Fatih Tekke ilə yollarını ayıran "Trabzonspor"un yeni baş məşqçisinin adına aydınlıq gəlib.

Komanda bu posta Tomas Raysın gətirildiyini açıqlayıb.

Bu barədə klubun mətbuat xidməti məlumat yayıb.
52 yaşlı mütəxəssislə imzalanan müqavilənin detalları açıqlanmayıb.
Qeyd edək ki, Tomas Rays daha əvvəl Türkiyədə “Samsunspor”a rəhbərlik edib.
O, son olaraq Bolqarıstanın “Ludoqorets” klubunda çalışıb.

İlham Əliyev: Qədim tariximizi nəzərə almasaq, Türk Dövlətləri Təşkilatına üzv ölkələrin böyük hissəsinin dövlətçiliyinin yaşı cəmi 35 il olan ölkələrdir.

● Əlbəttə, ölkələrimizin ərazisində qədim dövlətlər mövcud olub, xalqlarımız zəngin dövlətçilik tarixinə malikdirlər və biz haqlı olaraq bununla fəxr edirik.

● Lakin son dövrə gəldikdə, 1991-ci il Azərbaycanın dövlətçiliyini bərpa etdiyi ildir. Təbii ki, bu da nəzərə almalı olduğumuz amildir. Azərbaycan, Qazaxıstan, Qırğızıstan və Özbəkistanın yenidən müstəqillik əldə etməsindən o qədər də uzun müddət keçməyib, lakin bu dövr həm mürəkkəb, həm də şərəfli olub. Hər bir ölkənin öz çətinlikləri olub, Azərbaycanın da öz çətinlikləri olub, lakin hamımız ən mürəkkəb sınaqlardan şərəflə çıxmışıq.

● Bu gün isə mahiyyət etibarilə problemlərin böyük hissəsini, – problemlər deyərkən qarşımızda duran qlobal problemləri nəzərdə tuturam, – arxada qoymuşuq.

● Qarşıda isə birgə iş, qarşılıqlı fəaliyyətin möhkəmləndirilməsi, ölkələrimiz və xalqlarımız arasında daha sıx əlaqələrin qurulması, Türk Dövlətləri Təşkilatının beynəlxalq arenadakı rolunun gücləndirilməsi dayanır.

● Biz TDT-ni birgə səylərimizlə aparıcı beynəlxalq institutlardan, aparıcı beynəlxalq təşkilatlardan birinə çevirməyə çalışmalıyıq. Əlbəttə, qeyd etdiyim tezislər belə bunun üçün bütün imkanların mövcud olduğunu göstərir.

Türkiyə Prezidenti Rəcəb Tayyib Ərdoğanın prezidentliyə sonuncu dəfə namizəd ola biləcəyi açıqlanıb.

Türkiyə Prezident Administrasiyası Hüquq Şurasının rəhbəri Mehmet Uçum bildirib ki, növbəti prezident seçkiləri normalda 2028-ci il mayın 7-də keçirilməlidir.

Onun sözlərinə görə, qanunvericiliyə dəyişiklik edilərsə, seçkilərin 16 aprelə keçirilməsi də mümkündür.

Prezident İlham Əliyev və birinci xanım Mehriban Əliyeva sentyabrın 17-də Şamaxı rayonuna səfər ediblər.
Dövlətimizin başçısı və birinci xanım xalqımızın Ümummilli Lideri Heydər Əliyevin Şamaxı şəhərinin mərkəzində ucaldılmış abidəsini ziyarət ediblər.

Şamaxıda istifadəyə verilən “Nəsimi Bağları” kompleksi:

● Kompleksdə 20 kottec, qeydiyyat binası və çimərlik hovuzundan ibarət şəhərcik salınıb.

● Kompleksdə, eyni zamanda, məscid də fəaliyyət göstərir.

● Burada Azərbaycanın görkəmli şairi İmadəddin Nəsiminin müasir üslubda hazırlanmış abidəsi (instalyasiyası) də var.

● Hündürlüyü 21 metr olan abidə (instalyasiya) nəhəngliyi ilə diqqət çəkir və Şamaxının bir çox yerindən görünür.

● Buradakı evlər tam yaşayış şəraiti ilə təmin edilib və turistlərin ilboyu qalması üçün nəzərdə tutulub.

Lerikdə zəlzələ olub

Yardımlı stansiyasından 23km cənub-şərqdə Lerik rayonunda 3.1 maqnitudalı zəlzələ qeydə alınıb.

Bu barədə AMEA nəzdində Respublika Seysmoloji Xidmət Mərkəzinin Zəlzələlərin tədqiqatı bürosu məlumat yayıb.

Bildirilib ki, yeraltı təkanın maqnitudası 3.1, dərinliyi isə 19 km olub.

Rus mediasında azərbaycanlı müğənni Coni (Cahid Hüseynli) ilə bağlı yeni iddia yayılıb.

Sənətçinin yeni adını Massimo Torricelli olaraq dəyişdirdiyini əks etdirən pasportunun şəkli yayılıb.