🏡Xocavənd şəhərinə daha 33 ailə yola salınıb

Böyük Qayıdış prosesi çərçivəsində Xocavənd şəhərinə növbəti köç karvanı yola salınıb.

Bu mərhələdə Xocavənd şəhərinə 33 ailə (142 nəfər) köçürülür.

Qeyd edək ki, bu köç də daxil olmaqla, Xocavəndə ümumilikdə 234 ailənin (904 nəfər) daimi qayıdışı təmin edilib.

🇮🇷🇮🇱 İsrail ordusu Şiraz bölgəsində İranın ballistik raketlər üçün material istehsal edən azsaylı zavodlarından birini bombalayıb

Rusiya Ukraynada meriya binasını vurdu

⚡️Maliyyə Nazirliyi:

● Cari ilin yanvar-mart ayları ərzində dövlət büdcəsinin gəlirləri 9 599,0 milyon manat təşkil edib ki, bu da proqnozu 458,9 milyon manat və ya 5.0 faiz üstələyib.

● Yanvar-mart ayları ərzində dövlət büdcəsinin xərcləri 8 012,5 milyon manat proqnoza qarşı 7 817,1 milyon manat məbləğində icra edilib ki, bu da 97.6 faiz təşkil edir.

İran Prezidenti Məsud Pezeşkian: “Bu günə qədər 14 milyondan çox qürurlu iranlı ölkənin müdafiəsi üçün canından keçməyə hazır olduğunu bəyan edib.

Mən də İran üçün fədakarlıq etmişəm, edirəm və edəcəyəm.”

İsrail ordusu İranın hava müdafiə sistemlərinə zərbələri davam etdirir.

Açıqlamaya görə, dəqiq əməliyyatlar nəticəsində ölkə üzrə 130-dan çox hava hücumundan müdafiə sistemi məhv edilib.

Futbol üzrə Rumıniya millisinin yeni baş məşqçisi müəyyənləşib.

Axar.az xəbər verir ki, bu barədə Rumıniya Futbol Federasiyası məlumat yayıb.

Komanda George Haciyə tapşırılıb.

O, bu postda Mirça Luçeskunu əvəzləyib.

Xatırladaq ki, George Haci son olaraq ölkəsində "Farul"un baş məşqçisi olub.

📊 2026-cı ilin birinci rübündə ADY-nin Bakı Limanı 423 124 ton səpkili yük (karbamid, kükürd) aşırıb. Bu, ötən ilin müvafiq dövrünün göstəricisi ilə müqayisədə təqribən 46 faiz çoxdur.
⚓️ Eyni zamanda, bu ilin martında limanda 162 min ton səpkili yük aşırılıb. Bu, ötən ilin martında qeydə alınan göstəricidən 94 faiz çoxdur, həmçinin aşırılmış səpkili yüklər üzrə aylıq rekord nəticədir.
🚢 Bundan başqa, martda Bakı Limanının Ümumi yüklər terminalında 78 gəmi yanaşmaşı olub ki, bu da öz növbəsində rekord göstəricidir.
#ADY #AzərbaycanDəmirYolları #BakıLimanı

Cinas bayatılar ustadı kimi tanınan Sarı Aşığın “Gül dəftəri” kitabı çapdan çıxıb.

Daha bir Azərbaycan vətəndaşı Rusuya ilə Ukrayna arasında gedən müharibədə ölüb.

Ucar rayonu Qarabörk kənd sakini, 1999-cu il təvəllüdlü Soltan Kamran oğlu Qədirov 1 il öncə müharibə bölgəsində itkin düşüb. Mərhumun nəşi tapılaraq Vətənə gətirilib və ailəsinə təhvil verilib. Soltan Qədirovun nəşi Qarabörk kənd qəbiristanlığında torpağa tapşırılıb.

S.Qədirovun Rusiya tərəfindən döyüşlərdə iştirak etdiyi bildirilir.

Sabah Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir.


Qeyd edilib ki, cənub-qərb küləyi gündüz arabir güclənən şimal-qərb küləyi ilə əvəz olunacaq.

Havanın temperaturu gecə 10-12° isti, gündüz 15-17° isti olacaq.

Azərbaycanın rayonlarında havanın əsasən yağmursuz keçəcəyi gözlənilir. Lakin gecə və axşam bəzi dağlıq və dağətəyi rayonlarda qısamüddətli yağıntılı olacağı, şimşək çaxacağı, dolu düşəcəyi, dağlıq ərazilərdə qar yağacağı ehtimalı var. Bəzi yerlərdə arabir duman olacaq. Şərq küləyi bəzi yerlərdə arabir güclənəcək.

Havanın temperaturu gecə 9-12° isti, gündüz 18-23° isti, dağlarda gecə 3-8° isti, gündüz 13-18° isti olacaq.