Ukraynada müharibədə daha bir azərbaycanəsilli həlak olub.
Şərqi Avropa bürosunun məlumatına görə, bu, Ukrayna vətəndaşı, əslən Azərbaycanın Kürdəmir rayonundan olan, 1998-ci il təvəllüdlü Eminov Teymur Asif oğludur.
O, ötən həftə Donetsk vilayətinin Revnopol kəndində gedən döyüşlərdə həlak olub.
(Report)

Kiyevə Amerika silahları ilə Rusiyanın dərinliklərinə zərbə endirmək icazəsi verilibsə, bu, gərginliyin keyfiyyətcə yeni mərhələsini və Vaşinqtonun Ukrayna münaqişəsində iştirak səviyyəsini göstərəcək.

Axar.az xəbər verir ki, bunu Kremlin mətbuat katibi Dmitri Peskov deyib.

“Bu raket sistemləri üçün uçuş missiyaları yalnız NATO ölkələrinin hərbi personalı tərəfindən həyata keçirilə bilər. Ukrayna hərbçiləri bunu edə bilməz. Ona görə də söhbət təkcə Ukraynaya Rusiyaya bu silahlarla zərbə endirməsinə icazə verib-verməməkdən getmir. Məsələ NATO ölkələrinin hərbi münaqişədə birbaşa iştirak edib-etməməsidir. Əgər bu qərar qəbul olunarsa, bu, NATO ölkələrinin Ukrayna müharibəsində birbaşa iştirakından başqa heç nə olmayacaq”, - Peskov bildirib.

Fuad Süleyman oğlu Əzizov Gürcüstanın Batumi şəhərində Azərbaycan Respublikasının baş konsulu təyin edilib

Prezidentin Sərəncamları ilə:

• Ayxan Süleymanlı Azərbaycanın Aktau şəhərindəki Baş konsulu təyin edilib.

• Vüqar İsrayıl oğlu Qurbanov Azərbaycanın Los-Anceles şəhərindəki Baş konsulu təyin edilib.

• Zamin Məmməd oğlu Əliyev Azərbaycanın Qars şəhərindəki Baş konsulu təyin edilib.

• Fuad Süleyman oğlu Əzizov Azərbaycanın Batumi şəhərindəki Baş konsulu təyin edilib.

Bu ilin yanvar-sentyabr aylarında Ədliyyə Nazirliyinin rayon (şəhər) qeydiyyat şöbələri tərəfindən 36651 nikah və 15964 boşanma halları qeydə alınıb.

Axar.az xəbər verir ki, bu barədə Dövlət Statistika Komitəsi məlumat yayıb.
Bildirilib ki, ötən ilin müvafiq dövrü ilə müqayisədə əhalinin hər 1000 nəfərinə nikahların sayı azalaraq 5,1-dən 4,8-ə düşmüş, boşanmaların sayı isə dəyişməyərək eyni səviyyədə (2,1) qalıb.

Aİ Rusiyaya etdiyi yardıma görə İranın ən böyük gəmi şirkəti olan İran İslam Respublikası Dəniz Gəmiçiliyi Qrupuna sanksiyalar tətbiq edib.

Aİ həmçinin İran silah və sursatlarının daşınmasına görə Rusiyanın üç gəmiçilik şirkətinə – “MG-Flot”, “VTS-Broker” və “Arapax”a qarşı sanksiyalar tətbiq edib.

Azərbaycanın dövlət büdcəsində 3,5 milyard manata yaxın profisit yaranıb.