Hazırda “Brent” markalı neftin bir barreli 73,48 dollara, yüngül neftin bir barreli isə 70,11 dollara satılır.

Azərbaycan UEFA reytinqində bir pillə geriləyib.

Axar.az xəbər verir ki, buna "Qarabağ"ın UEFA Avropa Liqasının Liqa mərhələsinin VI turunda İsveçdə “Elfsborq”a uduzması (0:1) səbəb olub.

Azərbaycan 19.625 əmsalla 28-ci yerdə qərarlaşıb.

Ötən gün bu turnirdə “Ludoqorets”in Niderlandın AZ komandası ilə heç-heçə etməsi (2:2) Bolqarıstanın (19.625) Azərbaycana çatması ilə nəticələnib. Əmsallar bərabər olsa da, bolqarlar cari mövsüm əldə olunan nəticələrə əsasən 27-ci sıradadır.

Qeyd edək ki, 55 ölkənin yer aldığı siyahıya İngiltərə (99.374) başçılıq edir.

ABŞ “Long Range Hypersonic Weapon” (LRHW) orta mənzilli hipersəs raket sistemini uğurla sınaqdan keçirib.

Axar.az xəbər verir ki, bu barədə Strategiya və Texnologiyaların Analizi Mərkəzi məlumat yayıb.

Bildirilib ki, bu, ABŞ tərəfindən 6 min km/saatdan çox sürətlə 3 min km-ə qədər məsafə qət edə bilən raketin ilk uğurlu sınağı olub. “Dark Eagle” adlanan raketin buraxılışı Kanaveral burnundan həyata keçirilib.

Raket “Lokid Martin” tərəfindən hazırlanıb və kütləvi raket zərbəsi endirmək və möhkəmləndirilmiş müdafiə xətlərini yarmaq üçün nəzərdə tutulub.

Baş Dövlət Yol Polisi İdarəsi əlverişsiz hava şəraiti ilə bağlı yol hərəkəti iştirakçılarına müraciət edib.

Bu barədə Axar.az-a İdarədən məlumat verilib.

Müraciətdə bildirilib ki, sinoptiklərin verdiyi məlumata əsasən, bu gündən başlayaraq dekabrın 15-dək ölkə ərazisində havanın temperaturunun aşağı enəcəyi, Bakıda və Abşeron yarımadasında külək müşahidə olunan yağış yağacağı gözlənilir.

Baş Dövlət Yol Polisi İdarəsi verilən xəbərdarlıqla əlaqədar yollarda yarana biləcək fəsadların qarşısının alınması üçün hərəkət iştirakçılarına müraciət edərək onlara yola çıxarkən ehtiyatlı olmağı, yol hərəkəti qaydalarına ciddi riayət etməyi, sürücülərdən sürət həddini hava şəraitinə uyğun seçməyi, külək tutan açıq ərazilərdə ehtiyatlı olmağı, yağışlı havada daha çox ara məsafəsi saxlamağı, qəfil manevr və ya kəskin tormuzlama etməkdən çəkinməyi tövsiyə edir.

"Həftəsonu səfərə çıxmağa hazırlaşan hərəkət iştirakçılarından magistiral yollarda əlverişsiz hava şəraitinin yarada biləcəyi çətinlikləri nəzərə almaq, əvvəlcədən ehtiyat tədbirləri görmək xahiş olunur".

Argentina millisinin və ABŞ-ın “İnter Mayami” klubunun ulduz futbolçusu Lionel Messinin Azərbaycana səfəri erməniləri qəzəbləndirib.

🆘🌊 Dənizkənarı Milli Parkda dənizdə batma təhlükəsi olan şəxs xilas edilib

Dekabrın 26-dan etibarən Quql Pley proqramlar mağazası Rusiyada vəsait çıxarmaq üçün bank hesabları olan rus tərtibatçılara xidmət göstərməyi dayandıracaq.

Axar.az xəbər verir ki, bu barədə “Habr” portalı məlumat yayıb.

“25 dekabr 2024-cü il tarixindən sonra siz artıq dünya üzrə satışlardan gəlir əldə etməyəcəksiniz. 15 yanvar 2025-ci il tarixində bütün Quql Pley əməliyyatları üçün son ödənişləri alacaqsınız”, - məlumatda deyilir.

Qeyd olunur ki, dekabrın 26-dan bazarda monetizasiya onlar üçün mümkün olmayacaq. Bu tarixdən etibarən istifadəçilərin rus tərtibatçılardan ödənişli proqramlar almaq cəhdləri rədd ediləcək. Eyni şey tətbiqdaxili alışlar etmək və abunəlikləri yeniləmək cəhdlərinə də aiddir (“Quql Pley Ödənişlər” vasitəsilə ödəniş etməklə).

Moskva Rusiya Federasiyası, Azərbaycan və Ermənistan arasında əldə olunan razılaşmaların yerinə yetirilməsi üçün əlindən gələni edir və bundan sonra da edəcək.

Bunu Rusiya xarici işlər nazirinin müavini Mixail Qaluzin jurnalistlərə açıqlamasında bildirib