💥 BƏƏ-də partlayışlar

Pilotsuz uçuş aparatı Thuraya Telecom şirkətinin BƏƏ-dəki ofisinə çırpılıb. Bu barədə Şərca əmirliyinin hakimiyyəti məlumat yayıb.

Bildirilib ki, xəsarət alan yoxdur.

Bundan əlavə, Dubay şəhərində də partlayışların baş verdiyi barədə məlumatlar yayılıb. İranın hökumətyönlü KİV-ləri bildirir ki, zərbələr ABŞ hərbçiləri ilə əlaqəli obyektlərə endirilib.

❗️Netanyahu:

“Trampı iki dəfə öldürməyə cəhd ediblər… Onu hələ də öldürməyə çalışırlar”.

📌 Bu gün Novruz və Ramazan bayramları ilə əlaqədar verilmiş 11 günlük tətil başa çatır və ilk iş günü hesab olunur.

📍 Eyni zamanda bu gündən etibarən Azərbaycanın bütün təhsil müəssisələrində tədris prosesi bərpa olunur.

ABŞ ordusu İsfahan şəhərində yerləşən sursat anbarına 900 kiloqramlıq bombalarla zərbə endirib.

Donald Tramp partlayış anlarının əks olunduğu videonu paylaşıb.

Bu gecə ABŞ və İsrailin hərbi hava qüvvələri İran şəhərlərinə aviazərbələr endirib.

Məlumata görə, zərbələrin ən güclüsü İsfahan şəhərinə yönəlib. İsfahanda İranın ən mühüm nüvə obyektlərinin yerləşdiyi bildirilir.

“Global Terrorism Index 2026” (GTI) Hesabatı ilə dövlətlərin terror təhlükəsinə görə növbəti reytinq sıralanması təqdim edilib.

Ərazisində terrorçuluq fəaliyyəti və terror təhlükəsi ən yüksək olan ölkələr arasında ilk sıralara - 1.Pakistan (8.574), 2.Burkina Faso (8.324), 3.Niger (7.816) daxil edilib.

Qeyd olunan sıralamada Suriya (7.38) 6-cı, İsrail (6.79) 10-cu, Əfqanıstan (6.678) 11-ci, Hindistan (6.428) 13-cü, Rusiya (5.593) 17-ci, İran (5.477) 18-ci, ABŞ (4.521) 28-ci, Almaniya (4.447) 29-cu, Fransa (3.224) 35-ci, Türkiyə (3,212) 36-cı, Çin (1.311) 54-cü, İsveçrə (0.749) 67-ci, Birləşmiş Ərəb Əmirlikləri (0.749) 68-ci, Gürcüstan (0.506) 77-ci, Ermənistan (0.483) 81-ci yerdə qərarlaşıb.

Ötən ilin Hesabatına əsasən terror təhlükəsi üzrə qeyd olunan sıralamada “0.233” indekslə 90-cı reytinq mövqeyində olan Azərbaycan 2026-cı ildə üç reytinq də yüksələrək “0.123” indekslə 93-cü yerdə qərarlaşmış, 1-dən 100-dək artan mümkün reytinq həddində dünyada terrorla bağlı ən təhlükəsiz ölkələrdən biri kimi yüksək reytinqə sahiblənmişdir.

“Global Terrorism Index” (GTI) reytinq sıralanması indeksləri terror hadisələri, ölümlər, ağır nəticələr, girovlar, terrorçuluqla mübarizə, terrorçuluğun araşdırılması effektivliyi və digər çoxsaylı göstəricilər üzrə hesablamalara əsaslanır.

İqtisadiyyat və Sülh İnstitutu (Institute for Economics and Peace - İEP) tərəfindən dövri olaraq açıqlanan “Global Terrorism Index” hesabatları Birləşmiş Millətlər Təşkilatı, İqtisadi Əməkdaşlıq və İnkişaf Təşkilatı (OECD), Dünya Bankı, digər beynəlxalq təşkilatlar və beynəlxalq akademik institutlar üçün istinad mənbəyi kimi çıxış edir. Hesabatlar eyni zamanda ölkələrə geniş iqtisadi infrastrukturda xarici investisiya yatırımları zamanı nəzərə alınan əsas mənbələrdən hesab olunur.

Beynəlxalq təşkilatların hesabatlarından göründüyü kimi, dini, siyasi, milli və digər zəminlərdə terror-təxribat təhdidlərinin yüksək olduğu kifayət qədər həssas və mürəkkəb geosiyasi məkanda yerləşsə də, uğurlu daxili və xarici dövlət siyasəti nəticəsində bərqərar olmuş inkişaf, əmin-amanlıq, o cümlədən terrorçuluğa qarşı mübarizə sahəsində təhlükəsizlik orqanları tərəfindən görülən effektiv işlər sayəsində Azərbaycan son illər dünyada çox yüksək daxili təhlükəsizlik reytinqinə sahiblənib.

Azərbaycan Respublikası Prezidentinin vurğuladığı kimi, təhlükəsizlik, sabitlik məsələləri hər hansı bir ölkənin gündəliyində heç vaxt olmadığı qədər bir nömrəli məsələ kimi qalmalıdır. Çünki bu olmadan bütün başqa səylər mənasızdır.