COP29: Yeni Kollektiv Kəmiyyət Məqsədi (NCQG) layihəsində hədəfin ildə 300 milyard ABŞ dolları səviyyəsində müəyyən edilməsi təsdiqləndi

⚡BMT-nin Baş katibi: Mən Azərbaycan hökumətinə və COP29 prezidenti Muxtar Babayevə və onun komandasına gərgin əməyinə görə təşəkkür edirəm.

COP29-da razılığa gəlmək, qlobal istiləşmənin 1,5°C həddini qorumaq üçün vacib idi.

Mən həm maliyyə, həm də təsir azaldılması baxımından daha iddialı bir nəticə gözləyirdim ki, qarşımızdakı böyük çağırışın miqyasına cavab verilsin, lakin əldə edilən razılaşma üzərində qurula biləcək bir baza təmin edir.

Bu razılaşma tam şəkildə və vaxtında yerinə yetirilməlidir.

Türkiyənin Afyonkarahisar vilayətində zəncirvari qəza baş verib.
Axar.az xəbər verir ki, bu barədə Türkiyə mətbuatı məlumat yayıb.
Məlumata görə, Ankara istiqamətində hərəkət edən sərnişin avtobusu evakuator və minik avtomobili ilə toqquşub.
Qəza nəticəsində 30 sərnişin müxtəlif dərəcəli bədən xəsarətləri alıb.

Yaralılar Afyonkarahisardakı xəstəxanalara çatdırılıb.
Faktla bağlı araşdırmalara başlanılıb.

⚡️Hava hücumundan müdafiə sistemi Bryansk vilayəti üzərində təyyarə tipli PUA-nı vurub. Xəsarət alan və dağıntı olmayıb - Qubernator Boqomaz

Ermənistan Polisinin Dövlət Təhlükəsizliyi Baş İdarəsinin hərbiləşdirilmiş dəstəsinin rəisi Andrey Veranyanın meyiti iş otağında tapılıb.
Axar.az xəbər verir ki, bu barədə Ermənistan mətbuatı məlumat yayıb.
Məlumata görə, hadisə noyabrın 14-də baş versə də, indi məlum olub.
Bildirilib ki, 67 yaşlı Veranyanın meyitinə baxış keçirilib və üzərində heç bir zorakılıq əlaməti aşkarlanmayıb.

Ermənistan İstintaq Komitəsi faktla bağlı araşdırmaya başlayıb.

Rusiyanın Smolensk vilayətində yağan qar səbəbindən 109 kənd işıqsız, istiliksiz və susuz qalıb.
Axar.az xəbər verir ki, bu barədə Rusiya Teleqram kanalları məlumat yayıb.
Smolenskin Novoduginsk kəndinin sakinlərinin sözlərinə görə, bu səbəb yerli hakimiyyət orqanlarının hazırlıqsızlığı olub:
“Məmurlar qar yağandan sonra aşmağa və elektrik naqillərini qırmağa başlayan köhnə ağacları vaxtında kəsməyə diqqət yetirməyiblər”.

Bildirilib ki, vilayətin 100-dən çox kəndi bir neçə sutkadır bu vəziyyətdədir.

Azərbaycanın avtomobil yollarında vəziyyət açıqlanıb.
Milli Hidrometrologiya Xidmətindən Axar.az-a verilən məlumata görə, noyabrın 25-də yağıntılı və dumanlı hava şəraiti ilə əlaqədar olaraq bəzi magistral avtomobil yollarında görünüş məsafəsinin 300-800 metrədək məhdudlaşacağı ehtimalı var.

⚡️ABŞ, AB, Britaniya və başqa dünya ölkələri COP29-da əldə olunmuş tarixi razılaşmalara görə Azərbaycanı təbrik edir

Milli Hidrometeorologiya Xidməti noyabrın 25-də Bakıda və Abşeron yarımadasında, eyni zamanda bəzi bölgələrdə gözlənilən küləkli hava şəraiti ilə bağlı sarı xəbərdarlıq verib.
Xidmətdən Axar.az-a bildirilib ki, Bakıda və Abşeron yarımadasında, Qobustan, Siyəzən, Hacıqabul, Salyan, Neftçala, Xaçmaz, Şabran, Quba, Qusar, Xızıda sarı xəbərdarlığa uyğun olaraq fasilələrlə qərb küləyi əsəcək və küləyin sürəti 13.9-20.7 m/san təşkil edəcək.

Filippinin paytaxtı Manilanın gecəqondu rayonunda güclü yanğın baş verib. Yanğın nəticəsində 1000-ə yaxın ev yanıb.