"Azeri Light" markalı Azərbaycan neftinin 1 barelinin qiyməti 1,82ABŞ dolları və ya 1,62 % artaraq 114,14ABŞ dolları təşkil edib.

⚡️Paşinyan Zelenskinin İrəvana səfəri ilə bağlı Moskvanın tənqidlərinə cavab verib.

“Bir də deyirlər ki, Ukrayna prezidenti niyə Ermənistana gəlib. Bağışlayın, niyə gəlməməli idi ki? Ermənistanın Azərbaycanla münaqişəsi zamanı Rusiya prezidenti Azərbaycana səfər etmirdimi? Biz nə vaxtsa bu sualı vermişdik? Burada problem nədir?”, — deyə Paşinyan bildirib.

❗️Paşinyan bir daha əmin edib ki, Ermənistan heç vaxt Rusiyaya qarşı yönəlmiş addımlara qoşulmayacaq.

Azərbaycan Milli Aviasiya Akademiyasının Elmi informasiya və patent şöbəsinin müdiri Fuad Mirzəyev dünyasını dəyişib.

Onun ölümünün səbəbi barəsində məlumat verilməyib.

🗼🟢 Eyfel qülləsinin pilləkəninin bir hissəsi hərracda satılıb

Eyfel qülləsinin 1889-cu ilə aid orijinal pilləkəninin bir hissəsi Artcurial Paris hərracında 450 min avrodan çox məbləğə satılıb. Hündürlüyü 2.7 metr, çəkisi 1.4 ton olan fraqmentin qiyməti ilkin dəyərləndirməni üç dəfə üstələyib.

Satılan hissə qüllənin ikinci mərtəbəsindən zirvəyə aparan qədim spiral pilləkənə məxsus olub. Pilləkən 1983-cü ildə yenidənqurma zamanı sökülərək 24 hissəyə bölünüb və onların əksəriyyəti hərraclarda satılıb.

Gözəllik kraliçası Kannda hücuma məruz qaldı

Kann Film Festivalı çərçivəsində venesuelalı model Andrea del Val hotel otağında hücuma məruz qaldığını açıqlayıb. Onun sözlərinə görə, insident stilist Civanni Laquna ilə mübahisə zamanı baş verib.

Model bildirib ki, qarşıdurma zamanı stilist ona qayçı ilə üz nahiyəsindən xəsarət yetirib. Del Val daha sonra qan içində olan üzünün və dağıdılmış otağın görüntülərini paylaşaraq “Civanni Laquna mənə bunu etdi” yazıb.

Hadisədən sonra hotel əməkdaşları polisə məlumat verib, stilistin nəzarətə alındığı bildirilir. 29 yaşlı model xəstəxanaya yerləşdirilib, vəziyyətinin stabil olduğu və həyati təhlükəsinin olmadığı açıqlanıb. Hadisənin səbəbi hələlik məlum deyil, araşdırma aparılır.

Ermənistan Baş naziri Nikol Paşinyan hökumət iclasında çıxış edərkən zalda işıqlar tamamilə sönüb

⚡️ADY: Bakı-Tbilisi-Bakı marşrutu üzrə qısa müddətdə 1000-dən çox bilet satılıb.

● Ümumilikdə Bakıdan 400, Tbilisidən isə 500-dən artıq bilet satışı qeydə alınıb.

● Hazırda bilet alışına yüksək tələbat nəzərə alınaraq Bakıdan yola düşəcək ilk qatara 1 vaqon da əlavə edilib.

⚡️Bu gün saat 15:00-da WUF13-ün bağlanış mərasimi keçiriləcək.

İştirakçıların NMM-dən tədbir məkanına daşınması saat 13:00-dək təmin ediləcək.

Sabahdan etibarən WUF13 ilə əlaqədar dəyişiklik tətbiq edilən marşrutların fəaliyyəti bərpa ediləcək.

🚘 🚫 DİN:

Girişlərin, pandusların və xüsusi keçid zolaqlarının qarşısında avtomobil saxlamaq ehtiyacı olan insanların hərəkət imkanlarını məhdudlaşdırır.

Sənin rahatlığın başqası üçün maneəyə çevrilməsin.

⚠️ Yol kəsmə!

❗️Əli Əsədov Aşqabadda Sərdar Berdiməhəmmədov ilə görüşüb.

“Aston Villa”nın qapıçısı Emiliano Martines Avropa Liqasının finalındakı nümunəvi hərəkəti ilə diqqət mərkəzinə düşüb.

Argentinalı qolkiper komandanın yeni transferi Alissonun medal almadığını görərək ona dəstək olub.

Bildirilir ki, braziliyalı vinger yanvarda “Qremio”dan transfer olunduğu və turnirdə çıxış etmədiyi üçün rəsmi medal mərasimində mükafat ala bilməyib. Bunu görən Martines dərhal qaliblərin medalından birini götürərək onu 20 yaşlı futbolçuya təqdim edib.
Bu hadisə komanda kuboku qaldırmazdan az əvvəl baş verib.
Qeyd edək ki, “Aston Villa” İstanbulda keçirilən finalda “Frayburq”u 3:0 hesabı ilə məğlub edib.

Güləş üzrə dünya çempionatı təxirə salındı

Güləş üzrə 2026-cı il dünya çempionatı Bəhreyndə əvvəlcədən planlaşdırılan tarixdə keçirilməyəcək.

Dünya Güləş Birliyi (UWW) Bəhreyn Olimpiya Komitəsi və Bəhreyn Güləş Federasiyası ilə birgə yarışın təxirə salındığını açıqlayıb. Turnir 24 oktyabr - 1 noyabr tarixlərində Bəhreyndə təşkil olunmalı idi.

Qərara regiondakı geosiyasi vəziyyət, Körfəz bölgəsi ətrafında davam edən qeyri-müəyyənlik, regional sabitlik və beynəlxalq səfərlərlə bağlı risklər səbəb olub. UWW bildirib ki, idmançıların, rəsmi şəxslərin, nümayəndə heyətlərinin, tərəfdaşların və azarkeşlərin təhlükəsizliyi əsas prioritetdir.
Açıqlamada qeyd olunur ki, qərarın hazırlığın son mərhələsində yox, əvvəlcədən verilməsi daha məsuliyyətli addımdır. Bu, 2026-cı il üçün mümkün yeni ev sahibi ölkənin müəyyənləşdirilməsinə və yarışın peşəkar şəkildə hazırlanmasına imkan yaradacaq.
UWW əlavə edib ki, gələcək tarixlər və ev sahibliyi ilə bağlı yeniliklər daha sonra açıqlanacaq.