📸 Güney Azərbaycanda Turan bayrağı qaldırıldı

Güney Azərbaycanın "Traktor" futbol klubunun azarkeşləri Traktor-Qolqohər oyununda Turan bayrağı qaldırıblar.

İstanbulda bir ticarət mərkəzinin qarşısında polis tərəfindən saxlanılan və özünü azərbaycanlı diplomat kimi təqdim edən şəxsin üzərindən 70 kilo qızıl tapılıb.

Məsələ ilə bağlı araşdırma davam edir.

Saxlanılan şəxs qızılların özünə aid olduğunu da qeyd edib.

Neftçala rayonunda minik avtomobili və motosikletin iştirakı ilə baş vermiş yol-nəqliyyat hadisəsi ölümlə nəticələnib.

Axar.az Report-a istinadən xəbər verir ki, hadisə rayonun sənaye məhəlləsinin yaxınlığından keçən Salyan-Neftçala avtomobil yolunda qeydə alınıb.

Belə ki, hərəkətdə olan “Sanqam” markalı avtomobil motosikletlə toqquşub.
Qəza nəticəsində qoşqulu motosikletin sürücüsü, Bankə qəsəbə sakini 1960-cı il təvəllüdlü Ağasəf Paşa oğlu Mirzəyev, eyni qəsəbənin sakinləri olan sərnişinlər – 1986-cı il təvəllüdlü Günel Ağasəf qızı İbrahimova, onun övladları, 2010-cu il təvəllüdlü Natiq Fuad oğlu İbrahimov, 2010-cu il təvəllüdlü Yəhya Fuad oğlu İbrahimov, 2008-ci il təvəllüdlü Ləman Fuad qızı İbrahimova müxtəlif dərəcəli xəsarətlər alıblar.

Yaralılar Neftçala Rayon Mərkəzi Xəstəxanasına yerləşdiriliblər. Xəstəxanada həkimlərin səyinə baxmayaraq, uşaqların babası olan Ağasəf Mirzəyevin həyatını xilas etmək mümkün olmayıb.
Faktla bağlı araşdırma aparılır.

Bu gündən bəzi məktəblərdə tədris başlayıb.

Dünya birjalarında neft bahalaşmaqda davam edir.

Axar.az xəbər verir ki, hazırda “Brent” markalı neftin bir barreli 75,17 dollara, yüngül neftin bir barreli isə 71,24 dollara satılır.

İran Rusiya Xarici İşlər Nazirliyinə etiraz notası göndərib.

Axar.az xəbər verir ki, bu barədə "Azad İran" Teleqram kanalı məlumat yayıb.

Bildirilib ki, Rusiyanın Kazan şəhərində iki iranlı tələbə polis tərəfindən döyülərək saxlanılıb.
Qeyd olunub ki, Kazan Federal Universitetində vizaların yenilənməsi zamanı tələbələr arasında dava baş verib və hadisə yerinə polis gəlib.

İranlı tələbələrin israrlı davranışları mübahisənin davam etməsinə və tələbələrin hüquq-mühafizə orqanlarının əməkdaşları tərəfindən döyülməsinə səbəb olub ki, nəticədə onlardan ikisi həbs edilib.
İranın Kazandakı Baş Konsulluğu polis tərəfindən iranlı tələbələrə qarşı kobud rəftar və yerli polisin qeyri-peşəkar davranışı ilə bağlı Rusiya Xarici İşlər Nazirliyinə etiraz notası göndərib.