📣📣 Yevlaxda minlərlə abonentin qaz təchizatı dayandırılacaq

Fevralın 19-u saat 10:00-dan etibarən Yevlax rayonunda “Xaldan Əhali” ölçü qovşağında aparılacaq təmir işləri səbəbindən 21 kənddə qaz təchizatı müvəqqəti dayandırılacaq.

Azəriqaz İstehsalat Birliyi bildirib ki, məhdudiyyət 5 806 əhali və 38 qeyri-əhali abonentini əhatə edəcək.

🔴Ramazan ayının başlaması ilə bağlı fətva verilib

Fətvada deyilir:

"Qafqaz Müsəlmanları İdarəsinin müvafiq sorğusuna əsasən Elm və Təhsil Nazirliyi Nəsirəddin Tusi adına Şamaxı Astrofizika Rəsədxanasının bu il Ramazan ayının 1-i miladi təqvimlə fevral ayının 19-na təsadüf edəcək".

Qeyd olunub ki, Ramazan bayramının tarixi Şəvval ayının hilalının görünməsindən asılı olaraq böyük ehtimalla 20 marta təsadüf edəcək:

"Ayın üfüqi vəziyyəti ilə bağlı olaraq Qafqaz Müsəlmanları İdarəsinın Qazılar Şurası Eydül-Fitr – Ramazan bayramının tarixi barədə əlahiddə məlumat verəcək".

Fitrə zəkatının miqdarı adambaşına 10-15 manat civarında müəyyən olunur".

🌡☀️ Sabah 24 dərəcə isti olacaq

Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Havanın temperaturu gecə 5-8, gündüz 10-14 dərəcə isti olacaq.

Azərbaycanın rayonlarında havanın əsasən yağmursuz keçəcəyi gözlənilir. Havanın temperaturu gecə 5-10,gündüz 19-24 dərəcə isti, dağlarda gecə 3-8, gündüz 13-18 dərəcə isti olacaq.

⚠️FHN: Binanın taxta araskəsmələrdən ibarət olması yanğının söndürülməsi işlərini çətinləşdirsə də yanğından mühafizə bölmələri tərəfindən görülmüş operativ tədbirlərlə yanğın nəzarət altına alınıb.

Təhlükəsizlik tədbirləri çərçivəsində bina sakinlərinin təxliyəsi həyata keçirilib. Hazırda yanğınla mübarizə əməliyyatı davam edir.