İsrail: Tehranda İnqilab Keşikçilərinin obyektlərinə zərbələr endirilib

İsrail ordusu Hərbi Hava Qüvvələrinə məxsus onlarla qırıcı təyyarənin Tehran və İranın qərbində İran rejiminə aid hərbi infrastruktura genişmiqyaslı zərbələr endirdiyini açıqlayıb.

Bildirilib ki, zərbələr zamanı Tehranda İslam İnqilabı Keşikçiləri Korpusunun qərargahında fəaliyyət göstərən hərbçilər hədəfə alınaraq məhv edilib.

Məlumata görə, hücumlar çərçivəsində İnqilab Keşikçilərinin hava qüvvələrinə aid qərargahlar, əməliyyat idarəetmə mərkəzləri, “İmam Hüseyn” hərbi universitetində yerləşən kompleks, eləcə də ballistik raketlərin saxlanıldığı və istehsal edildiyi obyektlər vurulub.

Eyni zamanda daxili təhlükəsizlik qüvvələri, Bəsic bölmələri və İranın kəşfiyyat strukturlarına aid qərargah və bazalar da hədəfə alınıb.

ABŞ və İsrailin İrana qarşı apardığı müharibə ilə bağlı infoqrafika yayılıb.

İnfoqrafikaya əsasən, müharibənin başladığı 28 fevraldan bu günə kimi hücum aktivliyi kəskin şəkildə aşağı düşüb.

Bu, istər ABŞ-İsrail tərəfinə, istərsə də İrana şamil edilir. Belə ki, savaşın ilk günlərində raket və dronlardan, eləcə də təyyarələrdən istifadə 500-ün üzərində idisə, bu gün bu rəqəm 150-100-dən aşağı düşüb.

Hayfa şəhərinə zərbələr davam edir: