Ağcabədidə piyadanın ölümü ilə nəticələnən yol-nəqliyyat hadisəsi baş verib.

Hadisə Hindarx qəsəbəsində qeydə alınıb.
Rayonun Boyat kənd sakini Əliyev Hafiz Qaraxan oğlunun idarə etdiyi VAZ-2107 markalı minik maşını 2012-ci il təvəllüdlü piyada İbrahimov Röyal Hürbət oğlunu vurub.
14 yaşlı R.İbrahimov hadisə yerində həyatın itirib.

Faktla bağlı araşdırma aparılır.

"Azeri Light" markalı Azərbaycan neftinin 1 barelinin qiyməti 2,04 ABŞ dolları və ya 1,76 % azalaraq 113,48 ABŞ dolları təşkil edib.

"South China Morning Post" qəzetinin məlumatına görə, Putin mayın 20-də Çinə səfər edəcək.

Səfər bir günlük olacaq və rəsmi görüş nəzərdə tutulmayacaq. Bu, Moskva ilə Pekin arasında adi təmasların bir hissəsi kimi təsvir olunur.

Ekologiya və Təbii Sərvətlər Nazirliyi Yanında Dövlət Ekoloji Təhlükəsizlik Xidmətinə yeni müavin təyin olunub.
Nazir Rəşad İsmayılovun müvafiq əmri ilə bu vəzifə Zaur Əliyevə həvalə edilib.

Məlumatı nazirliyin mətbuat katibi İradə İbrahimova təsdiqləyib.

Qeyd edək ki, Dövlət Ekoloji Təhlükəsizlik Xidmətinin rəisi Hikmət Əlizadədir.

Metronun iş qrafiki dəyişdirilir

WUF13 günlərində metro gücləndirilmiş iş rejimində fəaliyyət göstərəcək.

Bu barədə "Bakı Metropoliteni"ndən xəbər verilib.

Bildirilib ki, mayın 17-22-də Bakıda keçiriləcək Ümumdünya Şəhərsalma Forumunun 13-cü Sessiyası (WUF13) ilə əlaqədar AZCON Holding şirkətlərindən olan “Bakı Metropoliteni” QSC-də xüsusi iş rejimi tətbiq olunacaq.

Tədbir günlərində sərnişin axınının təhlükəsiz və fasiləsiz idarə olunması məqsədilə qatarların hərəkət qrafikində dəyişiklik ediləcək.

Mayın 17-də qatarlar şənbə qrafiki ilə hərəkət edəcək: “28 May–Əhmədli” və əks istiqamətdə interval 2 dəqiqə 30 saniyə olacaq.

Sessiyanın digər günlərində isə metro ən sıx iş günü rejimində fəaliyyət göstərəcək:

“28 May–Əhmədli” sahəsində interval 1 dəqiqə 45 saniyə olacaq.

Bənövşəyi xətdə, həmçinin “Əhmədli–Həzi Aslanov” və “Cəfər Cabbarlı–Xətai” məkik hərəkət mənzillərində qrafik olduğu kimi qalacaq. Sərnişin sıxlığının operativ tənzimlənməsi üçün ehtiyat qatarlar da hazır saxlanılacaq.

Azərbaycandan tranzit keçməklə Ermənistana buğda göndərilib.

14 vaqondan ibarət, çəkisi 977 ton olan buğda 15 may tarixində Biləcəri stansiyasından Böyük Kəsik istiqamətinə yola salınıb.

Azərbaycan Avtomobil Yolları Dövlət Agentliyində (AAYDA) kadr dəyişikliyi olub.

Bununla bağlı AAYDA-nın İdarə Heyətinin sədri Vüsal Nəsirli müvafiq əmr imzalayıb.
Əmrə əsasən, qurumun "Azəryolelmitədqiqatlayihə" İnstitutunun direktoru Azər Nemətli vəzifəsindən azad olunub.

Digər əmrlə o, agentliyin Layihələndirmə və texniki ekspertiza departamentinin Texniki-iqtisadi əsaslandırma və texniki şərtlər şöbəsinin müdiri vəzifəsinə gətirilib.
Xatırladaq ki, V.Nəsirli ötən ayın əvvəlində Xırdalan şəhərində yerləşən "Azəryolelmitədqiqatlayihə" İnstitutunda və onun tərkibində fəaliyyət göstərən Təcrübə-Sınaq Laboratoriyasında olub, onların fəaliyyətini nəzərdən keçirib.

TƏBİB: WUF13 zamanı fasiləsiz tibbi xidmət göstəriləcək.

Tədbirlə bağlı 75 briqada və 35 təcili tibbi yardım avtomobili ayrılıb.

Xankəndi stadionundan son
görüntülər

Vado Korovinin Speys TV-nin rəhbər vəzifəsindən azad olunmasından sonra telekanalda islahatlar davam edir.

Axar.az Qaynarinfo-ya istinadla xəbər verir ki, "Speys 104 FM" radiosunun direktoru Sərxan Qədimov da vəzifəsindən azad edilib.

Bundan başqa, Vado Korovinin sürücüsü də işindən çıxarılıb.
Qeyd edək ki, Sərxan Qədimov 2024-cü ilin avqustunda "Speys" radiosuna direktor təyin edilmişdi. 14 il ATV telekanalında çalışan Sərxan Qədimov daha sonra "Speys" televiziyasında Musiqi departamentinin rəhbəri olub.

🇷🇺🇦🇲 Ermənistan Avrasiya İqtisadi Birliyindən çıxıb Aİ üzvlüyünə müraciət edərsə, ildə ən azı 5 milyard dollar və ya ÜDM-in təxminən 15%-ni itirə bilər.

🔻 Qiymətləndirməyə potensial olaraq daha yüksək qaz qiymətləri, Rusiyaya sərfəli sanksiyalarla əlaqəli təkrar ixracın azalması, Rusiya bazarına daxil olan Ermənistan mallarına tariflər və Rusiyadakı erməni əmək miqrantları üçün mümkün iş icazəsi xərcləri daxildir.

🔻 Hesabata görə, Ermənistan hazırda Rusiya qazını hər 1000 kubmetr üçün təxminən 177 dollara alır. AİB xaricində bunun təxminən 550 dollara başa gələcək. Eyni zamanda Ermənistan satışa çıxarılan məhsullar üçün qısa zamanda Rusiya bazarını əvəz edə bilməz.

- Baza