‼️Azərbaycanda bütün siqaretlər bahalaşdı

Bütün növ siqaretlərin qiymətində 0,20-0,50 manat artım qeydə alınıb.

🇹🇷🇮🇷 İran prezidenti İbrahim Rəisi sabah Türkiyəyə səfər edəcək.

O Ərdoğanla görüşərək bir sıra məsələləri, iki ölkə arasındakı əlaqələri və o cümlədən Qəzzada baş verən hadisələri də müzakirə edəcəklər.

İDDİA❗️Azərbaycanda 40 yaşlı kişiyə ərə verilən 17 yaşlı qız toyda başqasına qoşulub qaçdı

Azərbaycanda 17 yaşlı qızın həyatı təhlükə altındadır. 
Bu barədə sosial şəbəkələrdə məlumat paylaşılıb. 
İddia edilib ki, Göygöl rayonunda 2007-ci il təvəllüdlü qız 40 yaşlı kişiyə ərə verilib. 
Bir müddət sonra isə qız əri ilə getdiyi toyda başqa kişiyə qoşulub qaçıb. 

Həmin şəxs isə bir müddət sonra qızdan imtina edib.
Atası xaricdə olan qızı 11-ci sinif şagirdi olan qardaşının öldürməsi təhlükəsi olduğu iddia edilir. 
Ailə, Qadın və Uşaq Problemləri üzrə Dövlət Komitəsinin mətbuat katibi Teymur Mərdanoğlu bildirib ki, faktla bağlı araşdırma aparılır. 

Xəzər dənizində zəlzələ olub

Zəlzələlərin tədqiqatı bürosunun məlumatına əsasən, Qusar stansiyasından 63 km şimal-şərqdə, Xəzər dənizində zəlzələ baş verib. Yeraltı təkanların 3,3 maqnituda gücündə olduğu bildirilir.

Bakı vaxtı ilə saat 23:03-də qeydə alınan zəlzələnin dərinliyi 11 km olub.

#YENİLƏNİB

Daxili İşlər Nazirliyi 17 yaşlı qızın həyatı təhlükəsi ilə bağlı yayılan xəbərlərə münasibət bildirib. 

Nazirliyin mətbuat xidmətinin Gəncə regional qrupundan bildirilib ki, Gəncə şəhər Baş Polis İdarəsinin 3-cü Polis Bölməsinin əməkdaşlarının keçirdikləri axtarış tədbirləri nəticəsində həmin şəxsin yeri müəyyən edilərək ailəsinə təhvil verilib:

“Onu da qeyd edək ki, xanım 2006-cı il təvəllüdlüdür və ailə qurarkən 17 yaşı olub. Həyatı təhlükəsi yoxdur”.

Prezidentin xüsusi tapşırıqlar üzrə nümayəndəsi:

Bakı yaxın vaxtlarda Azərbaycan və Ermənistan rəsmiləri arasında sülh sazişi layihəsi üzrə danışıqların növbəti mərhələsinin keçiriləcəyinə ümid edir.

🇯🇵 Yaponiyada baş vermiş güclü zəlzələdə ölənlərin sayı 62 nəfərə çatıb.

Fransada azərbaycanlı şairə Natəvanın abidəsini sökməyə hazırlaşırlar

Hələ 2015-ci ildə Azərbaycanın İsmayıllı şəhəri ilə əməkdaşlıq xartiyası imzalayan Fransanın Evian-le-Ben şəhərinin meriyası azərbaycanlı şairə Natəvanın abidəsini sökməyə hazırlaşır.

Bu barədə sosial şəbəkələrdə məlumat yayılıb.

Heykəl artıq parça ilə örtülüb.

Qeyd edək ki, abidənin stendlərinin yerləşdiyi “Azərbaycan parkı” adını bildirən bütün lövhələr sökülüb.

🇹🇷Türkiyədə ödənişli (bədəlli) əsgərlik haqqı 182608 TL (10433 AZN) oldu.

🏔️ Bayram günlərində Şahdağa böyük axın olub. Hətta yolda tıxac yaranıb.