☄️☄️Nərimanov rayonunda yerləşən mağazaların birindən müxtəlif markalı mobil telefon və noutbukların oğurlanması barədə polisə məlumat daxil olub.

🚓Bu barədə DİN məlumat yayıb.

Rayon Polis İdarəsinin 18-ci Polis Şöbəsinin əməkdaşlarının həyata keçirdikləri tədbirlərlə hadisəni törədən əvvəllər məhkum olunmuş şəxslər Mehman Mehdiyev, Kamran Hacıyev və Asim Məhərrəmov saxlanılıblar. Araşdırmalar zamanı onların Nərimanov rayonunda əlavə olaraq “Toyota Prius” markalı avtomobil qaçırdıqları da müəyyən edilib. Dəstə üzvləri həmin gecə paytaxt ərazisində eyni model başqa bir nəqliyyat vasitəsinin dövlət qeydiyyat nişanını da oğurlayaraq qaçırdıqları avtomobilin üzərinə bağlayıb idarə ediblər. Bundan başqa bu şəxslərin Gəncə, Şəmkir və Binəqədi rayonları ərazilərində də mağazalardan oğurluqlar etdikləri məlum olub.

❗️Sentyabrın 18-də gözlənilən hava şəraiti açıqlanıb.

Milli Hidormeteorologiya Xidmətindən Axar.az-a verilən xəbərə görə, sabah Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir.

Lakin səhər bəzi yerlərdə arabir yağış yağacağı, şimşək çaxacağı ehtimalı var. Şimal-qərb küləyi gündüz şimal-şərq küləyi ilə əvəz olunacaq.
Havanın temperaturu gecə 16-20° isti, gündüz 23-26° isti olacaq. Atmosfer təzyiqi normadan yüksək 760 mm civə sütunu olacaq. Nisbi rütubət gecə 65-75 %, gündüz 45-55 % olacaq.

Azərbaycanın rayonlarında bəzi yerlərdə arabir yağış yağacağı, şimşək çaxacağı gözlənilir. Ayrı-ayrı yerlərdə leysan xarakterli intensiv olacağı, dolu düşəcəyi, yüksək dağlıq ərazilərdə qar yağacağı ehtimalı var. Gündüz əksər rayonlarda yağıntılar tədricən kəsiləcək. Gecə və səhər bəzi dağlıq və dağətəyi rayonlarda duman olacaq. Mülayim şərq küləyi ayrı-ayrı yerlərdə arabir güclənəcək.
Havanın temperaturu gecə 14-19° isti, gündüz 23-28° isti, dağlarda gecə 5-9° isti, gündüz 11-16° isti olacaq.

⚡️Rusiya Ermənistana silah-sursat tədarükünü bərpa edib.

Mənbələrin verdiyi məlumata görə, Moskva İrəvana Smerç MLRS üçün çoxlu sayda raket göndərməyə başlayıb. Bu isə Ermənistanın revanşist və təcavüzkar planlarını gücləndirir.

Ermənistan Rusiyadan raket idxalını gizlətməyə çalışsa da, rəsmi Bakı bundan xəbərdardır və müvafiq nəticələr çıxarır.

(c) Caliber

🚫Moskva vilayətində miqrantlara küçədə şaurma satmaq qadağan olunacaq

APA-nın Rusiya bürosu xəbər verir ki, Moskva vilayətinin hökuməti qadağanın ticarətdə münaqişələrin və əcnəbi işçi qüvvəsi ilə bağlı şikayətləri azaltmağa kömək edəcəyi bildirib.