UEFA Çempionlar Liqasının finalında PSG-nin “Arsenal”ı penaltilər seriyasında məğlub etməsindən sonra Fransanın müxtəlif şəhərlərində kütləvi iğtişaşlar baş verib.

“Sky News”-un məlumatına görə, hadisələr zamanı yüzlərlə şəxs polis tərəfindən saxlanılıb.

❗️“The Telegraph”: Rumıniyada yaşayış binasına düşən Rusiya dronu NATO ərazisinin təhlükəsizliyi ilə bağlı sualları artırıb.

Nəşrin analitikləri bildirirlər ki, Qalats şəhərində 10 mərtəbəli binaya çırpılan və iki nəfərin yaralanmasına səbəb olan “Geran-2” dronu Rusiyanın bu cür insidentlərin nəticələrinə ciddi əhəmiyyət vermədiyini göstərir.

Ekspertlər hesab edirlər ki, NATO-nun zəif reaksiyası Moskvanı oxşar addımları təkrarlamağa təşviq edə bilər.

⚡️İyunun 2-də Bakıda ilk ABŞ–Azərbaycan İqtisadi Dialoqu keçiriləcək

● Tədbirin məqsədi regional bağlantılar, ticarət, sənaye, tranzit, enerji təhlükəsizliyi, investisiya, süni intellekt və rəqəmsal infrastruktur sahələrində əməkdaşlığın genişləndirilməsidir.

● Dialoq çərçivəsində ABŞ və Azərbaycan biznes icmalarının iştirakı ilə xüsusi sessiya təşkil olunacaq.

● Sessiya zamanı bir sıra əməkdaşlıq sənədlərinin və kommersiya müqavilələrinin imzalanması nəzərdə tutulur.

NBC News: “🇮🇷 İran 🇺🇸 ABŞ qırıcısını 🇨🇳 Çin istehsalı raketlə vurmuş ola bilər” 🚀

NBC News telekanall xəbər verib ki, ABŞ-nin ötən ay İranın cənub-qərbində qəzaya uğrayan F-15 qırıcı təyyarəsinin Çin istehsalı olan daşınan zenit-raket kompleksi ilə vurulmuş olması ehtimal edilir.

Məsələ ilə tanış olan üç mənbəyə istinad edən telekanal bildirib ki, hadisə nəticəsində ABŞ hərbçiləri pilotların xilas edilməsi üçün riskli əməliyyat həyata keçirməli olublar.

Hesabatda həmçinin iddia olunur ki, Çin İrana uzun mənzilli erkən xəbərdarlıq radarları təqdim etmiş ola bilər. Bildirilir ki, bu tip radar sistemləri radardan yayınmaq üçün nəzərdə tutulmuş bəzi hərbi təyyarələrin aşkarlanması imkanına malikdir.

⚡️Tramp İranla bağlı daha sərt şərtlər tələb edir

CNN-in məlumatına görə, ABŞ Prezidenti Donald Tramp İranla mümkün razılaşma çərçivəsində daha sərt tələblər irəli sürür.

Məlumata əsasən, Tramp İranın nüvə proqramı ilə bağlı öhdəliklərinə və Hörmüz boğazının yenidən açılmasına dair zəmanətlərin daha ciddi şəkildə tənzimlənməsində israr edir.

Tramp həmçinin razılaşma nəticəsində İranın əldə edə biləcəyi maliyyə gəlirlərinin həcmi ilə bağlı narahatlığını ifadə edib.

ABŞ prezidenti hesab edir ki, mümkün saziş Tehrana həddindən artıq iqtisadi üstünlüklər verməməlidir.