❗️Livandan İsrail ərazisinə azı 30 raket atılıb.

Onların bəziləri hava hücumundan müdafiə sistemləri tərəfindən zərərsizləşdirilib. Raket hücumu nəticəsində itki yoxdur.

❗️Paris-2024: Azərbaycan taekvondoçusu mübarizəyə başlayır, güləşçimiz bürünc medal uğrunda görüşə çıxacaq

Bu gün Azərbaycanın daha dörd təmsilçisi Fransanın paytaxtı Parisdə keçirilən Yay Olimpiya Oyunlarında mübarizə aparacaq.

Məlumata görə, ilk olaraq taekvondoçu Qaşım Maqomedov dayanq üzərinə çıxacaq.

58 kq çəki dərəcəsində yer alan idmançı 1/8 final mərhələsində irlandiyalı Cek Uolleyin müqavimətini qırmağa çalışacaq. Qarşılaşma Bakı vaxtı ilə saat 11:46-da start götürəcək.

Yunan-Roma güləşçilərindən Həsrət Cəfərov (67 kq) və Rafiq Hüseynov (87 kq) yarışa qoşulacaq. Görüşlər saat 13:00-da başlayacaq. Onlar 1/8 final mərhələsində müvafiq olaraq Mohamed Eısayed (Misir) və David Losonçi (Macarıstan) ilə üz-üzə gələcək.

Ölkəmizi yunan-Roma güləşində təmsil edən digər idmançımız Sənan Süleymanov isə bürünc medal uğrunda görüşdə qüvvəsini sınayacaq. 77 kq çəki dərəcəsində yer alan Sənanın rəqibinin adına təsəlliverici görüşlərdən sonra aydınlıq gələcək. Süleymanovun bürünc medal uğrundakı qarşılaşması Bakı vaxtı ilə saat 20:15-də start götürəcək.

❗️ABŞ İranla əlaqəli Pakistan vətəndaşını Trampa qarşı sui qəsddə ittiham edir

İran hökuməti ilə əlaqəsi olan Asif Tacir kimi tanınan Pakistan vətəndaşı Donald Trampa qarşı sui-qəsdə planı ilə bağlı ittiham edilib.

ABŞ Ədliyyə Departamenti bildirib ki, 46 yaşlı müttəhim ABŞ ərazisində siyasətçi və ya ABŞ hökumət rəsmilərini qətlə yetirmək üçün qatilləri kiralamaq üçün Nyu-Yorka gedib.

Hüquq-mühafizə orqanları hər hansı bir hücum həyata keçirilməzdən əvvəl sui-qəsdin qarşısını alıb. Tacir hazırda Nyu Yorkda federal həbsdədir.