Mingəçevir şəhərində 1998-ci il təvəllüdlü Bəxtiyar Həsənli mübahisə zəminində qarın nahiyəsindən bıçaqlanıb.

Axar.az xəbər verir ki, ağır halda xəstəxanaya yerləşdirilən Bəxtiyar Həsənli dünyasını dəyişib.

Hadisəni törətməkdə şübhəli bilinən, 1990-cı il təvəllüdlü Elvin Rüstəmov isə polis əməkdaşlarının keçirdikləri müvafiq tədbirlər nəticəsində saxlanılaraq istintaqa təhvil verilib.

Faktla bağlı araşdırma aparılır.

Dünya birjalarında neft yenidən ucuzlaşıb.

Axar.az xəbər verir ki, hazırda “Brent” markalı neftin bir barreli 74,24 dollara, yüngül neftin bir barreli isə 70,93 dollara satılır.

Azərbaycanda hava şəraiti dekabrın 16-sı saat 9:00-a olan məlumata əsasən yağmursuz keçib.

Axar.az xəbər verir ki, bu barədə Milli Hidrometeorologiya Xidməti məlumat yayıb.

Cənub-qərb küləyi arabir Bakıda və Abşeron yarımadasında 21 m/s, Qobustanda 16 m/s-dək güclənib. Bu da sarı xəbərdarlığa uyğundur.

Qeyd edilib ki, havanın minimal temperaturu Bakıda və Abşeron yarımadasında 4 dərəcəyədək isti, Aran rayonlarında 4, Naxçıvan MR-da 8, dağlıq rayonlarda 8 dərəcəyədək şaxta qeydə alınıb.

Rəqəmsal İnkişaf və Nəqliyyat Nazirliyi yanında Azərbaycan Yerüstü Nəqliyyat Agentliyinin (AYNA) Kommunikasiya departamentinin rəhbəri vəzifəsinə yeni təyinat olub.

Bu vəzifə Vəli Məmmədova həvalə edilib.

O, bundan əvvəl “PAŞA Həyat Sığorta” ASC-nin Korporativ Kommunikasiya rəhbəri vəzifəsini icra edib, 2011-2016-cı illərdə isə "Azercell Telecom" MMC-də çalışıb.

V.Məmmədov kommunikasiya, ictimaiyyətlə əlaqələr, korporativ sosial məsuliyyət, dayanıqlı inkişaf, multimedia məhsullarının hazırlanması, tədbir təşkilatçılığı sahəsində təcrübəyə malikdir.

İsrail Hərbi Hava Qüvvələri bazar ertəsi gecə saatlarında Suriyanın Latakiya və Tartus əyalətlərindəki hərbi obyektlərə zərbələr endirib.

Axar.az xəbər verir ki, bu barədə “RİA Novosti” yerli mənbələrə istinadən məlumat yayıb.

“İsrail hərbi təyyarələri Suriyanın qərbindəki Latakiya və Tartus əyalətlərindəki hərbi hədəflərə raket zərbələri endirib. Tartus və Latakiya əyalətlərində güclü partlayış səsləri eşidilib”, - mənbə bildirib.

Qeyd olunur ki, İsrail Hərbi Hava Qüvvələri Həma və Xüms əyalətlərindəki hərbi hədəflərə də hücum edib.

Azərbaycana idxal edilən tibbi maska və tibbi respiratorların gömrük rüsumundan azad edilmə müddəti 3 il uzadılıb.

Azərbaycandakı günəş elektrik stansiyalarında elektrik enerjisinin istehsalı 470,5 milyon kVt·st artıb.

Şəkidə bir ailənin üç üzvü dəm qazından zəhərlənib.

Axar.az APA-ya istinadla xəbər verir ki, dekabrın 15-dən 16-na keçən gecə Şəki şəhəri sakinləri - 1979-cu il təvəllüdlü Rasimə Rasim qızı Abdullayeva, 1995-ci il təvəllüdlü Murad Əmiraslan oğlu Abdullayev və 2022-ci il təvəllüdlü Fatimə Murad qızı Abdullayeva zəhərlənmə əlamətləri ilə Şəki Rayon Mərkəzi Xəstəxanasının (RMX) Təcili Tibbi Yardım şöbəsinə daxil olub.

Onların dəm qazından zahərləndiyi məlum olub.

Hər üç şəxs tibbi yardımdan sonra ambulator müalicə almaq şərti ilə evə buraxılıblar.

Faktla bağlı araşdırma aparılır.