FHN-dən əməliyyat çəkilişi - Xətaidə yanğın

Yasamal rayonunda Abbas Mirzə Şərifzadə küçəsində sexdə yanğın baş verib.

🇦🇿Laçında bayram yallısı

Bakıda bayram günü qətl törədilib, tutulan var.

Bu barədə Axar.az-a Binəqədi Rayon Prokurorluğundan məlumat verilib.
Bildirilib ki, dekabrın 31-də paytaxtın Binəqədi rayonu, Biləcəri qəsəbəsi ərazisində yerləşən iaşə obyektlərindən birində 1968-ci il təvəllüdlü Namiq Orucov və 1981-ci il təvəllüdlü Ramil Səfərovun ölmələri barədə rayon prokurorluğuna məlumat daxil olub.
Araşdırmalarla 2001-ci il təvəllüdlü Arif Bəhərçiyevin qeyd olunan ünvanda aralarında yaranmış mübahisə zamanı Namiq Orucov və Ramil Səfərova bıçaqla çoxsaylı xəsarətlər yetirərək qəsdən öldürməsinə əsaslı şübhələr müəyyən edilib.

Faktla bağlı rayon prokurorluğunda Cinayət Məcəlləsinin 120.2.7-ci (iki şəxsi qəsdən öldürmə) maddəsilə cinayət işi başlanıb, Arif Bəhərçiyev iş üzrə şübhəli şəxs qismində tutulub.

Hazırda ibtidai istintaq davam edir.

Ağdaşda 3,4 maqnitudalı zəlzələ olub.

🇹🇷 İstanbulda səhər saatlarından "Şəhidlərimizə rəhmət, Fələstinə dəstək" yürüşü keçirilib.

Tərtərdə 14 yaşlı yeniyetmə qətl törətməkdə şübhəli bilinərək saxlanılıb

Yanvarın 1-də Tərtər şəhəri, Nizami küçəsində yerləşən fərdi yaşayış evlərindən birinin qarşısında 2006-cı il təvəllüdlü Canpolad Tağıyevin öldürülməsi barədə rayon prokurorluğuna məlumat daxil olub.

Aparılan araşdırma zamanı 2009-cu il təvəllüdlü Fuad Quluzadənin aralarında yaranmış mübahisə zamanı Canpolad Tağıyevə kəsici-deşici alətlə bir neçə dəfə xəsarət yetirərək qəsdən öldürməsinə əsaslı şübhələr müəyyən edilib.

🎆 “Bürc-Xəlifə”dən heyrətamiz mənzərə

🇯🇵4 dəqiqə fasiləylə Yaponiyada iki güclü zəlzələ baş verib.

Əvvəlvə 5,7, ardınca isə 7,4 maqnitudalı yeraltı təkanlar ölkənin iki bölgəsində güclü dağıntılara səbəb olub.

“Kanal 13” internet televiziyasının aparıcısı Rüfət Muradlı yanvarın 1-də həbsdən azad edilib.

Axar.az Modern.az-a istinadən xəbər verir ki, R.Muradlının 30 sutkalıq inzibati qaydada həbs müddəti başa çatdığından o sərbəst buraxılıb.

Xatırladaq ki, R.Muradlı İnzibati Xətalar Məcəlləsinin 510-cu (xırda xuliqanlıq) və 535.1-ci (polisin qanuni tələbinə tabe olmama) maddəsi ilə məsuliyyətə cəlb edilmişdi.
Xətai Raon Məhkəməsinin 2 dekabr 2023-cü il tarixli qərarı ilə R.Muradlı 30 sutka inzibati qaydada həbs edilmişdi.

Yaponiyanın qərbində baş verən 7,5 bal gücündə zəlzələ sunami xəbərdarlığına səbəb olub.

❗️Yaponiyada sunami təhlükəsi hələ də davam edir.

🚇 Dünən metroda sərnişinlər arasında gərgin anlar yaşanıb.

Xanım sərnişinlərdən birinin oğlanların xoşagəlməz davranışı ilə üzləşdiyi, davanın da bu səbəbdən baş verdiyi deyilir.

🚗 Bu gündən etibarən istehsal tarixi 2013-cü ildən köhnə olan avtomobillərin Azərbaycana gətirilməsi qadağandır.

Salyan Rayon İcra Hakimiyyətinin sabiq başçısı Vəlihə Abdullayeva vəfat edib.

Axar.az İqtisadiyyat.az-a istinadən xəbər verir ki, o, Bakı şəhərində 75 yaşında dünyasını dəyişib.

Qeyd edək ki, Vəlihə Böyükağa qızı Abdullayeva 1949-cu ilin yanvarın 1-də dünyaya gəlib. O, 1971-ci ildə Azərbaycan Xalq Təsərrüfatı İnstitutunu, 1987-ci ildə isə Bakı Ali Partiya Məktəbini bitirib. 1971-ci ildən Salyan Rayon Maliyyə şöbəsində, Salyan Rayon Xalq Deputatları Sovetinin İcraiyyə Komitəsində, Salyan Rayon İcra Hakimiyyəti aparatında müxtəlif vəzifələrdə çalışıb.

1997-ci ildən Salyan Rayon İcra Hakimiyyəti başçısının səlahiyyətlərini yerinə yetirib, 1998-2001-ci illərdə Salyan Rayon İcra Hakimiyyətinin başçısı vəzifəsində çalışıb.