Bu axşam UEFA Çempionlar Liqasının 1/8 final mərhələsinin ilk oyunları keçiriləcək.

Axar.az xəbər verir ki, oyun günündə 4 qarşılaşma baş tutacaq.

UEFA Çempionlar Liqası

1/8 final mərhələsi

10 mart

Saat 21:45, "Qalatasaray" - "Liverpul".

Saat 00:00, "Atalanta" - "Bavariya";

Saat 00:00, "Atletiko Madrid" - "Tottenhem";

Saat 00:00, "Nyukasl Yunayted" - "Barselona".

İsrailin Kanal 14 telekanalı hazırda “aradan götürülməsi planlaşdırılan şəxslər” siyahısı barədə məlumat yayıb. Siyahıda aşağıdakı tanınmış fiqurların adları çəkilir:

Möctəba Xamenei

Əli Laricani

Qulam Hüseyn Möhseni-Ejei

Əli Abdullahi

Məhəmməd Baqir Qalibaf

Əhməd Vahidi

Məlumata görə, bu şəxslər İsrail tərəfindən potensial hədəflər kimi göstərilib.

⚡️Niderland hökuməti Kiprin və digər müttəfiqlərin müdafiəsinə kömək etmək məqsədilə Fransanın xahişi ilə Aralıq dənizinə freqat göndərəcəyini bildirib.

Dünya bazarlarında neft ucuzlaşmaqda davam edir.

Axar.az xəbər verir ki, hazırda “Brent” markalı neft 92,96 dollara, yüngül neft 88,57 dollara təklif edilir.

Qeyd edək ki, ötən gün "Brent" markalı neft səhər saatlarında kəskin bahalaşaraq 114 dollara qalxmışdı.

Ümumdünya Antidopinq Agentliyi (WADA) 18-19 martda Bakıda keçirilməsi planlaşdırılan Avropa üzrə Regional Simpoziumu Yaxın Şərqdəki vəziyyət səbəbindən təxirə salıb.

Axar.az xəbər verir ki, bu barədə Teleqraf-a Azərbaycan Milli Antidopinq Agentliyindən məlumat verilib.

Simpoziumdan əvvəl Bakı şəhərində təşkil olunması nəzərdə tutulan WADA-nın İcraiyyə Komitəsinin (ExCo) iclasının isə onlayn formatda keçirilməsinə qərar verib.

WADA açıqlamasında ev sahibləri - Azərbaycan Respublikasının Gənclər və İdman Nazirliyi və Azərbaycan Milli Antidopinq Agentliyinin (AMADA) göstərdiyi qonaqpərvərlik və dəstəyini yüksək qiymətləndirərək bu qərarın asanlıqla qəbul edilmədiyini diqqətə çatdırıb. Hava nəqliyyatında mümkün fasilələr və logistika amilləri diqqətlə təhlil edildikdən sonra bu qərarın verilməsi zəruri hesab olunub.

❗️İsrail Müdafiə Qüvvələri (IDF) dünən “Əl-Kərz Əl-Həsən” Assosiasiyasına məxsus aktivlərə və pul anbarlarına qarşı növbəti zərbələr silsiləsini başa çatdırdığını açıqlayıb.

İddiaya görə, bu qurum Hizbullahın fəaliyyətinin maliyyələşdirilməsi üçün istifadə olunur.

İrandan İsrailə atılan ballistik raketlərin sayı azalma tendensiyası göstərir:

• 28 fevral – 95 raket
• 1 mart – 57 raket
• 2 mart – 28 raket
• 3 mart – 25 raket
• 4 mart – 23 raket
• 5 mart – 17 raket
• 6 mart – 15 raket
• 7 mart – 13 raket
• 8 mart – 11 raket
• 9 mart – 10 raket

Məlumatlar göstərir ki, ilk günlərlə müqayisədə raket buraxılışlarının intensivliyi xeyli azalıb.

İranın Xomeyn şəhərində Hafiz Xomeyni adını daşıyan məktəbə hücum edilib.

Axar.az xəbər verir ki, bu barədə “Fars” agentliyi məlumat yayıb.

Məlumata görə, hücum zamanı məktəbin yerləşdiyi məhəllədə bir neçə yaşayış evi də zərər görüb.

Hadisə nəticəsində ölən və yaralananlar barədə məlumat verilməyib.

Qeyd edək ki, fevralın 28-də ABŞ-ın Minab şəhərindəki qızlar məktəbinə zərbələri nəticəsində 160-dan çox şagird həlak olmuşdu.

İranın XİN naziri Abbas Araqçi deyib ki, ABŞ‑la yenidən danışıq aparmaq artıq gündəmdə deyil, çünki Tehranın fikrincə, Vaşinqtonla keçmiş danışıqlar “çox acı təcrübə” olub. O bildirib ki, ABŞ ilə üç raund danışıqlarda böyük irəliləyiş əldə edildiyi halda belə, onlar İranı hücumla cavablandırıblar, bu səbəbdən indi ABŞ‑la danışmaq və ya yenidən masaya əyləşmək düşünülmür