Abşeronda qadın meyiti tapılıb.

Axar.az xəbər verir ki, hadisə Saray qəsəbəsində qeydə alınıb.

Belə ki, 1959-cu il təvəllüdlü Şaxaxanım İmran qızı Əliyevanın meyiti yaşadığı evin yaxınlığında aşkarlanıb və aidiyyəti üzrə təhvil verilib.

Faktla bağlı araşdırma aparılır.

79 yaşında qaraciyər və böyrək çatışmazlığından vəfat edən Fərdi Tayfurun 86 mənzil, 7 villa, Marmarisdə yarımada və bir çox daşınmaz əmlakı Türkiyədə müzakirə mövzusudur. Fərdi Tayfur yalnız bir dəfə ailə qurub və bu izdivacdan 5 övladı var. Mirasının da 5 övladı arasında bölünəcəyi bildirilir.

Kult.az xəbər verir ki, əmlakçılar sənətçinin yalnız Marmarisdəki yarımadasının hazırkı bazar qiymətinin 400 milyon lirə (12 milyon dollar) olduğunu açıqlayıblar. Ümumilikdə isə F.Tayfurun yalnız daşınmaz əmlakı 3 milyard lirə (90 milyon dollar) dəyərindədir.

Türkiyə mediası Tayfurun hər övladına 600 milyon lirə (18 milyon dollar) düşəcəyini açıqlayıb.

Qeyd edək ki, sənətçinin inşaat biznesinə də yatırımlar etdiyi bildirilir.

Ötən ilin yanvar-oktyabr aylarında Azərbaycana 6 baş eşşək idxal edilib.

Axar.az Publika.az-a istinadla xəbər verir ki, bu barədə Dövlət Statistika Komitəsi məlumat yayıb.

Qeyd olunub ki, idxal olunan eşşəklərə 15 min 980 manat xərclənib.

Hər bir eşşək 2.663 manata başa gəlib.

Qeyd olunan dövrdə, Azərbaycandan eşşək ixrac edilməyib.

Əsəd rejiminin devrilməsindən sonra bu gündən etibarən Şam Beynəlxalq Hava Limanından uçuşlar başladı.

Sumqayıt şəhərində yanğın olub.

Axar.az FHN-ə istinadən xəbər verir ki, beşmərtəbəli yaşayış binasının 2-ci mərtəbəsində ümumi sahəsi 67 m² olan mənzilin eyvanında 1 ədəd məişət avadanlığı və 1 ədəd divan qismən yanıb.

Yanğın zamanı 1 nəfər yanıq xəsarəti alıb. Mənzilin qalan hissəsi yanğından mühafizə olunub.

Yanğın yanğından mühafizə bölmələri tərəfindən söndürülüb.

Bu il yanvarın 1-nə Azərbaycan Mərkəzi Bankının (AMB) valyuta ehtiyatları 10 milyard 959,5 milyon ABŞ dolları təşkil edib.

Axar.az quruma istinadən xəbər verir ki, bu, ötən il dekabrın 1-i ilə müqayisədə 0,1 % azdır.

AMB-nin valyuta ehtiyatları son 1 ildə isə 5,6% azalıb.

Suriyanın Dəməşq hava limanı beynəlxalq uçuşları bərpa edib.

Bu il yanvarın 1-nə Azərbaycanda pul bazası 20 milyard 916,5 milyon manat təşkil edib.

Axar.az Azərbaycan Mərkəzi Bankına (AMB) istinadən xəbər verir ki, bu, ötən il dekabrın 1-i ilə müqayisədə 1,65% çoxdur.

Ölkədə pul bazası son 1 ildə isə 0,2% artıb.

⚡️ Tibetdəki zəlzələdə ölənlərin sayı 95-ə çatıb.

130 nəfər xəsarət alıb.

Türkiyəli ulduz Arda Gülər dünən "Real"ın heyətində iki qol vuraraq oyunun ən yaxşılarından biri seçilib

Bakıda və Abşeron yarımadasında yanvarın 8-də bəzi yerlərdə havanın arabir yağıntılı olacağı gözlənilir.

Milli Hidrometeorologiya Xidmətindən Axar.az-a verilən məlumata görə, yarımadanın ayrı-ayrı yerlərində intensivləşəcəyi ehtimalı var.

Gündüz tədricən kəsiləcək. Cənub-şərq küləyi əsəcək. Havanın temperaturu gecə 4-8° isti, gündüz 8-11° isti olacaq.

Atmosfer təzyiqi normadan yüksək 775 mm civə sütunundan 771 mm civə sütununa enəcək.

Nisbi rütubət 75-85 % olacaq.

Sabah Azərbaycanın rayonlarında əsasən hava yağmursuz olacaq. Lakin gecə və səhər bəzi şərq rayonlarında arabir yağıntılı olacağı gözlənilir. Bəzi yerlərdə arabir duman olacaq. Mülayim qərb küləyi əsəcək. Havanın temperaturu gecə 1° şaxtadan 4° isti, gündüz 7-12° isti, dağlarda gecə 7-12° şaxta, gündüz 3° şaxtadan 2°-dək isti olacaq.

Gürcüstan Fransa hakimiyyətini yeni seçkilər keçirməyə çağırıb:

"Bizim Fransanın daxili işlərinə qarışmaq fikrimiz yoxdur, amma nəzərə alsaq ki, fransızların 61%-i prezident Makronun istefasını dəstəkləyir və 50%-i Milli Assambleyanın buraxılmasını istəyir, yeni seçkilər bu siyasi böhrandan yaxşı çıxış yoludur" - Gürcüstanın hakim partiyasının sədri bildirib.

Bundan əvvəl Fransa Gürcüstanda keçirilən parlament seçkilərinə görə narahatlığını ifadə etmişdi.