“Qatar Energy”: Bir neçə mayeləşdirilmiş təbii qaz (LNG) obyektinə raket zərbələri endirilib, nəticədə yanğın baş verib və ciddi ziyan dəyib.

Müdaxilə qrupları dərhal əraziyə cəlb olunub, xəsarət alan yoxdur.

🇦🇿🇵🇰Azərbaycan və Pakistan XİN rəhbərləri əməkdaşlığın genişləndirilməsi perspektivlərini müzakirə edib

Dünya bazarlarında neft ötən günlə müqayisədə kəskin bahalaşıb.

Axar.az xəbər verir ki, hazırda “Brent” markalı neft 111,39 dollara, yüngül neft 96,82 dollara təklif edilir.

❗️Bakının Heydər Əliyev prospektində piyadanın ölümü ilə nəticələnən yol qəzası baş verib.

Minik avtomobili yolu keçmək istəyən şəxsi vurub, piyada hadisə yerində ölüb.

Əraziyə polis cəlb olunub, nəqliyyatın hərəkətində sıxlıq yaranıb.

🇦🇿🇹🇷 Ceyhun Bayramov Hakan Fidan ilə görüşüb. Nazirlər regional sabitliyin qorunmasının, gərginliyin artmasının qarşısının alınmasının və beynəlxalq hüququn norma və prinsiplərinə, o cümlədən dövlətlərin suverenliyi və ərazi bütövlüyünə hörmətin vacibliyini vurğulayıblar.

⚡️Səudiyyə Ərəbistanı Krallığının Ər-Riyad şəhərində Azərbaycan da daxil olmaqla, 12 ölkənin xarici işlər nazirləri və nümayəndələrinin iştirakı ilə məşvərət toplantısı keçirilib.

İclasda İranın region ölkələrinə hücumları müzakirə olunub, həmin hücumlar kəskin şəkildə pislənilib.

Hücumların dayandırılması eskalasiyanın sona çatması, regionda təhlükəsizlik və sabitliyin bərqərar olması, habelə böhranların həlli yolu kimi diplomatiyanın aktivləşdirilməsi üçün ilk addım kimi qiymətləndirilib.

❗️İranda yanvar iğtişaşlarında iştirak edən üç nəfər edam olunub

Məlumata görə, Ali Məhkəmənin təsdiqindən sonra iki polis əməkdaşını öldürməkdə təqsirli bilinən Mehdi Qasimi, Saleh Məhəmmədi və Səid Davudi adlı məhkumların edamları Qum şəhərində icra olunub.

CENTCOM sosial mediada verdiyi açıqlamaya görə, "Epik Qəzəb" əməliyyatı yalnız ABŞ ordusunun nəyə nail ola biləcəyini xatırladır: gücünü qlobal miqyasda - tez, gözlənilmədən, dəqiq və böyük bir qüvvə ilə - millətimizin tələb etdiyi yerdə və nə vaxt - nümayiş etdirmək bacarığı.

CENTCOM həmçinin ABŞ Hərbi Hava Qüvvələrinin təyyarələrinin hərəkətdə olduğunu göstərən görüntüləri də yayımladı.

İsrail Hərbi Hava Qüvvələri gecə ərzində İranın cənubundakı Şiraz şəhərində yerləşən elektron sənaye obyektlərinə üçüncü zərbəni endirib.

🇺🇲🇮🇱🇮🇷 Tramp İranın neft obyektlərinə zərbələrin dayandırılmasına çalışır. O İranın cavab zərbələrindən xüsusilə körfəz ölkələrinin neft və qaz obyektlərinin sıradan çıxarılmasından narahatdır.

- WSJ

Vaşinqtonda dövlət katibi Marko Rubio, müdafiə naziri Pit Heqset kimi yüksək vəzifəli rəsmilərin yaşadığı ABŞ hərbi bazasının üzərində naməlum dronlar müşahidə edilib.

Axar.az xəbər verir ki, bu barədə "Vaşinqton Post" məlumat yayıb.

Məlumata görə, rəsmilər dronların kimə məxsus olduğu və kim tərəfindən göndərildiyini bilmirlər.
Hadisədən sonra təhlükəsizlik tədbirləri gücləndirilib və yüksək vəzifəli rəsmilərin başqa əraziyə köçürülməsi də nəzərdən keçirilib.

NASA-nın FIRMS peyk məlumatlarına görə, Yanbu şəhərində neft obyektləri yaxınlığında yanğın qeydə alınıb.

Bundan əvvəl İran mənbələri həmin əraziyə raket zərbəsi endirdiklərini iddia etmişdi.

Səhər saatlarından İran İsrailə dayanmadan zərbələr endirir.

Qeyd edək ki, İDF-nin məlumatına görə İran tərəfindən atılan raketlər İsrailin hava hücumundan müdafiə sistemləri tərəfindən zərərsizləşdirilir.

İran hücumları nəticəsində Dubaydakı Fransa hərbi bazasına ziyan dəyib.