Kaliforniyada baş verən yanğınlar nəticəsində Hollivud aktyoru Entoni Hopkinsin evi tamamilə məhv olub.

Kult.az xəbər verir ki, bu barədə “Deyli Meyl” məlumat yayıb.

Bildirilib ki, aktyor evi 2021-ci ildə alıb. O, Pasifik Palisades rayonunda 4 yataq, 5 hamam otağı olan tikili üçün 6 milyon dollar ödəyib.

Qeyd edək ki, m​​​​​​eşə yanğını yanvarın 7-də Los-Ancelesdə Santa-Monika və Malibu arasında yerləşən Pasifik-Paliseyds sahil rayonunda başlayıb. Artıq ABŞ Prezidenti Co Bayden Kaliforniyada fövqəladə vəziyyət elan edib.

Xatırladaq ki, bundan əvvəl aktrisa Paris Hiltonun evinin tamamilə yanması ilə bağlı məlumat yayılıb.

❗️Sosial şəbəkədə ucuz telefon satmaq adı ilə dələduzluq edən şəxslər saxlanılıb

Naftalan Şəhər Polis Şöbəsinin əməkdaşları tərəfindən keçirilən tədbirlərlə sosial şəbəkələrdə dələduzluq edən 30 yaşlı Zülfiqar Hüseynov və 27 yaşlı Nurlan Əliyev saxlanılıb.

DİN-in Mətbuat Xidmətinin Gəncə regional qrupundan verilən məlumata görə, həmin şəxslər müxtəlif sosial şəbəkələrdə tanış olduğu şəxslərə ucuz mobil telefon təklif edərək 1340 manat pulu dələduzluq yolu ilə ələ keçiriblər.

Faktlarla bağlı cinayət işi başlanıb, araşdırmalar davam etdirilir.

Z. Hüseynov və N. Əliyevin digər analoji cinayətlərdə iştirakı istisna edilmir. Əgər bu şəxslərin əməllərindən zərərçəkən başqa vətəndaşlar varsa, bu barədə polis orqanlarına məlumat verə bilərlər.

Ramil Usubov İranın Ali Milli Təhlükəsizlik Şurasının katibi ilə görüşüb

Ermənistan hökuməti ölkənin Avropa Birliyinə daxil olması prosesinin başlanması haqqında qanun layihəsini təsdiqləyib.

Axar.az xəbər verir ki, bu barədə erməni mediası məlumat yayıb.

Əsas məruzəçi, Ermənistanın xarici işlər naziri Ararat Mirzoyan layihənin mülki təşəbbüs kimi parlamentə baxılmaq üçün təqdim edildiyini bildirib.

Qeyd edək ki, Paşinyan parlamentin müvafiq qanun layihəsini qəbul edib-etməməsindən asılı olmayaraq, Ermənistanın AB-yə üzv olmaq niyyətinin ümumxalq referendumu vasitəsilə təsdiqlənməli olduğunu demişdi.

Kreml: Rusiya Azərbaycan təyyarəsinin qəzaya uğraması ilə bağlı obyektiv və qərəzsiz araşdırma aparılmasında maraqlıdır.

Xətai rayonu, Yusif Səfərov küçəsində yol-nəqliyyat hadisəsi baş verib. Qəza səbəbindən həm Heydər Əliyev prospketi, həm də mərkəz istiqamətlərində nəqliyyat sıxlığı yaranıb. Yol polisi əməkdaşları hadisə yerindədir və sıxlığın aradan qaldırılması məqsədilə işlər görülür.

BakıKartın internet səhifəsi bərpa edilib.

Axar.az xəbər verir ki, bu barədə Azərbaycan Yerüstü Nəqliyyat Agentliyi (AYNA) məlumat yayıb.

Bildirilib ki, artıq vətəndaşlar rahat şəkildə BakıKartdakı hesablarına daxil olmaqla şəxsi məlumatlarını və balanslarını görə, eyni zamanda müvafiq əməliyyatları asanlıqla icra edə bilərlər.

Qeyd edək ki, BakıKartdakı hesablar və oradakı vəsaitlər silinməyib. Vətəndaşlar internet səhifəsi üzərindən hesablarında olan vəsaiti BakıKart fiziki kartlarına köçürə, balanslarını artıra, ödəniş və digər əməliyyatlardan istifadə edə bilərlər.