⭕️FHN: İyunun 21-də Bakı şəhəri, Sabunçu rayonu, Bilgəh qəsəbəsində dənizdə nəzarətsiz ərazidə batan - 2005-ci il təvəllüdlü Adnayev Vüqar Şahin oğlunun meyiti batdığı yerdən təxminən 8 km məsafədə Fövqəladə Hallar Nazirliyinin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-xilasediciləri tərəfindən suda tapılıb çıxarılaraq aidiyyəti üzrə təhvil verilib.

Yaponiyanın şimal-şərqində 7,2 bal gücündə zəlzələ qeydə alınıb.

Bu barədə AP agentliyi Yaponiya Meteorologiya Agentliyinə istinadən məlumat yayıb.

Japan Times nəşrinin məlumatına görə, zəlzələ nəticəsində azı 6 nəfər xəsarət alıb. Hazırda bölgədə vəziyyət qiymətləndirilir və mümkün dağıntılar araşdırılır.

Futbol üzrə dünya çempionatında qrup mərhələsinin həlledici - üçüncü turun oyunları davam etməkdədir.

Qrup mərhələsinin sonuncu turu azarkeşlərə bir-birindən maraqlı qarşılaşmalar vəd edir.

Dünya çempionatı
III tur
E qrupu
26 iyun
00:00. Kürasao - Kot-d'İvuar
00:00. Ekvador - Almaniya.
F qrupu
26 iyun
03:00. Yaponiya - İsveç
03:00. Tunis - Niderland.
D qrupu
26 iyun
06:00. Türkiyə - ABŞ
06:00. Paraqvay - Avstraliya.
Qeyd edək ki, mundiala iyulun 19-da yekun vurulacaq.

Aşura günündə indiyədək 501 nəfər qan verib, 225,45 litr qan toplanıb. (SN)

Milli Məclisdə yeni “Balıqçılıq haqqında” qanun layihəsi müzakirəyə çıxarılıb

● Yeni sənəd ölkədə balıq və digər su bioresurslarının ovunun, akvakulturanın təşkilinin, bu resursların artırılması, istifadəsi və mühafizəsinin hüquqi əsaslarını müəyyən edir.

● Qanun layihəsində Xəzər dənizinin Azərbaycan bölməsində, sərhəd su obyektlərində və Ələt azad iqtisadi zonasında balıqçılıq fəaliyyətinin tənzimlənməsi qaydaları, həmçinin qayda pozuntularına görə məsuliyyət tədbirləri əks olunub.

● Yeni qanun qüvvəyə mindiyi gündən "Balıqçılıq haqqında" 27 mart 1998-ci il tarixli köhnə qanun ləğv ediləcək.

Rusiya rəhbərliyi Krıma və əks istiqamətdə hərəkət edən qatarların sayını azaltmaq qərarı verib.

Pakistanın Baş naziri Şahbaz Şərif və İran prezidentinin ağacəkmə mərasimindəki davranışları diqqət çəkib.

Dünyanın əksər liderləri belə tədbirlərdə simvolik olaraq bir qədər torpaq tökərək prosesi tamamlasalar da, İran prezidenti əkdiyi ağacın işini sona qədər özü davam etdirib. Şahbaz Şərif bir neçə dəfə ona kifayət etdiyini bildirməyə çalışsa da, İran prezidenti işi tam başa çatdırmaqda israr edib.

Cənubi Koreya Hərbi Hava Qüvvələrinin Raketdən Müdafiə Komandanlığı kiçik dronların kütləvi hücumunu dəf etmək üçün ilk döyüş atışlı təlimini keçirib.

Qardaş ölkədə Heydər Əliyev Bulvarı - Video