❗️İranın MiG və “Yak” tipli döyüş təyyarələri Tehranın səmasında patrul uçuşları həyata keçirir.

“Mehr”

⚠️Astara sərhəd keçid məntəqəsindən Azərbaycan, Çin, Fransa və Tacikistan vətəndaşlarının keçidi təmin olunub

APA-nın cənub bürosu xəbər verir ki, bu gün səhər saatlarından başlayaraq Astara Sərhəd gömrük keçid məntəqəsindən 1 Fransa, 7 Tacikistan və 5 Azərbaycan vətəndaşının keçidi təmin olunub.

Gecə saatlarında isə 50 Çin vətəndaşının keçidi təmin edilib.

İranda Azərbaycan vətəndaşlarının xəsarət alması barədə yeni məlumat daxil olmayıb.

Axar.az xəbər verir ki, bu barədə Xarici İşlər Nazirliyindən (XİN) məlumat verilib.

Xatırladaq ki, ABŞ və İsrail fevralın 28-də İrana qarşı hərbi əməliyyata başlayaraq respublikanın şəhərlərinə hava zərbələri endirib.

Azərbaycan XİN-in martın 1-də açıqladığı məlumatına əsasən döyüş olan bölgədə yalnız bir nəfər Azərbaycan vətəndaşı xəsarət alıb, vətəndaşa diplomatik missiyamız tərəfindən müvafiq dəstək göstərilir və onun vəziyyəti yaxşıdır.

Böhran vəziyyətinə uyğun olaraq, bölgədə yerləşən Azərbaycanın səfirlikləri və Baş konsulluqları fəaliyyətini gücləndirilmiş rejimdə davam etdirir. XİN-in paylaşdığı səyahət xəbərdarlığına uyğun olaraq, İran ərazisində olan Azərbaycan vətəndaşlarının İrandan çıxışı üçün yerləşmə bölgəsindən asılı olaraq Azərbaycan və Türkiyə quru sərhədindən istifadə olunur.

İrana endirilən zərbələr fonunda Rusiya neft-qaz şirkətlərinin səhmləri bahalaşıb.

Artımda liderlər “Rosneft”, “LUKOIL”, “Qazprom Neft” və “NOVATEK” olub.

Yaxın Şərqdəki vəziyyət həmçinin Brent markalı neftin qiymətində kəskin artıma səbəb olub - +15–20%.

Analitiklər artımın davam edəcəyini proqnozlaşdırır: Fars körfəzindən tədarüklər təhlükə altına düşdüyü üçün alternativ kimi Rusiya neftinə tələbat arta bilər.

Tiflisin meri Kaxa Kaladze hazırda Birləşmiş Ərəb Əmirliklərinin paytaxtı Əbu-Dabidədir və mövcud vəziyyətlə əlaqədar olaraq hələlik təyyarə ilə uça bilmir.

Axar.az Report-a istinadən xəbər verir ki, bu barədə Gürcüstan mediası məlumat yayıb.

Qeyd edək ki, fevralın 28-dən etibarən İsrail-ABŞ və İran arasında qarşılıqlı hava hücumları davam edir. İran ABŞ-nin Birləşmiş Ərəb Əmirliklərində yerləşdiyi iddia olunan obyektlərinə də zərbələr endirir. Bununla əlaqədar regionda hava məkanı bağlanıb.