İran Rusiya Xarici İşlər Nazirliyinə etiraz notası göndərib.

Axar.az xəbər verir ki, bu barədə "Azad İran" Teleqram kanalı məlumat yayıb.

Bildirilib ki, Rusiyanın Kazan şəhərində iki iranlı tələbə polis tərəfindən döyülərək saxlanılıb.
Qeyd olunub ki, Kazan Federal Universitetində vizaların yenilənməsi zamanı tələbələr arasında dava baş verib və hadisə yerinə polis gəlib.

İranlı tələbələrin israrlı davranışları mübahisənin davam etməsinə və tələbələrin hüquq-mühafizə orqanlarının əməkdaşları tərəfindən döyülməsinə səbəb olub ki, nəticədə onlardan ikisi həbs edilib.
İranın Kazandakı Baş Konsulluğu polis tərəfindən iranlı tələbələrə qarşı kobud rəftar və yerli polisin qeyri-peşəkar davranışı ilə bağlı Rusiya Xarici İşlər Nazirliyinə etiraz notası göndərib.

🇦🇿🇷🇺 Azərbaycanlı deputatlar Rusiyada beynəlxalq konfransa qatılacaqlar.

“MDB ölkələrinin parlamentlərarası əməkdaşlığında siyasi partiyaların fraksiyaları və bloklarının qarşılıqlı təsirinin rolu” mövzusunda beynəlxalq konfrans noyabrın 28-də başa çatacaq.

BBC-nin erməni jurnalisti Grigor Atanesian: "Xocalı qətliamı Qarabağ müharibələrində mülki əhalinin ən böyük itkisidir və bu "Human Rights Watch"ın hesabatları ilə təsdiqlənib.

Bunu inkar etmək olmaz və məsələnin Azərbaycan hakimiyyətini tənqid etməklə heç bir əlaqəsi yoxdur. Eyni zamanda, bu Ermənistana heç bir fayda vermir".

“Xarıbülbül” simvolunu ilk dəfə 2015-ci ildə yaradaraq onu qalstuk üzərinə keçirən İtaliyanın “Andrew’s Ties” ticarət markası bu dəfə Azərbaycanın ən qədim şəhərlərindən biri olan Gəncəyə aid qalstuk ərsəyə gətirib.

Qalstukun dizaynı hazırlanarkən Gəncə xanlığına məxsus bayrağın elementlərindən və rəngindən istifadə edilib.

Eyni zamanda Gəncəyə məxsus xalça naxışları ilə bəzədilib.

Qalstuk 100% ipək olmaqla, İtaliyada italiyalı ustalar tərəfindən istehsal edilib və əl işidir.

🇦🇿🇨🇳 2025-ci ilin əvvəlində Bakı ilə Pekin arasında birbaşa uçuşlar həftədə üç dəfəyədək artırılacaq.

M.V.Lomonosov adına Moskva Dövlət Universitetinin Bakı filialı kompleksində təmir işləri həyata keçiriləcək.

Axar.az Trend-ə istinadən xəbə verir ki, bununla bağlı Fövqəladə Hallar Nazirliyinin Tikintidə Təhlükəsizliyə Nəzarət Dövlət Agentliyinin Tikilməkdə Olan Obyektlərin Birləşmiş Müdiriyyəti hazırlıqlara başlayıb.

Qurum sözügedən işlərin icrasını "NN Constraction" MMC-yə həvalə edib və onunla dəyəri 791.264,3 AZN (791 min 264 manat 3 qəpik) olan müqavilə bağlayıb.

Qeyd edək ki, nizamnamə kapitalı 20 manat olan "NN Constraction" MMC-nin qanuni təmsilçisi Niyaməddin Cəlil oğlu Məcidzadədir.

Noyabrın 23-də Laçın rayonu ərazisində zəlzələ olub.

Azərbaycan Milli Elmlər Akademiyası nəzdində Respublika Seysmoloji Xidmət Mərkəzinin Zəlzələlərin Tədqiqatı Bürosundan Axar.az-a verilən məlumata görə, yerli vaxtla saat 12:10-da qeydə alınan yeraltı təkanların maqnitudası 4.5-ə bərabər olub.

Zəlzələnin ocağı 10 kilometr dərinlikdə yerləşib.

Zəlzələ Qarabağ və Şərqi Zəngəzurda hiss olunub.

AYNA: COP29 zolaqlarında yol nişanlarının sökülməsinə başlanılıb.