İranın XİN naziri Abbas Araqçi deyib ki, ABŞ‑la yenidən danışıq aparmaq artıq gündəmdə deyil, çünki Tehranın fikrincə, Vaşinqtonla keçmiş danışıqlar “çox acı təcrübə” olub. O bildirib ki, ABŞ ilə üç raund danışıqlarda böyük irəliləyiş əldə edildiyi halda belə, onlar İranı hücumla cavablandırıblar, bu səbəbdən indi ABŞ‑la danışmaq və ya yenidən masaya əyləşmək düşünülmür

❗️🇮🇷İranın xarici işlər naziri Abbas Araqçi bildirib ki, nüvə və raket obyektlərinə hücumlara baxmayaraq, İranın proqramı dayandırılmayıb və ölkə lazım olduğu müddətdə raket zərbələrini davam etdirməyə hazırdır.

Bu səhər İranın liman şəhəri Bandar-Abbas yaxınlığında güclü partlayış baş verib.

Ötən sutka ərzində ABŞ və İsrail hərbi hava qüvvələri İranın 17 əyalətinə hücum ediblər.

Axar.az xəbər verir ki, bu barədə İran İnsan Haqları Təşkilatı məlumat yayıb.

Məlumata görə, 147 hava hücumu zamanı 285 hədəfə zərbə endirilib.

Zərbələr nəticəsində 40 nəfər ölüb, 8 nəfər yaralanıb.

Pakistan İrandakı müharibə səbəbindən neft qiymətlərinin kəskin artmasından sonra yanacaq istehlakını azaltmaq məqsədilə məktəbləri iki həftə müddətinə bağlayacaq və dövlət işlərini daha çox onlayn rejimə keçirəcək.

Axar.az xəbər verir ki, bu barədə Pakistanın Baş naziri Şahbaz Şərif deyib.

Türkiyənin Müdafiə Nazirliyi bildirir ki, bölgədə gərginliyin artması fonunda havanın və raketlərin müdafiəsinin gücləndirilməsi tədbirləri çərçivəsində Malatyaya NATO Patriot raket müdafiə sistemi yerləşdirilib.

Türkiyə Milli Müdafiə Nazirliyi açıqlayıb ki, sistem Türkiyə hava məkanının qorunmasına kömək etmək üçün əməliyyat hazırlığı vəziyyətinə gətirilir.

Ankara həmçinin bildirib ki, NATO və müttəfiq ölkələrlə sıx əlaqədədir və bölgədə sabitliyi təmin etmək istiqamətində tədbirləri izləməyə davam edəcək.

Dünən İranın Kuhdəşt şəhərində polis qüvvələrinin komandanlıq qərargahı hədəfə alınıb.

Axar.az xəbər verir ki, bu barədə “Demokratlar” Teleqram kanalı məlumat yayıb.
Yayılan görüntülərdə qərargahın və ətraf tikililərin demək olar ki, tamamilə məhv olduğu, yalnız giriş qapısının salamat qaldığı görünür.
Bildirilir ki, bu mərkəz bölgədə İran İslam Respublikasına bağlı qüvvələrin istifadə etdiyi bazalardan biri idi.
Hadisə nəticəsində ölən və yaralananların sayı barədə hələlik rəsmi məlumat açıqlanmayıb.

SEPAH: ABŞ və İsrail səfirlərini öz ərazisindən çıxaran ölkələrin gəmiləri Hörmüz boğazından keçə biləcək

Qeyd edək ki, ABŞ, İsrail və İran arasında müharibə başlayandan bəri Hörmüz boğazında gəmilərin hərəkəti iflic olub

Tanınmış hüquqşünas, sabiq müstəntiq Müşfiq Abbasov azadlığa çıxıb.

Bu barədə Axar.az-a o özü məlumat verib.

Hüquqşünas həbs olunma səbəbini bu gün açıqlayacağını bildirib.

Qeyd edək ki, Müşfiq Abbasov fevralın 23-də 15 sutkalıq həbs cəzası almışdı.

Son günlərdə İranın İlam şəhərinin bombalanmasını əks etdirən görüntülər yayılıb.

Məlumata görə, İran İnqilab Keşikçiləri Korpusu ilə əlaqəli bütün hərbi obyektlər tamamilə məhv edilib.