Türkiyə ev sahibliyi etdiyi milyonlarla suriyalı miqrantın təhlükəsiz və könüllü qayıtmasını təmin etmək üçün Suriya ilə sərhədindəki Yayladağı keçidini açır.

Axar.az xəbər verir ki, bunu Türkiyə Prezidenti Rəcəb Tayyib Ərdoğan deyib.

“İstənilən yüklənmənin qarşısını almaq və gediş-gəlişi asanlaşdırmaq üçün Yayladağı sərhəd-keçid məntəqəsini açırıq. Biz miqrantların könüllü qayıtması prosesini də idarə edəcəyik”, - o bildirib.

Qeyd edək ki, keçid məntəqəsi 2013-cü ildən sərhəd yaxınlığında döyüşlər səbəbindən bağlanıb.

8 dekabrda Əsədin devrilməsindən sonra suriyalı qaçqınların öz vətənlərinə böyük köçü başlayıb.

⚠️Azərbaycan Respublikasının Korrupsiyaya qarşı mübarizə üzrə Komissiyasına yeni üzvlər təyin edilib.

Bu, Milli Məclisin bu gün keçiriləcək iclasında müzakirəyə çıxarılaraq qəbul edilən "Azərbaycan Respublikasının Korrupsiyaya qarşı mübarizə üzrə Komissiyasının üzvlərinin təyin edilməsi haqqında" qərar layihəsində əksini tapıb.

Layihəyə əsasən, Korrupsiyaya qarşı mübarizə üzrə Komissiyasının yeni üzvləri Milli Məclis sədrinin birinci müavini Ziyafət Əsgərov, parlamentin Müdafiə, təhlükəsizlik və korrupsiya ilə mübarizə komitəsinin sədri Arzu Nağıyev, deputat Əminə Ağazadə, Hesablama Palatasının sədri Vüqar Gülməmmədov və Milli Məclis Aparatının rəhbəri Fərid Hacıyev olub.

Qeyd edək ki, Komissiya 15 nəfər üzvdən ibarət tərkibdə təşkil edilir və fəaliyyət göstərir. Komissiyanın 5 üzvü Azərbaycan Respublikasının Prezidenti tərəfindən, 5 üzvü Azərbaycan Respublikasının Milli Məclisi tərəfindən, 5 üzvü isə Azərbaycan Respublikasının Konstitusiya Məhkəməsi tərəfindən təyin edilir.

Bundan əvvəl Milli Məclisi tərəfindən təyin olunmuş Komissiya üzvləri Milli Məclis sədrinin sabiq müavini Adil Əliyev, sabiq deputat Elşad Mirbəşir, deputatlar Əminə Ağazadə, Arzu Nağıyev və Milli Məclis Aparatının rəhbəri Fərid Hacıyev olub.

⚽️ "Qarabağ" klubların yeni dünya reytinqində 5 pillə irəliləyərək 67-ci yerə yüksəlib.

Təxminən 6 min şəhid verdik, milyardlarla vəsait xərclədik və sonda Suriyanı bir həftə ərzində radikallara təslim etdik.

Axar.az xəbər verir ki, bunu iranlı millət vəkili Məhəmməd Mənin Rəisi İran parlamentinin Suriya ilə bağlı keçirilən iclasında deyib.

Rəisi baş verənləri gözlənilməz və ağrılı nəticələr kimi dəyərləndirib.

Qeyd edək ki, İran Suriyadakı canlı itkisinə dair rəsmi statistika açıqlamaqdan çəkinir.

Buna qədər açıqlanan ən yüksək rəsmi rəqəm isə 2017-ci ildə İran Şəhidlər Təşkilatının rəhbəri Məhəmməd Əli Şəhidinin Suriyada və İraqda ümumilikdə 2 min 100 İran əsgərinin həyatını itirdiyini bildirməsi olub.

Suriya xalqı devrilmiş prezident Bəşər Əsədin əmisi oğlu Süleyman Hilal Əsədi edam edib.

Türkiyənin Van vilayətində qatı duman səbəbindən zəncirvari qəza baş verib. Qəzada iki nəfər ölün, 15 nəfər yaralanıb

Ermənistan və Azərbaycan əslində ABŞ və AB-nin sülh vasitəsilə nizamlanma ilə bağlı tövsiyələrinə qulaq asmır, bütün məsələləri müstəqil həll etməyə üstünlük verir.

Axar.az xəbər verir ki, bunu Rusiya Federasiyası Xarici Kəşfiyyat Xidmətinin direktoru Sergey Narışkin “Razvedçik” jurnalına müsahibəsində deyib.

Braziliya Prezidenti Luis İnasio Lula da Silva beyin qanaması keçirərək təcili xəstəxanaya yerləşdirilib. Oktyabr ayında dövlət başçısı yıxılıb və başının arxasından zədə alıb, həkimlər artıq daxili qanaxma təhlükəsi barədə xəbərdarlıq ediblər.

Axar.az xəbər verir ki, bu barədə San-Paulu şəhərindəki “Sírio-Libanes” xəstəxanası məlumat yayıb.

Məlumata görə, Lula da Silva baş ağrısı hiss etdikdən sonra xəstəxanaya yerləşdirilib:

“MRT-də oktyabrın 19-da evdə baş vermiş qəza nəticəsində kəllədaxili qansızma aşkar edilib. Əməliyyat insidentsiz başa çatıb”.

Qeyd olunur ki, prezident kraniotomiya əməliyyatı keçirməli olub:

“Hazırda prezident özünü yaxşı hiss edir və reanimasiyada müşahidə altındadır”.

Xankəndi və Ağdərə üzrə 13 ekoloji layihə təqdim olunub

Agentliyin sədri bildirib ki, iki il ərzində təkcə meşə fonduna dəyən ziyanın nəticəsi Qarabağ və Şərqi Zəngəzur üzrə 15 milyon manatdan yuxarıdır:

"İndiyədək layihələrin icrası və qiymətləndirilməsi paralel surətdə həyata keçirildi. Müvafiq qurumların qiymətləndirilməsi düzgün yerinə yetirilmədiyi üçün belə problemlər çıxır. Layihələr bütün dövlət qurumlarla razılaşdırılmalı və sonra icra edilməsinə başlanılmalıdır. Qiymətləndirilmə düzgün edilməyəndə layihə başa çatsa da, illər sonra ekoloji fəsadlar ortaya çıxır".