İstanbulda sel nəticəsində həlak olanların sayı 7-ə çatıb

🇹🇷 Bağçalı: Türk dünyasının birliyini dosta-düşmənə göstərəcəyik

🤝 MHP sədri Dövlət Bağçalı türk dövlətləri və xalqları arasında dialoq və əməkdaşlığın gücləndirilməsinin müstəqillik və suverenliyə töhfə verəcəyini bildirib.

🌍 O, Türk Dövlətləri Təşkilatının oktyabrın 29-30-da Türkiyədə keçiriləcək 13-cü Zirvə Görüşünü mühüm hadisə adlandırıb.

Səngəçalda piyada zolağının üstündə iki maşın toqquşub

🇦🇿 Heydər Əliyev Fondunun vitse-prezidenti Leyla Əliyeva Türkmənistan səfərindən paylaşım edib.

İkinci Qarabağ müharibəsindən sonra 441 nəfər minaya düşüb, onlardan 73-ü həlak olub.

Mina qurbanlarının 58 nəfəri mülki şəxslərdir, onların arasında qadınlar və uşaqlar da var.

Ukraynanın paytaxtı Kiyevə dron hücumları zamanı daha bir Azərbaycan vətəndaşı yaralanıb

Həmin şəxs 1994-cü il təvəllüdlü Hüseynov Şəhriyar Nazim oğludur.

O, oktyabrın 20-də Kiyevin Çaban ərazisinə Rusiya ordusunun dron hücumları zamanı yaralanıb.

Hazırda vəziyyətinin stabil olduğu bildirilir.

Ermənistan sərhədini keçən Nəsimi Musayev belə saxlanılıb

Naxçıvanda sabiq hərbi komissar və mayorun cinayət işi üzrə hökm oxunub.

Səfərbərlik və Hərbi Xidmətə Çağırış üzrə Dövlət Xidmətinin Naxçıvan Muxtar Respublikası üzrə Baş idarəsinin Kəngərli rayon şöbəsinin sabiq rəisi, polkovnik-leytenant Məftun Xəlilov və mayor Habil Niftəliyevin cinayət işi üzrə məhkəmə prosesi başa çatıb.

Naxçıvan Muxtar Respublikasının Hərbi Məhkəməsində hakim Səxavət Hüseynovun sədrliyi ilə keçirilən prosesdə hökm oxunub.

Hökmə əsasən, Məftun Xəlilov 8 il, Habil Niftəliyev isə 8 il 2 ay müddətinə azadlıqdan məhrum edilib.

Hər iki şəxs məhkəmə zalında həbs olunub.

❗️Bəzi yerlərdə leysan yağacaq, dolu düşəcək - Xəbərdarlıq

Oktyabrın 21-i əsasən dağlıq və dağətəyi rayonlarda, 22-23-də isə bəzi yerlərdə fasilələrlə yağış yağacağı gözlənilir.

Ayrı-ayrı ərazilərdə qısamüddətli leysan xarakterli intensiv olacağı, şimşək çaxacağı, dolu düşəcəyi, yüksək dağlıq ərazilərdə qara keçəcəyi, 22-də bəzi yerlərdə yağıntıların güclənəcəyi ehtimalı var.

Yağıntılarla əlaqədar çaylarda sululuğun artacağı, Böyük Qafqazın və Naxçıvan MR-nın bəzi çaylarından qısamüddətli daşqın və sel keçəcəyi ehtimal olunur.

🇦🇿🇸🇪 İsveç səfiri Hikmət Hacıyevlə görüşüb

İsveçin Azərbaycandakı səfiri Luis Morsinq Prezidentin köməkçisi, Prezident Administrasiyasının Xarici siyasət məsələləri şöbəsinin müdiri Hikmət Hacıyevlə görüşüb.

Rubio Zelenski ilə 45 dəqiqəlik telefon danışığı zamanı bildirib ki, Vaşinqtonun Kiyevlə kəşfiyyat məlumatlarının mübadiləsi məsələsində siyasəti dəyişməyib

Bu barədə Rubionu Hindistana səfəri zamanı müşayiət edən "CBS News" jurnalisti Cennifer Ceykobs "X" sosial şəbəkəsində bildirib.

"Prezident Donald Tramp açıq şəkildə bildirdi ki, bu cür dəyişikliklərlə bağlı heç bir göstəriş verməyib, buna görə də heç nə dəyişməyib. Mən dəyişikliklərin baş verdiyi barədə məlumatları görürəm, lakin onlar sadəcə olaraq həqiqətə uyğun deyil", - Ceykobs dövlət katibinin sözlərini sitat gətirir.

Prezident İlham Əliyev Gəncə Memorial Kompleksinin fəaliyyəti ilə bağlı əlavə tədbirlər haqqında Sərəncam imzalayıb.

Sərəncamda deyilir:

"Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq, Gəncə Memorial Kompleksinin fəaliyyətinin təmin edilməsi məqsədilə qərara alıram:

1. Azərbaycan Respublikası Mədəniyyət Nazirliyinin tabeliyində Gəncə Memorial Kompleksi yaradılsın.

2. Azərbaycan Respublikasının Nazirlər Kabineti:

2.1. Gəncə Memorial Kompleksinin fəaliyyətinin təmin edilməsi ilə bağlı tələb olunan zəruri xərclərin maliyyələşdirilməsinin Azərbaycan Respublikasının dövlət büdcəsində Azərbaycan Respublikasının Mədəniyyət Nazirliyi üçün nəzərdə tutulmuş vəsait hesabına həyata keçirilməsini təmin etsin;

2.2. bu Sərəncamdan irəli gələn digər məsələləri həll etsin.

3. Bu Sərəncam imzalandığı gündən qüvvəyə minir".

Azad edilmiş ərazilərdə Qarabağ Milli Parkı yaradılır:

· Ağdərə rayonu — 44,77 min hektar
· Xocalı rayonu — 24,60 min hektar
· Kəlbəcər rayonu — 13,51 min hektar
· Şuşa rayonu — 5,31 min hektar
· Laçın rayonu — 0,22 min hektar
· Ümumi ərazi — 88,42 min hektar