⚡️Niderland hökuməti Kiprin və digər müttəfiqlərin müdafiəsinə kömək etmək məqsədilə Fransanın xahişi ilə Aralıq dənizinə freqat göndərəcəyini bildirib.

Dünya bazarlarında neft ucuzlaşmaqda davam edir.

Axar.az xəbər verir ki, hazırda “Brent” markalı neft 92,96 dollara, yüngül neft 88,57 dollara təklif edilir.

Qeyd edək ki, ötən gün "Brent" markalı neft səhər saatlarında kəskin bahalaşaraq 114 dollara qalxmışdı.

Ümumdünya Antidopinq Agentliyi (WADA) 18-19 martda Bakıda keçirilməsi planlaşdırılan Avropa üzrə Regional Simpoziumu Yaxın Şərqdəki vəziyyət səbəbindən təxirə salıb.

Axar.az xəbər verir ki, bu barədə Teleqraf-a Azərbaycan Milli Antidopinq Agentliyindən məlumat verilib.

Simpoziumdan əvvəl Bakı şəhərində təşkil olunması nəzərdə tutulan WADA-nın İcraiyyə Komitəsinin (ExCo) iclasının isə onlayn formatda keçirilməsinə qərar verib.

WADA açıqlamasında ev sahibləri - Azərbaycan Respublikasının Gənclər və İdman Nazirliyi və Azərbaycan Milli Antidopinq Agentliyinin (AMADA) göstərdiyi qonaqpərvərlik və dəstəyini yüksək qiymətləndirərək bu qərarın asanlıqla qəbul edilmədiyini diqqətə çatdırıb. Hava nəqliyyatında mümkün fasilələr və logistika amilləri diqqətlə təhlil edildikdən sonra bu qərarın verilməsi zəruri hesab olunub.

❗️İsrail Müdafiə Qüvvələri (IDF) dünən “Əl-Kərz Əl-Həsən” Assosiasiyasına məxsus aktivlərə və pul anbarlarına qarşı növbəti zərbələr silsiləsini başa çatdırdığını açıqlayıb.

İddiaya görə, bu qurum Hizbullahın fəaliyyətinin maliyyələşdirilməsi üçün istifadə olunur.

İrandan İsrailə atılan ballistik raketlərin sayı azalma tendensiyası göstərir:

• 28 fevral – 95 raket
• 1 mart – 57 raket
• 2 mart – 28 raket
• 3 mart – 25 raket
• 4 mart – 23 raket
• 5 mart – 17 raket
• 6 mart – 15 raket
• 7 mart – 13 raket
• 8 mart – 11 raket
• 9 mart – 10 raket

Məlumatlar göstərir ki, ilk günlərlə müqayisədə raket buraxılışlarının intensivliyi xeyli azalıb.

İranın Xomeyn şəhərində Hafiz Xomeyni adını daşıyan məktəbə hücum edilib.

Axar.az xəbər verir ki, bu barədə “Fars” agentliyi məlumat yayıb.

Məlumata görə, hücum zamanı məktəbin yerləşdiyi məhəllədə bir neçə yaşayış evi də zərər görüb.

Hadisə nəticəsində ölən və yaralananlar barədə məlumat verilməyib.

Qeyd edək ki, fevralın 28-də ABŞ-ın Minab şəhərindəki qızlar məktəbinə zərbələri nəticəsində 160-dan çox şagird həlak olmuşdu.

İranın XİN naziri Abbas Araqçi deyib ki, ABŞ‑la yenidən danışıq aparmaq artıq gündəmdə deyil, çünki Tehranın fikrincə, Vaşinqtonla keçmiş danışıqlar “çox acı təcrübə” olub. O bildirib ki, ABŞ ilə üç raund danışıqlarda böyük irəliləyiş əldə edildiyi halda belə, onlar İranı hücumla cavablandırıblar, bu səbəbdən indi ABŞ‑la danışmaq və ya yenidən masaya əyləşmək düşünülmür

❗️🇮🇷İranın xarici işlər naziri Abbas Araqçi bildirib ki, nüvə və raket obyektlərinə hücumlara baxmayaraq, İranın proqramı dayandırılmayıb və ölkə lazım olduğu müddətdə raket zərbələrini davam etdirməyə hazırdır.

Bu səhər İranın liman şəhəri Bandar-Abbas yaxınlığında güclü partlayış baş verib.

Ötən sutka ərzində ABŞ və İsrail hərbi hava qüvvələri İranın 17 əyalətinə hücum ediblər.

Axar.az xəbər verir ki, bu barədə İran İnsan Haqları Təşkilatı məlumat yayıb.

Məlumata görə, 147 hava hücumu zamanı 285 hədəfə zərbə endirilib.

Zərbələr nəticəsində 40 nəfər ölüb, 8 nəfər yaralanıb.

Pakistan İrandakı müharibə səbəbindən neft qiymətlərinin kəskin artmasından sonra yanacaq istehlakını azaltmaq məqsədilə məktəbləri iki həftə müddətinə bağlayacaq və dövlət işlərini daha çox onlayn rejimə keçirəcək.

Axar.az xəbər verir ki, bu barədə Pakistanın Baş naziri Şahbaz Şərif deyib.