Artıq üçüncü ildir ki, Rusiyanın Ukraynaya genişmiqyaslı hücumu kritik həddə çatıb və Ukrayna müharibəni uduzmaq təhlükəsi ilə üz-üzə qalıb.

Axar.az xəbər verir ki, bu barədə “Vaşinqton Post” yazıb.

Nəşrin məlumatına görə, yaxın bir neçə həftə Ukraynanın işğaldan əvvəlki və ya ona yaxın sərhədləri daxilində suveren dövlət kimi mövcudluğunu davam etdirə biləcəyini müəyyən edəcək:

“Rusiya artıq Ukrayna ərazisinin təxminən 20 faizinə nəzarət edir və hər gün daha da qərbə doğru irəliləyir, xüsusən Pokrovsk və Kuraxovo istiqamətində. Avqust ayında Kursk bölgəsini işğal edən Ukrayna hərbçiləri qəfil hücumda ələ keçirdikləri ərazilərin təxminən 40 faizini itiriblər və mühasirəyə düşmək riskləri var. Ukrayna mübarizəni davam etdirə biləcəyini xeyli üstələyən itkilər verir. İtkilərin rəsmi qiymətləndirilməsi ölü və yaralı ilə birlikdə 400 mindir. Vaxt isə Ukrayna üçün çox vacibdir. Ukrayna çətin ki, bu dağıdıcı müharibəyə bir il də dözsün”.

Türkiyə Prezidenti Rəcəb Tayyib Ərdoğan Ankarada səfərdə olan İraq Kürdüstanı Muxtariyyətinin Baş naziri Məsrur Bərzani ilə görüşüb.

Axar.az xəbər verir ki, bu barədə Türkiyə mətbuatı məlumat yayıb.

Məlumata görə, görüşdə Türkiyə xarici işlər naziri Hakan Fidan da yer alıb.

Görüş mətbuata qapalı keçirilib.

Türkiyə 2 min km mənzilli raket istehsal edib.

Axar.az xəbər verir ki, bunu Türkiyə Prezidenti Rəcəb Tayyib Ərdoğan Nazirlər Kabinetinin toplantısındakı çıxışında deyib.

Ərdoğan Polad Gümbəz layihəsinin davam etdiyini və “Siper Ürün-1” sisteminin silahlanmaya daxil edildiyini bildirib:

“Həm 800 km mənzilli raket ehtiyatımızı gücləndirməyi, həm də 2 min km məzilli raket proqramımızı sürətləndirməyə qərar verdik”.

Qeyd edək ki, Türkiyənin indiyə qədər ən uzun mənzilli raketi “Tayfun”un mənzili 561 km idi.

Sankt-Peterburqdan Özbəkistana uçan təyyarə texniki nasazlıq səbəbindən Moskvaya məcburi eniş edib.

Bakının Səbail rayonu Süleyman Tağızadə küçəsində bədbəxt hadisə baş verib. 

Rusiyanın UTair aviaşirkətinin Boeing-737 təyyarəsi Moskvanın “Vnukovo” hava limanında məcburi eniş edib.
Axar.az xəbər verir ki, təyyarədə texniki nasazlıq olduğu müəyyən edilib.
Hava gəmisinin Sankt-Peterburqdan Özbəkistanın Səmərqənd şəhəri istiqamətində uçduğu bildirilib.

Yanvar ayının 5-də DSX mayoru, kikboksinq üzrə Əməkdar məşqçi və Əməkdar idman ustası Fuad Zeynalova hücum edənlər haqqında Azərbaycan Kikboksinq Federasiyasının bu gün keçirilən iclasında qərar qəbul olunub.
Axar.az xəbər verir ki, bu barədə Oxu.az-a açıqlamasında Azərbaycan Kikboksinq Federasiyasının prezidenti Orxan Əliyev məlumat verib.
"Qərara əsasən, Ramal Aslanov federasiyada tutduğu vəzifədən öz ərizəsi ilə azad olunur.
Azərbaycan Kikboksinq Federasiyasının nəzdində fəaliyyət göstərən, Elnur Həmidovun direktoru və baş məşqçisi olduğu "Dragon Fight Academy" idman klubunun lisenziyası ləğv olunur.
Fuad Zeynalov Azərbaycan Kikboksinq Federasiyasının nəzdində məşqçi fəaliyyətinə xitam verilir.

Elşən Abdulrəhimov federasiyanın icraçı direktoru vəzifəsinə təyin olunur".
Qeyd edək ki, DSX mayoru, kikboksinq üzrə Əməkdar məşqçi və Əməkdar idman ustası Fuad Zeynalova hücum çəkməkdə şübhəli bilinən, məşqçilər Elnur Həmidov, Emil Hümbətov, Elçin Hüseynov, Elvin Məmmədov və Musa Əhmədov saxlanılıblar. Daha sonra kikboksinq üzrə dünya və Avropa çempionu, Azərbaycan Kikboksinq Federasiyasının vitse-prezidenti Ramal Aslanov insidentin sifarişini verən şəxs kimi saxlanılıb.

Azərbaycan Prezidenti İlham Əliyev Çin Sədri Si Szinpinə başsağlığı məktubu göndərib.
Axar.az məktubun mətnini təqdim edir:
"Hörmətli cənab Sədr,
Sidzan Muxtar Rayonunun Şiqatse şəhərində baş vermiş güclü zəlzələ nəticəsində çoxsaylı insan tələfatı və dağıntılar barədə xəbər bizi son dərəcə kədərləndirdi.

Bu faciə ilə əlaqədar Sizə, həlak olanların ailələrinə və yaxınlarına, dost Çin xalqına öz adımdan və Azərbaycan xalqı adından dərin hüznlə başsağlığı verir, xəsarət alanlara şəfa diləyir, təbii fəlakətin nəticələrinin tezliklə aradan qaldırılmasını arzulayıram".