İranın qərbində SEPAH-ın “Böyük Peyğəmbər 19” adı altında hərbi təlimi keçirilir.

Axar.az xəbər verir ki, bu barədə İran mətbuatı məlumat yayıb.

Yanvarın 4-də başlayan təlimlərdə SEPAH-ın Quru Qoşunları iştirak edir.

Bildirilib ki, təlimlərin məqsədi İranın müdafiə qabiliyyətini artırmaq və hərbi gücünü gücləndirməkdir.

Ukrayna prezidenti V. Zelenski: “Müharibəni və Putini dayandırmaq üçün ilk növbədə Donald Trampla görüşməyim çox vacibdir. Bu prosesə avropalılar da cəlb edilməlidir. Çünki həm Avropa, həm də Tramp ölkəmizin təhlükəsizliyinə zəmanət verə bilər”.

V. Zelenski ABŞ-nin yeni seçilən prezidenti Donald Trampın andiçmə mərasimində iştirakına da aydınlıq gətirib:

“Tramp məni dəvət etməsə, müharibənin davam etdiyi bir vaxtda ABŞ-yə gedə bilmərəm. Rəsmi dəvət olarsa, mütləq iştirak edəcəyəm. Düşünürəm ki, onlar bu istiqamətdə müəyyən addımlar atmalıdır”.

Naxçıvanın Şəhərsalma və Arxitektura Komitəsinin sabiq sədri Hicran Yaqub oğlu Rüstəmovun cinayət işi üzrə məhkəmə prosesi yekunlaşıb.

Axar.az Report-a istinadən xəbər verir ki, Naxçıvan Muxtar Respublikasının Ağır Cinayətlər Məhkəməsində keçirilən iclasda hökm oxunub.

Hökmə əsasən, təqsirləndirilən şəxsə 12 il müddətə azadlıqdan məhrumetmə cəzası verilib. Onun barəsində Cinayət Məcəlləsinin 70-ci maddəsi (şərti məhrum etmə) tətbiq edilib. Hicran Rüstəmov barəsində dörd il altı ay sınaq müddəti seçilməklə şərti cəza verilib.

Sabunçu və Xətai rayonlarının bəzi ərazilərində qaz təchizatında müvəqqəti fasilə yaranacaq.

Axar.az xəbər verir ki, bu barədə "Azəriqaz" İB məlumat yayıb.

Bildirilib ki, “Ramana” QPS-də, orta təzyiqli qaz xəttində və Xətai rayonu, Y.Əliyev küçəsi ünvanında aparılan təmir-bərpa işləri ilə əlaqədar 07.01.2025-ci il saat 09:30-dan etibarən qaz təchizatı dayandırılacaqdır.

Qaz təchizatı dayandırılan müddətdə Sabunçu rayonu, Ramana qəsəbəsi, Yeni Ramana, Bünyadzadə , Tağıyev, Yeni Zaman küçələri, Sabunçu qəsəbəsinin 9-cu mədən ərazisi, Suraxanı xidmət sahəsi üzrə Deputat küçəsinin bir hissəsində və Xətai rayonun bəzi hissəsinin qaz təchizatında müvəqqəti fasilə yaranacaq.

Ötən gün DSX mayoru, kikboksinq üzrə Əməkdar məşqçi və Əməkdar idman ustası Fuad Zeynalova hücum insidentinin "sifarişçisi" kimi saxlanılan, kikboksinq üzrə dünya və Avropa çempionu Ramal Aslanov iki vəzifəsindən azad edilib.

Axar.az Oxu.az-a istinadla xəbər verir ki, Azərbaycan Kikboksinq Federasiyasında vitse-prezident olan Ramal Aslanov qurumun prezidenti Orxan Əliyevin qərarı ilə vəzifəsindən kənarlaşdırılıb.

Bundan əlavə Ramal Aslanov federasiyanın fəxri prezidenti Adil Əliyevin müavini vəzifəsini də itirib. Xatırladaq ki, A.Əliyev həmçinin Suraxanı rayonunun icra başçısıdır.

Qeyd edək ki, Fuad Zeynalova hücum çəkməkdə şübhəli bilinən Elnur Həmidov, Emil Hümbətov, Elçin Hüseynov, Elvin Məmmədov və Musa Əhmədov da saxlanılıblar.

Kiyev mövcud reallıqlar əsasında münaqişəni həll edərkən ərazi məsələlərini müzakirə etməlidir.

Axar.az xəbər verir ki, bunu Fransa Prezidenti Emmanuel Makron deyib.

“Ukrayna münaqişəsinin sadə və asan həlli ola bilməz. Kiyevin iştirakı olmadan da Ukraynada sülh təşəbbüsləri ola bilməz və Avropanın iştirakı olmadan Avropanın təhlükəsizliyi təmin edilə bilməz”, - Makron bildirib.

Almaniya Federativ Respublikasının Prezidenti Frank-Valter Ştaynmayer Prezident İlham Əliyevə başsağlığı məktubu ünvanlayıb.

İdmançılar arasındakı insidentlə bağlı təcili iclas keçiriləcək.

Axar.az xəbər verir ki, bununla bağlı Oxu.az-a Kikboksinq federasiyasının baş katibi İlkin Məsimzadə məlumat verib.

"Azərbaycan Kikboksinq Federasiyası baş vermiş xoşagəlməz hadisəni şiddətlə qınayır. Baş verənlərin kikboksinq idman növünə ləkə olduğunu və ümumiyyətlə idman sferasında yolverilməz olduğunu bildirir. Məsələ ilə bağlı 07.01.2025 tarixində federasiyanın iclası gözlənilir. İstintaqın gedişatına uyğun olaraq Azərbaycan Kikboksinq Federasiyasının rəhbərliyi tərəfindən uyğun qərar veriləcəkdir", - deyə o bildirib.

Amerikaya köçən tele-aparıcı Qənirə Ataşova sosial media hesabında açıqlaması ilə diqqət çəkib.
Axar.az xəbər verir ki, Qənirə Ataşova plastik cərrah kimi fəaliyyət göstərən Səma Qasımova haqqında İnstaqramda hekayə bölümündə bu sözləri yazıb:
"Badam Medical Center"in saxta doktoru Səma Qasımova 2020-ci ildə paltar reklamı ilə məşğul imiş. Reklamdan cərrahlığa bir addım..."

Şimali Makedoniya Respublikasının Prezidenti Qordana Silyanovska-Davkova Azərbaycan Prezidenti İlham Əliyevə başsağlığı məktubu ünvanlayıb.

İndoneziya BRİKS-ə tamhüquqlu üzv kimi qoşulub.
Axar.az xəbər verir ki, bu barədə Braziliya Xarici İşlər Nazirliyi məlumat yayıb.
Braziliya İndoneziyanın bu gün rəsmən BRİKS üzvü olduğunu təsdiqləyib.