🇷🇺Putin ilk dəfə olaraq Ukrayna Silahlı Qüvvələrinin Kursk vilayətinə hücumunu şərh edərək, bunu “daha ​​genişmiqyaslı təxribat” adlandırıb və Ukraynanı mülki obyektləri “təsadüfən atəşə tutmaqda” ittiham edib.

Məsələ Rusiya hökumətinin iclasında müzakirə olunur. Putinin planında növbəti dəfə Təhlükəsizlik Şurasının iclası olacaq və burada bu mövzu təhlükəsizlik qüvvələri ilə də müzakirə olunacaq.

❗️Rusiya KİV iddia edir ki, Ukrayna Silahlı Qüvvələri Sudja qaz ölçmə stansiyasını nəzarətə götürüb.

Stansiya Rusiya qazının Avropaya nəqli üçün əsas sərhəd obyektidir.

❗️Paris-2024: Niderlandlı idmançı dünya rekordu qırıb

Niderlandlı Harri Lavreysen Fransanın paytaxtı Parisdə keçirilən Yay Olimpiya Oyunlarında trek velosipedinin sprint növü üzrə yarışda yeni dünya rekordu qırıb.

İdmançı buna təsnifat mərhələsində 9,088 saniyə nəticə göstərərək nail olub.

Avstraliyalı Metyu Riçardson (9,091 saniyə) ikinci, əslən rusiyalı olan İsrail təmsilçisi Mixail Yakovlev isə üçüncü (9,152 saniyə) yerlə kifayətlənib.

❗️Laçında itkin düşmüş hərbiçilərə görə iki nəfər həbs edilib

Bu barədə Hərbi prokurorun böyük köməkçisi – Hərbi Prokurorluğun mətbuat xidmətinin rəhbəri, baş ədliyyə müşaviri Firad Əliyev məlumat verib.

O bildirib ki, Azərbaycan ordusunun hərbi qulluqçuları, əsgərlər Məmmədov Fərid Əjdər oğlu və Abdullayev Firdovsi Mais oğlunun 3 mart 2022-ci il tarixdə Laçın rayonu ərazisində itkin düşmələri ilə əlaqədar Azərbaycan Respublikası Hərbi Prokurorluğunun İstintaq İdarəsində istintaqı aparılmış cinayət işi üzrə Babayev Təbriz Rasim oğluna Azərbaycan Respublikası Cinayət Məcəlləsinin 329.2.1-ci, 329.2.2-ci, 329.2.6-cı və 341.3-cü maddələri ilə, Həməşəyev Taleh Möhübbət oğluna isə Azərbaycan Respublikası Cinayət Məcəlləsinin 341.3-cü maddəsi ilə ittiham elan edilmiş və iş baxılması üçün Füzuli hərbi məhkəməsinə göndərilib:

"Füzuli hərbi məhkəməsinin 22.09.2023-cü il tarixli hökmü ilə Babayev Təbriz Rasim oğlu və Həməşəyev Taleh Möhübbət oğlu onlara elan olunmuş yuxarıda qeyd edilən maddələrdə nəzərdə tutulmuş cinayət əməllərini törətməkdə təqsirli bilinərək müxtəlif müddətlərdə azadlıqdan məhrumetmə cəzasına məhkum ediiblər"- deyə məlumatda qeyd edilib.