Lufthansa” aviaşirkətinin Mumbai–Münhen reysini yerinə yetirən hava gəmisinin kapitanı Heydər Əliyev Beynəlxalq Aeroportuna təcili eniş sorğusu göndərib.
Bu barədə Axar.az-a Heydər

Əliyev Beynəlxalq Aeroportunun mətbuat xidmətindən bildirilib.
Qeyd olunub ki, buna səbəb təyyarədə olan sərnişinlərdən birinin səhhətinin qəflətən pisləşməsi olub. Belə ki, “Airbus A350” tipli təyyarə yerli vaxtla saat 06:47-də Bakı hava limanında uğurla eniş edib.

Sərnişinə hava limanında dərhal ilkin tibbi yardım göstərilib və daha sonra o, təcili tibbi yardım briqadasına təhvil verilib.


Evinizi ikiqat ucuz qiymətə qızdırmaq üçün… - Ekspert

Ətraflı: https://axar.az/news/toplum/919174.html

🇦🇲 Ermənistanda Təbriz sakini türk olduğuna görə döyülüb

Sərhəd Qoşunları komandanı: Zəngilan, Qubadlı və Laçın rayonlarında işğaldan azad olunduqdan sonra Dövlət Sərhəd Xidməti 1 əlahiddə sərhəd diviziyası, 3 hərbi hissə, 11 sərhəd komendantlığı fəaliyyətə başlayıb.

Lənkəranda ər və arvad arasında başlayan mübahisə qanla bitib.

Axar.az APA-ya istinadən xəbər verir ki, 1973-cü il təvəllüdlü Sarvan Tahirov 1965-ci il təvəllüdlü həyat yoldaşı Rəsmiyyə Hüseynovanı bıçaqlayıb.

Məlumata görə, hadisə qısqanclıq zəminində baş verib.
Sarvan Tahirov şübhəli şəxs qismində saxlanılıb.

Faktla bağlı cinayət işi başlanılıb.

📢 Yol polisi küləkli hava ilə bağlı yol hərəkəti iştirakçılarına müraciət edib

Bu barədə İdarədən məlumat verilib.

Müraciətdə bildirilib ki, Milli Hidrometeorologiya Xidməti noyabrın 22-də Bakıda və Abşeron yarımadasında, eyni zananda bölgələrdə gözlənilən küləkli hava şəraiti ilə bağlı sarı xəbərdarlıq verib.

DİN-in Baş Dövlət Yol Polisi İdarəsi verilən xəbərdarlıqla əlaqədar yollarda yarana biləcək xoşagəlməz halların qarşısının alınması üçün hərəkət iştirakçılarına müraciət edərək onlardan yola çıxarkən ehtiyatlı olmağı, yol hərəkəti qaydalarına ciddi riayət etməyi xahiş edir.

Bakıda ara məsafəsini gözləməyən sürücülərin törətdiyi QƏZALAR

Dünya birjalarında neft yenidən bahalaşıb.

Axar.az xəbər verir ki, hazırda “Brent” markalı neftin bir barreli 74,23 dollara, yüngül neftin bir barreli isə 70,13 dollara satılır.

Sabunçunun bəzi ərazilərində təmir işləri ilə əlaqədar bu gün saat 12:30-dək işıq olmayacaq:

▪️Bakıxanov qəsəbəsində,
▪️İvan Anaşkin,
▪️İnqilab,
▪️Elşən Mehdiyev küçələri.

Bu ilin yanvar-oktyabr aylarında Azərbaycana ümumilikdə 1,4 milyard dollar dəyərində 74 723 ədəd avtomobil idxal olunub.

Axar.az xəbər verir ki, bu barədə İqtisadiyyat.az Dövlət Gömrük Komitəsindən məlumat əldə edib.

Məlumata görə, ötən ilin eyni dövrü ilə müqayisədə ölkəyə idxal olunan avtomobillərin sayı 6483 ədəd azdır.

Bu dövrdə avtomobil idxalına çəkilən xərc isə ötən ilin eyni ayları ilə müqayisədə 8% çoxdur.