Vüsal Yusif oğlu Aslanov “Bakı Metropoliteni”nə sədr təyin edilib.

⚡️İlham Əliyev Ərdoğana respublikanın D-8 təşkilatına üzvü seçilməsində Türkiyənin dəstəyinə görə təşəkkür məktubu göndərib.

⚡️İlham Əliyev Pakistanın Baş naziri Məhəmməd Şahbaz Şərifə təşəkkür məktubu göndərib.

2025-ci ildə Donetskin tam "azad ediləcəyini" gözləyirəm.
Axar.az xəbər verir ki, bu sözləri Donetsk "respublikasının" qondarma rəhbəri Denis Puşilin deyib.
Puşilin qeyd edib ki, hazırda Qorlovkaya hücumların intensivliyini azaltmaq üçün Dzerjinskinin (Ukrayna adı – Toretsk – red.) ələ keçirilməsi region üçün çox vacibdir.

Dekabrın 20-də Rusiya hərbçiləri Xarkov şəhərinin Saltovski rayonunda doqquz mərtəbəli binaya PUA ilə hücum ediblər.
Axar.az xəbər verir ki, bu barədə Xarkov vilayət hərbi administrasiyasının rəhbəri Oleq Sinequbov məlumat verib.
Onun sözlərinə görə, hadisə yerində yanğın başlayıb və binanın ilk iki mərtəbəsi dağılıb.

O, zərbə nəticəsində 4 nəfərin yaralandığını bildirib.

Sərhəddə zəlzələ baş verib

Sumqayıt Dövlət Dram Teatrının aktyoru Yalçın Səlimov vəfat edib.

Dekabrın 21-də yerli vaxtla saat 03:01-də Azərbaycanın Kəlbəcər rayonu ərazisində zəlzələ qeydə alınıb.

Zəlzələnin maqnitudası 4,6 bal olub.

Kələbəcər şəhərindən 25 km cənubda baş verən yeraltı təkanların episentri 10 km dərinlikdə yerləşib.

Husilər Təl-Əvivi raketlə vurdu: 18 yaralı

Qarşıdan gələn bayram günlərində şəxsi avtomobillə səfərə çıxanların sayının əhəmiyyətli dərəcədə artacağı gözlənilir.

Axar.az xəbər verir ki, bu barədə Baş Dövlət Yol Polisi İdarəsi məlumat yayıb.

Bildirilib ki, bununla yanaşı, qeyri-qanuni sərnişin daşıyan şəxslərin bayram öncəsi sərnişin axınının artmasını fürsət bilərək, məhz sürət rejiminin pozulması hesabına gün ərzində bir neçə dəfə səfərlər təşkil edəcəkləri ehtimal olunur:

“Hərəkət intensivliyinin artması fonunda yolda müəyyən edilmiş sürət həddinin aşılması, yaxud sürət həddinin yol və hava şəraitinə uyğun seçilməməsi kimi kobud qayda pozuntuları isə sözsüz ki, sonda ağırlıq dərəcəsi yüksək olan yol qəzaların baş verməsinə real zəmin yarada bilər.

Baş Dövlət Yol Polisi İdarəsi bir daha yüksək sürətin ağır faciələrə səbəb olduğunu xatırladır və qarşıdan gələn bayram günlərinin xoş əhval-ruhiyyədə qeyd olunması üçün hər bir hərəkət iştirakçısını yol hərəkəti qaydalarına qeyd-şərtsiz əməl etməyə çağırır!”.
“Cari ilin 11 ayı ərzində qeydə alınan göstəricilərə əsasən, yolda müəyyən edilmiş sürət həddinin aşılması, yenə də sürücülər tərəfindən ən çox yol verilən qayda pozuntusudur. Bu səbəbdən baxılan dövrdə 505 yol-nəqliyyat hadisəsi qeydə alınıb ki, nəticədə 344 nəfər həyatını itirib, 335 nəfər isə yaralanıb”, - deyə məlumatda qeyd edilib.

Prezident İlham Əliyev Almaniyanın Maqdeburq şəhərində baş vermis faciəli hadisə ilə əlaqədar Prezident Frank-Valter Ştaynmayerə başsağlığı verib.

Goranboyda yol kənarında yaralı qadın aşkar olunub.

Axar.az Unikal.az-a istinadən xəbər verir ki, hadisə Goran qəsəbəsində körpünün yaxınlığında baş verib.

Müxtəlif bədən xəsarətləri ilə xəstəxanaya çatdırılan 1997-ci il təvəllüdlü qadının körpüdən yıxıldığı ehtimal edilir.

Qeyd edək ki, qadın içkili vəziyyətdə olduğunu və epilepsiya xəstəliyindən əziyyət çəkdiyini bildirib.

Faktla bağlı araşdırma aparılır.