BakıKartın internet səhifəsi bərpa edilib.

Axar.az xəbər verir ki, bu barədə Azərbaycan Yerüstü Nəqliyyat Agentliyi (AYNA) məlumat yayıb.

Bildirilib ki, artıq vətəndaşlar rahat şəkildə BakıKartdakı hesablarına daxil olmaqla şəxsi məlumatlarını və balanslarını görə, eyni zamanda müvafiq əməliyyatları asanlıqla icra edə bilərlər.

Qeyd edək ki, BakıKartdakı hesablar və oradakı vəsaitlər silinməyib. Vətəndaşlar internet səhifəsi üzərindən hesablarında olan vəsaiti BakıKart fiziki kartlarına köçürə, balanslarını artıra, ödəniş və digər əməliyyatlardan istifadə edə bilərlər.

Kursk vilayətində uğursuz əks-hücum cəhdindən sonra Ukraynanın 26 əsgəri təslim olub.

Axar.az xəbər verir ki, bu barədə məlumatı Rusiya MN yayıb.

Bildirilib ki, yalnız son sutkada Ukraynanın 4 əsgəri əsir götürülüb.

Rusiya mətbuatının verdiyi məlumata görə, son bir neçə gündə rus ordusu yenidən Kursk vilayətində irəliləyərək Ukrayna ordusunun bölmələrini 7 kənddən sıxışdıraraq çıxarıb.

Ermənistanın baş naziri Nikol Paşinyan bu gün İrəvana səfər edən İranın Ali Milli Təhlükəsizlik Şurasının katibi Əli Əkbər Əhmədianı qəbul edib.
Axar.az xəbər verir ki, bu barədə Ermənistan mediası məlumat yayıb.

ƏƏSMN: Ötən il 160 min nəfər Məşğulluq Agentliyi vasitəsilə işlə təmin olunub

Zəngəzur dəhlizi üçün yüzmilyonlar xərcləmişik. Niyə?


https://youtu.be/Dt44uTzmY2I?si=FdCK-6jxdDo14O_z

İlham Əliyev Gürcüstanın Baş nazirinə başsağlığı verib: Qali rayonunun Saberio kəndində baş vermiş yanğın nəticəsində beş uşağın həlak olması xəbəri bizi son dərəcə sarsıtdı.

Bu faciə ilə əlaqədar dərdinizi bölüşür, Sizə, həlak olan uşaqların ailəsinə və yaxınlarına, bütün Gürcüstan xalqına şəxsən öz adımdan və Azərbaycan xalqı adından dərin hüznlə başsağlığı verirəm

Bu gün "SİMA İMZA" tətbiqi vasitəsilə istifadəçilərə anlaşılmaz bildiriş mesajları göndərilib. Bəzi sosial şəbəkə istifadəçiləri bunu haker hücumu kimi qiymətləndirib. Lakin sonradan SİMA məlumat yayaraq yaranmış narahatlığa görə üzr istəyib. Qeyd olunub ki, bildiriş funksiyasının təkmilləşdirilməsi məqsədilə işlər aparılıb.

Ermənistanın "sülhsevər narrativi" regionda davamlı sülh və sabitliyin qurulmasının ən mühüm sütununu - dövlətlərin ərazi bütövlüyünə və suverenliyinə hörmət edilməsini göz ardı edir.

Axar.az xəbər verir ki, bunu Azərbaycan Xarici İşlər Nazirliyinin mətbuat katibi Ayxan Hacızadə Ermənistanın baş naziri Nikol Paşinyana cavabında deyib.

Livan ordusunun komandiri Cozef Aun ölkənin yeni Prezidenti seçilib.

Axar.az xəbər verir ki, bu barədə Livan mediası məlumat yayıb.

Bildirilib ki, Livan parlamenti Cozef Aunu ölkənin yeni prezidenti seçib.

Abşeronda 36 yaşlı qadın 1 aydır itkin düşüb.

Bu barədə itkin düşən şəxsin anası Tacirə Kərimova məlumat verib.

Bildirlib ki,1989-cu il təvəllüdlü qızı Günay Əşrəfova dekabrın 12-də günorta saatlarında heç kimə xəbər vermədən evdən gedib və bir daha geri qayıtmayıb.
Tacirə Kərimova, həmçinin bildirib ki, qızının psixoloji narahatlığı var.

Faktla bağlı polisə məlumat verilib.

İtkin düşən şəxsi görənlərdən 055-713-37-46 nömrəsi ilə əlaqə saxlanılması və ya polisə məlumat vermələri xahiş edilir.

Günay Əşrəfovanın bir azyaşlı övladının olduğu bildirilir.

Ümumdünya Qoruqlar və Milli Parklar Günü ilə əlaqədar 11 yanvar tarixində Azərbaycanın milli parklarında “açıq qapı” günü olacaq.

Bioloji Müxtəlifliyin Qorunması Xidmətinin rəsmisi Rəşad Allahverdiyev Axar.az-a bildirib ki, 11 yanvar - Ümumdünya Qoruqlar və Milli Parklar Günü Dünya Vəhşi Təbiət Fondunun təşəbbüsü ilə 1997-ci ildən etibarən hər il qeyd olunur.

Son bir ay ərzində (8 dekabr 2024-cü ildən) 52 min 622 suriyalı Türkiyədən öz vətəninə geri qayıdıb.

Axar.az xəbər verir ki, bu barədə Türkiyə daxili işlər naziri Əli Yerliqaya məlumat verib.

“Hazırda ölkə ərazisində 2 milyon 880 min suriyalı mövcuddur. Onların da etibarlı şəkildə geri dönüşü təmin edilir”, - nazir bildirib.

Lənkəran-Astara Regional Təhsil İdarəsində 18 əməkdaşı işdən çıxarılıb.

Axar.az Oxu.az-a istinadən xəbər verir ki, buna səbəb qurumda fəaliyyət göstərən metodiki kabinetin bağlanması olub.

Bildirilib ki, metodiki kabinet bağlanmasına görə Lənkəran, Lerik, Astara, Yardımlı, Masallı və Cəlilabad rayonlarının hər birindən metodist, kargüzarlar olmaqla 3 əməkdaş işdən çıxarılıb.

Qeyd olunub ki, çıxarılan şəxslərin yerinə isə başqa rayonlardan şəxslər gətiriblər. Kollec məzunu olanları isə fəhlə, texniki işçi adı ilə işdə saxlayıblar.

İranın Pakistanla sərhəd Sistan və Bəlucistan əyalətinin Mircavə bölgəsində sərhəd alayının mayoru Qaim Vəkili Mollaşahi öldürülüb.