Argentina millisinin və ABŞ-ın “İnter Mayami” komandasının futbolçusu Lionel Messinin transfer dəyəri açıqlanıb.

Axar.az xəbər verir ki, ulduz hücumçunun dəyəri 5 milyon azalıb. Onun transfer qiyməti 25 milyon avrodan 20 milyona düşüb.

Xatırladaq ki, Lionel Messi bir müddət öncə “İnter Mayami”dəki komanda yoldaşları Luis Suares, Serxio Buskets və Xordi Alba ilə birgə Azərbaycanda səfərdə olub.

ABŞ səmasında naməlum dronlar görünüb.
Axar.az xəbər verir ki, bununla bağlı video görüntülər yayılıb.
Pilotsuz uçuş aparatları Nyu Cersi və Nyu York ştatlarının üzərində qeydə alınıb. Bəziləri onların yadplanetli mənşəli ola biləcəyini, digərləri isə bu aparatların xarici dövlətlərə məxsus olduğunu düşünür.

Bildirilir ki, onların əksəriyyəti adi həvəskar modellərdən xeyli böyükdür və bu, narahatlıq yaradır. Lakin hazırda FTB bu naməlum dronların mənşəyini müəyyən edə bilməyib.

Bakıda və Abşeron yarımadasında dekabrın 15-də hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir.

Gecə bəzi şəhərətrafı ərazilərdə arabir yağıntılı olacağı ehtimalı var.
Şimal-qərb küləyi gündüz arabir güclənən cənub-qərb küləyi əvəz olunacaq.

Havanın temperaturu gecə 1° şaxtadan 2°-dək isti, gündüz 4-8° isti olacaq. Atmosfer təzyiqi 775 mm civə sütunundan 769 mm civə sütununa enəcək. Nisbi rütubət gecə 60-65 %, gündüz 50-55% olacaq.
Azərbaycanın rayonlarında havanın əsasən yağmusuz keçəcəyi gözlənilir. Bəzi yerlərdə arabir duman olacaq. Qərb küləyi ayrı-ayrı yerlərdə arabir güclənəcək.
Havanın temperaturu gecə 1-6° şaxta, gündüz 4-8° isti, dağlarda gecə 8-13°, yüksək dağlıq ərazilərdə 17-22° şaxta, gündüz 5-10° şaxta olacaq.

Lerikdə qarın hündürlüyü 20 sm-ə çatıb.

Bakı-Şamaxı yolunun 80-ci kilometrliyində bu səhərki vəziyyət:

Fövqəladə Hallar Nazirliyinin Nüvə və Radioloji Fəaliyyətin Tənzimlənməsi üzrə Dövlət Agentliyinin (NRFTDA) rəisi Nicat Əliyev vəzifəsindən azad edilib.

Axar.az Qaynarinfo.az-istinadən xəbər verir ki, bununla bağlı fövqəladə hallar naziri general-polkovnik Kəmaləddin Heydərov əmr imzalayıb.

Əmrə əsasən, bu vəzifəyə Murad Paşayev təyin olunub.

Qeyd edək ki, Nicat Əliyev 2022-ci ilin noyabr ayında sözügedən vəzifəyə təyin edilib. Nicat Əliyev həmçinin Fövqəladə Hallar Nazirliyinin ləğv edilən Dövlət Material Ehtiyatları Agentliyinin rəisi vəzifəsində çalışıb.