Dövlət sərhədinin etibarlı mühafizəsinin təmin edilməsi, qaçaqmalçılıq, narkotik vasitələr, psixotrop maddələr və onların prekursorlarının qanunsuz dövriyyəsinə qarşı mübarizə tədbirləri nəticəsində narkotik vasitənin ölkə ərazisinə keçirilməsinin qarşısı alınmışdır.

Dövlət Sərhəd Xidməti Sərhəd Qoşunları Komandanlığının “Lənkəran” sərhəd dəstəsinin xidməti ərazisində sərhəd naryadı tərəfindən sərhəd xəttinə yaxın ərazidə pilotsuz uçuş aparatı (PUA) səsi eşidilmiş, bir qədər sonra isə həmin istiqamətdə hərəkət edən 2 (iki) nəfər naməlum şəxs müşahidə olunmuşdur.

Sərhəd zastavası dərhal “Silaha” komandası üzrə qaldırılaraq xidməti ərazi qapadılmışdır.

Keçirilmiş sərhəd axtarışı və əməliyyat tədbirləri nəticəsində Azərbaycan Respublikası vətəndaşları – 1993-cü il təvəllüdlü Mərdanov Natiq Vahid oğlu və 1995-ci il təvəllüdlü Mahmudov Elşən Arif oğlu şübhəli şəxs qismində saxlanılmışdır.

İlkin dindirilmə zamanı saxlanılan şəxslər İran İslam Respublikası ərazisindən PUA vasitəsilə atılan 10 kiloqram 224 qram narkotiki götürmək məqsədilə gəldiklərini etiraf etmişlər.

Fakt üzrə əməliyyat-istintaq tədbirləri davam etdirilir.

Tokio yaxınlığındakı zooparkda yaşayan 7 aylıq makaka meymunu “Punch” son günlər sosial şəbəkələrin ən çox müzakirə olunan simalarından birinə çevrilib.

“Punch” doğulduqdan dərhal sonra anası tərəfindən tərk edilib. İlk vaxtlar onun qayğısına zoopark əməkdaşları qalıb, daha sonra isə yenidən meymunların saxlanıldığı bölməyə qaytarılıb. Lakin digər meymunlarla ünsiyyət qurmaq cəhdləri əvvəlcə uğursuz alınıb – sürü üzvləri ya ona məhəl qoymayıb, ya da sərt davranıblar.

Balaca meymunun yeganə təsəllisi əməkdaşların ona verdiyi iri oranqutan oyuncağı olub. Əzələlərinin inkişafı və ana qayğısını əvəz etməsi üçün verilən yumşaq oyuncaq “Punch”un ayrılmaz dostuna çevrilib.

Son məlumatlara görə, “Punch” tədricən digər meymunlara uyğunlaşmağa başlayıb və sürü üzvləri ilə daha çox ünsiyyət qurur. O, zooparkda qalır və ziyarətçilərin böyük marağına səbəb olur.

Müşfiq Abbasovun həbsinə bu sözlər səbəb oldu

ƏTRAFLI : https://axar.az/news/gundem/1065093.html

İvanovo vilayətinin “Azərbaycanlıların Milli-Mədəni Muxtariyyəti” ictimai təşkilatının sədri Asif Məmmədov Rusiya vətəndaşlığından məhrum edilib.

Bakı metropoliteninin “İçərişəhər–Sahil” mənzilində Qırmızı xətt üzrə hərəkət edən qatarda texniki nasazlıq qeydə alınıb.

Texniki baxışın keçirilməsinə zərurət yarandığından normativ tələblərə uyğun olaraq sərnişinlər "Sahil" stansiyasında düşürülüb, qatar köməkçi qatar vasitəsilə xətdən çıxarılır.

Bu səbəbdən hazırda Qırmızı və Yaşıl xətlərdə qatarların hərəkətində gecikmələr var.

Əməkdar artist Kamalə Günəşlini parodiya etdi

Hazırda Bakı metrosunun Yaşıl və Qırmızı xətlərdə intervalda 15 dəqiqəyədək yubanmalar müşahidə olunur.

Bu barədə Bakı Metropoliteni QSC-dən məlumat verilib.

Bildirilib ki, intervallar qısa müddətdə bərpa olunacaq.

Köməkçi qatarın cəlb olunması ilə nasaz qatar xətdən çıxarılıb və "Nərimanov" elektrik deposuna yola salınıb. Əvəzinə ehtiyat qatar xəttə buraxılıb.

"Yaranmış narahatlığa görə sərnişinlərimizdən üzr istəyirik!", - deyə məlumatda bildirilib.

Biz Trampın Sülh Şurasını maliyyələşdirməyəcəyik.

Axar.az xəbər verir ki, bunu İsrailin maliyyə naziri Zeev Elkin deyib.

“Bizə hücum edilib. Yenidənqurma üçün pul ödəməyimizə heç bir səbəb yoxdur”, - o bildirib.

Qeyd edək ki, Sülh Şurasına üzv ölkələr Qəzzanın bərpası üçün ianə verirlər.

Bakıda prokurorluq əməkdaşı vəfat edib.

Axar.az Oxu.az-a istinadla xəbər verir ki, Siyəzən Rayon Prokurorluğunun böyük mütəxəssisi - dəftərxana müdiri Eldəniz Qurbanov Bakıda klinikalardan birində dünyasını dəyişib.

Onun açıq ürək əməliyyatından sonra klinikada vəfat etdiyi bildirilir.

Bakıda və Abşeron yarımadasında fevralın 25-də hava şəraitinin dəyişkən buludlu olacağı, arabir tutulacağı gözlənilir.

Bu barədə Milli Hidrometeorologiya Xidməti məlumat yayıb.

Günün birinci yarısında bəzi yerlərdə çiskinli olacağı ehtimalı var. Şimal-şərq küləyi gündüz cənub-şərq küləyi ilə əvəz olunacaq.

Havanın temperaturu gecə 3-5° isti, gündüz 6-9° isti olacaq.

Azərbaycanın rayonlarında hava şəraitinin bəzi yerlərdə arabir yağıntılı olacağı, dağlıq ərazilərdə qar yağacağı gözlənilir. Gündüz yağıntılar tədricən kəsiləcək. Gecə və səhər bəzi yerlərdə duman. Şərq küləyi əsəcək.

Havanın temperaturu gecə 4-7° isti, gündüz 10-15° isti, dağlarda gecə 0-4° isti, gündüz 5-10° isti olacaq.