqi hərbi xidmətə çağrılan vətəndaşlar Hərbi Həkim Komissiyalarının həkim-mütəxəssisləri tərəfindən tibbi müayinələrə cəlb olunurlar.

Axar.az xəbər verir ki, bu barədə TƏBİB məlumat yayıb.

"Bu məqsədlə çağırışçılar təyin olunmuş tibb müəssisələrinə şəxsiyyət vəsiqəsi ilə yaxınlaşaraq qeydiyyatçıya özlərini təqdim etməlidirlər. Tibb müəssisəsinin qeydiyyatçısı tərəfindən çağırışçının adı e-təbib Xəstəxana İdarəetmə Sisteminin Hərbi çağırışçı modulunda müəyyən olunduqdan sonra tibbi müayinələrin aparılmasına başlanılır. Məlumat üçün bildiririk ki, bu tibbi müayinələr müvafiq qanunvericiliyə uyğun olaraq TƏBİB-in tabeliyində olan və digər dövlət tibb müəssisələri tərəfindən icbari tibbi sığorta hesabına ödənişsiz təmin olunur.

Bu tibbi müayinələrə elektrokardioqrafiya, flüoroqrafiya, qarın nayihəsinin, böyrəklərin və qalxanabənzər vəzin ultrasəs müayinəsi, qanın ümumi analizi, sidik analizi, Hepatit B, Hepatit C, sifilis və QİÇS xəstəliklərinə görə analizlər, eləcə də narkoloji müayinələr daxildir.

Müayinə nəticələri hərbi çağırışçı moduluna daxil edildikdən sonra çağırışçılar həkim-mütəxəssislərin baxışından keçirilir, ehtiyac yarandığı halda ixtisaslı müayinələrin aparılması təmin olunur və yekun rəy elektron qaydada imzalanır", - məlumatda bildirilib.

"Tiktok"da səhifə açaraq vətəndaşları işə düzəldəcəyini vəd edən və 57 nəfərin pulunu mənimsəyən şəxs saxlanılıb