Çində ən iri yük PUA-dan biri ilk uçuşunu uğurla həyata keçirib.

Aparat öz sinfində dünyada ən böyük modellərdən biri hesab olunur. O, 280 metr qaçışdan sonra havaya qalxıb və təxminən 30 dəqiqə uçuş edərək bütün əsas sınaqlardan uğurla keçib.

Pilotsuz aparatın maksimal yükqaldırma qabiliyyəti 3,5 ton, uçuş məsafəsi isə 3 min kilometrə qədərdir. Minimal uçuş-enmə zolağı tələbləri sayəsində çətin əlçatan ərazilərdə də istifadə oluna bilər.