⚡️ Tbilisidə dünən başlayan etiraz aksiyası bu gün səhər saatlarında polis müdaxiləsi ilə dağıdılıb.

❗️Bakının Xətai rayonunda yaşayış binasının 17-ci mərtəbəsində yanğın hadisəsi olub.

Yanğın Həsən Salmanov küçəsində yerləşən hündürmərtəbəli binanın mənzilində qeydə alınıb.

Dərhal hadisə yerinə Fövqəladə Hallar Nazirliyinin əməkdaşları cəlb olunublar.

Yanğın söndürülüb. Faktla bağlı araşdırma aparılır.

ABŞ-ın uzaqmənzilli raketləri ilkin mərhələdə Kursk bölgəsində Ukraynanın ələ keçirdiyi ərazilərdə birləşmiş Rusiya və Şimali Koreya qüvvələrinə qarşı istifadə ediləcək.

Axar.az xəbər verir ki, bu barədə "Nyu York Tayms" ABŞ rəsmilərinə istinadən məlumat yayıb.

Kurskda döyüşən briqada komandiri ATACMS-ın Ukraynaya hücumu dəstəkləyən logistika mərkəzlərinə, sursat anbarlarına, əsas avadanlıq və təchizat xətlərinə zərbə endirməkdə kömək edə biləcəyinə inandığını bildirib.

Qeyd edək ki, ABŞ, Fransa və Britaniyanın Ukraynaya təqdim etdikləri raketlərlə Rusiyanın dərinliklərinə zərbə endirilməsinə icazə verdiyi barədə məlumat yayılıb.

📅 Bu gün Rusiya-Ukrayna müharibəsinin başlanmasından 1000 gün keçir.

Rusiyanın iştirak etdiyi ən uzun sürən müharibələrin günləri:

◾ SSRİ - Finlandiya müharibəsi - 102 gün
◾ 1-ci Çeçen müharibəsi - 751 gün
◾ Leninqradın mühasirəsi - 872 gün
◾ Krım müharibəsi - 896 gün

◾ Rusiya - Ukrayna müharibəsi - 1000 gün

Aİ-95 markalı benzinin bir neçə aydır ki, Azərbaycanda istehsalına başlanıb, tənzimlənən qiymətlərlə 1,60 AZN-ə satılır.

Axar.az APA-ya istinadla xəbər verir ki, bunu Milli Məclisin Təbii ehtiyatlar, energetika və ekologiya komitəsinin bu gün keçirilən iclasında “Enerji resurslarından səmərəli istifadə və enerji effektivliyi haqqında” qanuna təklif edilən dəyişikliyin müzakirəsində Rauf Qurbanov deyib.

O bildirib ki, amma hələ Aİ-95 markalı benzinin qiyməti tənzimlənən qiymətlərlə satılan məhsullar sırasına daxil edilməyib:

“Yaxınlarda Nazirlər Kabineti tərəfindən Aİ-95-i bu siyahıya salacaqlar. Aİ-98 isə bizdə istehsal edilmir. Ona görə onun qiyməti tənzimlənmir”

İstanbul boğazında gəmilərin hərəkəti ikitərəfli dayandırılıb.

Axar.az xəbər verir ki, bu barədə Türkiyənin Nəqliyyat və İnfrastruktur Nazirliyindən bildirilib.

Qeyd olunub ki, buna səbəb əlverişsiz hava şəraiti, o cümlədən qatı dumandır.

Azərbaycan Tibb Universitetinin (ATU) Stomatologiya fakültəsinə yeni dekan təyin edilib.

Axar.az Unikal-a istinadla xəbər verir ki, bununla bağlı ATU-nun rektoru Gəray Gəraybəyli əmr imzalayıb.

Əmrə əsasən, Elmira Ramiz qızı Əliyeva ATU-nun Stomatologiya fakültəsinin dekanı vəzifəsinə təyinat alıb.

Qeyd edək ki, E.Əliyeva Prezidentin Müdafiə məsələləri üzrə sabiq köməkçisi general-leytenant Vahid Əliyevin həyat yoldaşıdır.