Türkiyə Prezidenti Rəcəb Tayyib Ərdoğan Ankarada səfərdə olan İraq Kürdüstanı Muxtariyyətinin Baş naziri Məsrur Bərzani ilə görüşüb.

Axar.az xəbər verir ki, bu barədə Türkiyə mətbuatı məlumat yayıb.

Məlumata görə, görüşdə Türkiyə xarici işlər naziri Hakan Fidan da yer alıb.

Görüş mətbuata qapalı keçirilib.

Türkiyə 2 min km mənzilli raket istehsal edib.

Axar.az xəbər verir ki, bunu Türkiyə Prezidenti Rəcəb Tayyib Ərdoğan Nazirlər Kabinetinin toplantısındakı çıxışında deyib.

Ərdoğan Polad Gümbəz layihəsinin davam etdiyini və “Siper Ürün-1” sisteminin silahlanmaya daxil edildiyini bildirib:

“Həm 800 km mənzilli raket ehtiyatımızı gücləndirməyi, həm də 2 min km məzilli raket proqramımızı sürətləndirməyə qərar verdik”.

Qeyd edək ki, Türkiyənin indiyə qədər ən uzun mənzilli raketi “Tayfun”un mənzili 561 km idi.

Sankt-Peterburqdan Özbəkistana uçan təyyarə texniki nasazlıq səbəbindən Moskvaya məcburi eniş edib.

Bakının Səbail rayonu Süleyman Tağızadə küçəsində bədbəxt hadisə baş verib. 

Rusiyanın UTair aviaşirkətinin Boeing-737 təyyarəsi Moskvanın “Vnukovo” hava limanında məcburi eniş edib.
Axar.az xəbər verir ki, təyyarədə texniki nasazlıq olduğu müəyyən edilib.
Hava gəmisinin Sankt-Peterburqdan Özbəkistanın Səmərqənd şəhəri istiqamətində uçduğu bildirilib.

Yanvar ayının 5-də DSX mayoru, kikboksinq üzrə Əməkdar məşqçi və Əməkdar idman ustası Fuad Zeynalova hücum edənlər haqqında Azərbaycan Kikboksinq Federasiyasının bu gün keçirilən iclasında qərar qəbul olunub.
Axar.az xəbər verir ki, bu barədə Oxu.az-a açıqlamasında Azərbaycan Kikboksinq Federasiyasının prezidenti Orxan Əliyev məlumat verib.
"Qərara əsasən, Ramal Aslanov federasiyada tutduğu vəzifədən öz ərizəsi ilə azad olunur.
Azərbaycan Kikboksinq Federasiyasının nəzdində fəaliyyət göstərən, Elnur Həmidovun direktoru və baş məşqçisi olduğu "Dragon Fight Academy" idman klubunun lisenziyası ləğv olunur.
Fuad Zeynalov Azərbaycan Kikboksinq Federasiyasının nəzdində məşqçi fəaliyyətinə xitam verilir.

Elşən Abdulrəhimov federasiyanın icraçı direktoru vəzifəsinə təyin olunur".
Qeyd edək ki, DSX mayoru, kikboksinq üzrə Əməkdar məşqçi və Əməkdar idman ustası Fuad Zeynalova hücum çəkməkdə şübhəli bilinən, məşqçilər Elnur Həmidov, Emil Hümbətov, Elçin Hüseynov, Elvin Məmmədov və Musa Əhmədov saxlanılıblar. Daha sonra kikboksinq üzrə dünya və Avropa çempionu, Azərbaycan Kikboksinq Federasiyasının vitse-prezidenti Ramal Aslanov insidentin sifarişini verən şəxs kimi saxlanılıb.

Azərbaycan Prezidenti İlham Əliyev Çin Sədri Si Szinpinə başsağlığı məktubu göndərib.
Axar.az məktubun mətnini təqdim edir:
"Hörmətli cənab Sədr,
Sidzan Muxtar Rayonunun Şiqatse şəhərində baş vermiş güclü zəlzələ nəticəsində çoxsaylı insan tələfatı və dağıntılar barədə xəbər bizi son dərəcə kədərləndirdi.

Bu faciə ilə əlaqədar Sizə, həlak olanların ailələrinə və yaxınlarına, dost Çin xalqına öz adımdan və Azərbaycan xalqı adından dərin hüznlə başsağlığı verir, xəsarət alanlara şəfa diləyir, təbii fəlakətin nəticələrinin tezliklə aradan qaldırılmasını arzulayıram".

İran Prezidenti Məsud Pezeşkian Ermənistanın Tehrana yeni təyin olunan səfiri Qriqor Akopyanı qəbul edib.

Axar.az xəbər verir ki, bu barədə Ermənistan mətbuatı məlumat yayıb.
Qeyd olunub ki, Akopyan etimadnaməsini Pezeşkiana təqdim edib.

Portuqaliya millisinin və "Əl-Nəsr"in hücumçusu Kriştiano Ronaldo "Real"ın yarımmüdafiəçisi Cud Bellinqem haqqında danışıb.

Axar.az Qol.az-a istinadən xəbər verir ki, 39 yaşlı forvard 21 yaşlı futbolçunu tərifləyib.

O, Bellinqemin "Qızıl top"a layiq olduğunu deyib.

"Cud Bellinqem böyük istedaddır. O, "Qızıl top"u qazana bilər".

Xatırladaq ki, Bellinqhem dekabrın 27-də "Globe Soccer Awards"dan 2024-cü ilin ən yaxşı yarımmüdafiəçisi kimi mükafat alıb. İngiltərəli futbolçu 2023-cü ilin yayından "Real"ın formasını geyinir.

İranda 2024-cü il ərzində 997 nəfər barəsində çıxarılan edam hökmü icra olunub.

Axar.az xəbər verir ki, bu rəqəm İran müxalifətinin məlumatları əsasında hazırlanıb.

Hüquq müdafiəçiləri bildiriblər ki, bütün edam hökmləri qeydiyyata alınmadığından onların sayı göstərilən rəqəmdən artıqdır.

Məlumata görə, 2024-cü ildə edamların sayı 2023-cü ildə icra olunanlardan 16 faiz çoxdur. Edam olunan 997 nəfərdən 34-ü qadın, 9-u yeniyetmədir. Dörd kişinin edamı ictimai şəkildə, qalanı isə həbsxanada icra olunub.

Tibetdə zəlzələ nəticəsində ölənlərin sayı 126-ya, yaralıların sayı isə 188-ə çatıb.
Bu barədə "Xinhua" agentliyinin məlumatında deyilir.