Bakıda həyətdə qalanan bayram tonqalı yanğına səbəb oldu

⚡️Yeni qanun: Dövlət qulluğunda yalnız rəsmi maaş olacaq, əlavə mükafatlandırıcı sistemlər ləğv olunur.

❗️Ali Məhkəmə: Əlillərə pensiya ömürlük təyin edilməlidir

❗️🇮🇱İsrail Səhiyyə Nazirliyi:

Son 24 saat ərzində 192 nəfər yaralanıb, müharibənin başlanmasından bu yana isə yaralıların sayı 3727-yə çatıb. Onlardan 74-ü hazırda müalicə alır.

Biz atəşkəsə inanmırıq. Müharibənin bitməsinə inanırıq.

Axar.az xəbər verir ki, bunu İranın xarici işlər naziri Abbas Arakçı deyib.

“Müharibənin bitməsi məhz bu deməkdir: müharibənin bütün cəbhələrdə bitməsi. Müharibə məsələsi birdəfəlik həll olunur və biz bütün regionda sülhün şahidi oluruq: Livanda, Yəməndə, İraqda, İranda və digər ölkələrdə”, - o vurğulayıb.

İran Milli Təhlükəsizlik Şurasının katibi Əli Laricaninin öldürülməsindən sonra bu posta əsas namizədin adı açıqlanıb.

KİV-lərin məlumatına görə, strateji vəzifəni hökumətdəki "sərt xətt" tərəfdarlarının nümayəndəsi, hazırda Məsləhət Şurasının üzvü olan Səid Cəlili tuta bilər.

İsrailin Baş naziri Benyamin Netanyahu ABŞ-ın İsraildəki səfiri Mike Huckabee ilə görüşündən video yayımlayıb.

Videoda Netanyahu cibindən siyahı çıxararaq bildirib ki, burada İsrailin tədbir görməyi planlaşdırdığı iranlı rəsmilərin adları yer alır. O, siyahını həmin şəxslərin zərərsizləşdirilməsi üçün nəzərdə tutulmuş siyahı kimi təqdim edib.

Baş nazirin sözlərinə görə, siyahıdakı iki nəfər artıq vəzifədən uzaqlaşdırılıb, digərləri isə hələ də postlarındadır.

“Sağam, amma bu kart məndədir. Bu perforasiya kartıdır. Bu gün oradan iki adı sildim və görürsünüz ki, nə qədər ad qalıb”, – deyə Netanyahu bildirib.

Videoda sosial şəbəkələrdə yayılan Netanyahu-nun öldürüldüyü və onun sağ olduğunu göstərən görüntülərin süni intellektlə hazırlandığı barədə iddialara da toxunulub. Netanyahu bu iddiaları ələ salaraq zarafatla “hər iki əlimdə beş barmağım var” deyib.

Məlumatı Iran International yayıb.

🚨 İsrail Beyruta zərbə endirib

Laricani və oğlunun tabutu

Beyrutda yerləşən “Ramada” otelinə zərbə endirildiyi bildirilir.

Livan­dakı İran səfirinin məlumatına görə, hadisə zamanı oteldə olan altı iranlı diplomat hücuma məruz qalıb. Hadisənin təfərrüatları və mümkün itkilər barədə əlavə məlumat verilməyib.

İsrailin Baş naziri Benyamin Netanyahu Tel-Əvivdə yerləşən Kirya base hərbi bazasından İran xalqına videomüraciət edib.

O, Novruz bayramı münasibətilə etdiyi çıxışda İsrailin hava qüvvələrinin əməliyyatlarından danışaraq, zərbələrin “yerüstü hədəflərə, o cümlədən yollar və meydanlarda olan silahlı şəxslərə” yönəldiyini bildirib. Netanyahu çıxışında iranlılara bayramı qeyd etməyə çağırdığını da qeyd edib.

İsrail ordusu İranın kəşfiyyat nazirini hədəf alıb

"Kanal, 12"

İranın kəşfiyyat naziri İsmayıl Xətib də ötən gecə öldürülüb.

Axar.az xəbər verir ki, bu barədə İranın müxalifət mediası məlumat yayıb.

Məlumata görə, Xətib İsrail ordusunun İrana gecə saatlarında hücumu zamanı öldürülüb.

Qeyd edək ki, Xətibin ölümünün hələlik rəsmi təsdiqi yoxdur.

İsrail ordusu Qəzza zolağında HƏMAS hərəkatının komandirlərindən birini zərərsizləşdirib.

Bu barədə İsrail Müdafiə Qüvvələri (IDF) məlumat yayıb.

Hava zərbəsi nəticəsində hərəkatın maddi-texniki təchizat (logistika) bölməsində komandir olan Yəhya Əbu Ləbdanin öldürüldüyü bildirilir.

IDF-in bildirdiyinə görə, Əbu Ləbda HƏMAS-ın hərbi qanadının hərbi avadanlıqlar və silahlarla təchizatına, eləcə də nəqliyyat məsələlərinə cavabdeh idi.

“Əbu Ləbda HƏMAS-ın istehsal müəssisələrinə dəstək məqsədilə raket istehsalına lazım olan tonlarla xammalın və yüksək texnologiyaları elektron komponentlərin daşınmasına rəhbərlik edib”, -deyə IDF-in məlumatında qeyd olunub.