❗️❗️Pirəkəşkül kənd tam orta məktəbinin şagirdi Nilufər Hüseynli dünyanın nüfuzlu ali təhsil müəssisələrindən biri olan NYU Şanxay universitetinə tam təqaüdlə qəbul alan ilk azərbaycanlı şagird olub.

Bu barədə sosial şəbəkədə məlumat yayılıb.

Məlumata görə, N.Hüseynli güclü intellektual bacarıqları və qlobal akademik mühitə töhfə vermək potensialı ilə seçilib. Universitet tələbələrinin yarısı Çindən, digər yarısı isə dünyanın müxtəlif ölkələrindən seçilir.

Onun təqaüdü 82 000 ABŞ dolları məbləğindədir.

🚨🚨 Xəstəxanada bacarmadılar, FHN köməyə gəldi

Üzüyünün barmağını sıxması nəticəsində əziyyət çəkən Bakı şəhər sakini B.Əliyev Travmatologiya və Ortopediya İnstitutuna müraciət etmək məcburiyyətində qalıb.

Xəstəxanada üzüyün barmaqdan çıxarılması mümkün olmayıb və buna görə də Fövqəladə Hallar Nazirliyinə (FHN) müraciət olunub.

FHN Xüsusi Riskli Xilasetmə Xidmətinin xilasediciləri dərhal xəstəxanaya gəlib və təhlükəsizlik qaydalarına riayət etməklə, xəstəxananın həkimlərinin nəzarəti altında xüsusi vasitələrlə üzüyü kəsərək zərərçəkmişin barmağından çıxarıblar.