🇦🇿🇹🇷Azərbaycan və Türkiyə müdafiə nazirləri arasında telefon danışığı olub

Tərəflər arasında İran İslam Respublikasının silahlı qüvvələri tərəfindən İran ərazisindən pilotsuz uçuş aparatları (PUA) vasitəsilə Azərbaycan Respublikasının Naxçıvan Muxtar Respublikasının Naxçıvan beynəlxalq hava limanına və digər mülki infrastruktura hücum aktları müzakirə olunub. 

Bəhreyndə İran hücumu nəticəsində böyük yanğınlar baş verib.

Böyük Britaniya Manamadakı səfirliyinin bəzi diplomatlarını və onların ailələrini müvəqqəti olaraq Bəhreyndən çıxarır.

⚡️İrandan Azərbaycan sərhədi ilə indiyədək 1341 nəfər təxliyə edilib.

❗️Rusiyada saxlanılan Azərbaycan diasporunun üzvlərinə hökmlər oxunub:

● Şahin Şıxlinski 22 il,

● Akif Səfərov - 21 il,

● Ayaz Səfərov - 20 il,

● Kamal Səfərov - 14 il,

● Məzahir Səfərov - 13 il,

● Bəkir Səfərov - 10 il,

● Şücayəddin Rəcəbov - 14 il azadlıqdan məhrumetmə cəzası verilib.

❗️Tramp İran rəhbərliyi barədə:

“Onlar vaxtlarını boşa sərf edirlər. Xameneinin oğlu zəif fiqurdur.

Mən təyinat prosesində iştirak etməliyəm – Venesuelada olduğu kimi”.

Mənbə: Axios

⚡️⚡️Liderlər İlham Əliyevə zəng edərək İranın dron hücumlarını pislədiklərini bildirir, Azərbaycanla həmrəyliklərini ifadə edirlər.

Bu vaxta qədər Prezident İlham Əliyevə zəng edən liderlər:

● Türkiyə Prezidenti Rəcəb Tayyib Ərdoğan

● Birləşmiş Ərəb Əmirliklərinin Prezidenti Şeyx Məhəmməd bin Zayed Al Nəhyan

● Latviya Prezidenti Edqars Rinkeviçs

Siyahı yenilənir

⚡️Albaniyanın Baş naziri Edi Rama:

Azərbaycan ərazisinə edilən hücum, mülki infrastrukturu hədəfə alması və nəticədə insanların yaralanması İran tərəfindən qonşu ölkələrə qarşı növbəti ağır və qəbuledilməz aqressiya aktıdır.

⚡️Tokayev İranın PUA-larının Naxçıvana hücumunu qətiyyətlə pisləyib

İslam Əməkdaşlıq Təşkilatının (İƏT) Baş Katibliyi İranın Azərbaycan ərazisində Naxçıvana dron hücumlarını kəskin şəkildə pisləyib.

Bu barədə İƏT-in bəyanatında bildirilib.

"Baş Katiblik mülki infrastruktura endirilən zərbələri və dinc sakinlərin həyatı üçün təhlükə yaradılmasını pisləyir, bu Azərbaycanın suverenliyini pozur, onun təhlükəsizliyinə və sabitliyinə təhlükə yaradır. Baş Katiblik Azərbaycanla tam həmrəyliyini təsdiqləyir və suverenliyin, təhlükəsizliyin və sabitliyin qorunması məsələsində onun yanındadır", - məlumatda bildirilib.
Baş Katiblik həmçinin gərginliyin artmasına və regionda sabitliyin pozulmasına gətirib çıxara biləcək bu cür təxribat xarakterli hərəkətlərin dərhal dayandırılmasına çağırıb.
Təşkilat vurğulayıb ki, üzv dövlətlərə endirilən zərbələr və ya onların təhlükəsizliyinə hədə beynəlxalq hüququn prinsiplərini pozur və mehriban qonşuluğa və qarşılıqlı hörmətə əsaslanan beynəlxalq münasibətlərin əsaslarına ziddir.

⚡️Ərdoğan: İranın bölgədəki bir sıra ölkələrə raket və dron hücumları müharibənin geniş coğrafiyaya yayılma riskini ortaya qoyur