Avstraliyanın şimalında kiçik həcmli təyyarə qəzaya uğrayıb, pilot həlak olub.

Axar.az xəbər verir ki, bu barədə “NT News” qəzeti məlumat yayıb.

Məlumata görə, qəza yanvarın 12-də yerli vaxtla təxminən 10:20-də (Bakı vaxtı ilə 04:50) baş verib. Təyyarə Darvindən 60 km şimal-şərqdə yerləşən Midl-Point kəndindəki bəndə çırpılıb. Təyyarədə 63 yaşlı pilot və 29 yaşlı sərnişin olub. Sərnişin xəsarət almayıb.

Bildirilib ki, təyyarə timsahların olduğu su axarlarından birinə düşüb. Xilasedicilər əvvəlcə sağ qalmış sərnişini, daha sonra pilotun meyitini təyyarədən çıxarıblar.

İran və Rusiya arasında strateji hərtərəfli əməkdaşlıq müqaviləsi 47 maddədən ibarətdir və ikitərəfli münasibətlərin bütün sahələrini əhatə edir.

Axar.az xəbər verir ki, bunu İranın Rusiyadakı səfiri Kazım Cəlali deyib.

“Bu müqavilə giriş hissəsindən və 47 maddədən ibarətdir. Onun imzalanması və həyata keçirilməsi ilə ölkələrimiz arasında bütün sahələrdə əməkdaşlığın səviyyəsi xeyli yüksələcək”, - o bildirib.

Rusiya PUA-ları Ukrayna texnikalarını belə məhv edir

Goranboyda bir ailənin 4 üzvü dəm qazından zəhərlənib.

Tailandda partlayış nəticəsində 10 nəfər xəsarət alıb

Tailandın cənubunda yerləşən Pattani əyalətində polis məntəqəsinin yaxınlığında yerləşdirilmiş partlayıcı qurğunun işə düşməsi nəticəsində yerli müdafiə qüvvələrinin 10 tailandlı könüllüsü yaralanıb.

DYP dumanlı hava ilə əlaqədar yol hərəkəti iştirakçılarına müraciət edib.

Bu barədə Axar.az-a İdarədən məlumat verilib.

Bildirilib ki, Milli Hidrometeorologiya Xidmətinin məlumatına görə hazırda respublika ərazisində müşahidə olunan dumanlı hava şəraiti ilə əlaqədar Abşeron yarımadası da daxil olmaqla bir sıra bölgələrdə görünüş məsafəsi 50-500 metrədək məhdudlaşıb:

"Dumanlı havanın digər hərəkət iştirakçılarını və nizamlama vasitələrini vaxtında və aydın görünməsinə maneə yaratdığını nəzərə alaraq, sürücülərə belə havalarda daha diqqətli olmaq, sürət həddini hava şəraitinə uyğun seçmək, nəqliyyat vasitələrinin, xüsusilə xarici işıq cihazlarının sazlığına diqqət yetirmək, ötmə və manevr etmə zamanı təhlükəsizlik qaydalarına ciddi riayət etmək tövsiyə olunur.

Piyadalardan isə dumanlı hava şəraitində sürücülərin yolun hərəkət hissəsini və kənarlarını aydın görməkdə çətinlik çəkdiklərini nəzərə alaraq, yola çıxarkən daha məsuliyyətli olmalarını xahiş edirik".