Şəxsin “MediHall Hospital'”da ölməsi faktı ilə bağlı araşdırma aparılır.

Bu barədə Axar.az-a Baş Prokurorluğun Mətbuat xidmətindən bildirilib.

"Fevralın 10-da paytaxtın Binəqədi rayonu ərazisində yerləşən "MediHall Hospital”da əməliyyat olunmuş 1983-cü il təvəllüdlü Nigar İsmayılovanın 3 gün sonra həmin klinikada ölməsi faktı ilə bağlı Binəqədi rayon prokurorluğunda araşdırma aparılır.

Hadisənin səbəbi tam, hərtərəfli və obyektiv araşdırılaraq nəticəsi barədə müvafiq qərarın qəbul olunması təmin ediləcək", - məlumatda qeyd olunub.

Qadının estetik əməliyyat olduğu bildirilir.

“Qurtuluş” Reabilitasiya Mərkəzi fəaliyyətini dayandırılıb.

Axar.az Teleqraf-a istinadla xəbər verir ki, mərkəzdə müalicə alan bütün xəstələr evə buraxılıb.

Qeyd edək ki, sözügedən mərkəzin adı son vaxtlar daha çox orada müalicə olunan və sonradan mərkəzi tərk edən Əməkdar jurnalist Nəsimi Nəbizadə ilə bağlı hallanıb.

Həmin ərəfələrdə mərkəzdəki qanun pozuntuları ilə bağlı prokurorluğa məlumat daxil olub.

Mərkəzinin rəhbəri Ceyhun Salmanov və daha iki əməkdaş saxlanılıb. C.Salmanov barəsində 2 ay 10 gün müddətinə həbs qətimkan tədbiri seçilib.

Bakı şəhəri, Sabunçu rayonunun Sabunçu qəsəbəsində yerləşən şəhid Cəlal Məmmədyarov adına 155 nömrəli tam orta məktəbə yeni rəhbər təyinatı həyata keçirilib.

Rusiya-Ukrayna müharibəsində daha bir azərbaycanlı həyatını itirib.

Məlumata görə, Camalov Zaur Mühiddin oğlu Ukrayanın Zaporojye vilayəti istiqamətində gedən döyüşlərdə ölüb.

Onun Rusiya ordusunun tərkibində snayper olaraq vuruşduğu məlumdur.

Zaur Camalovun 1992-ci il noyabrın 30-da Azərbaycanda anadan olduğu və uzun illər Rusiyanın Lipetsk vilayətində yaşadığı bildirilir.

Xatırladaq ki, Azərbaycanın Baş Prokurorluğu ötən il dekabrın 29-da vətəndaşlara müraciət eədək Rusiya-Ukrayna müharibəsində, eləcə də digər xarici ölkələrdəki silahlı münaqişələrdə iştirak etmək cinayət məsuliyyəti yaratdığını açıqlamışdı.

Modern.az

Krasnodar diyarının mülki müdafiə və fövqəladə hallar naziri vəzifəsini icra edən Sergey Ştrikov vəzifə səlahiyyətlərindən sui-istifadə etməkdə şübhəli bilinərək saxlanılıb.

Axar.az xəbər verir ki, bu barədə TASS-a bölgədəki hüquq-mühafizə orqanlarından məlumat verilib.

Qeyd olunub ki, Ştrikov Rusiya FTX-nin regional şöbəsinin əməkdaşları tərəfindən saxlanılıb.